Saráq nâi bữn noau pai Nê-hamia chĩc sám 430 cumo nhũang dỡi Yê-su. Nê-hamia la cũai I-sarel ca táq ranáq tâng dống puo cruang Pơ-sia. Án sễq tễ puo Pơ-sia yỗn án têq chu pỡ vil Yaru-salem dŏq atức loah viang vil. Puo Pơ-sia yỗn án chu, cớp yỗn muoi khlễc choâiq dŏq cũai canŏ́h têq rachuai án.
 Máh cũai sốt tâng cruang mpễr ki tỡ ễq cũai I-sarel atức loah viang; chơ alới aloŏh sa‑ữi ngê dŏq catáng ranáq ki. Ma máh cũai I-sarel yống dếh crơng choac bo atức viang vil; chơ alới bữn táq moâm viang vil Yaru-salem.
 Moâm ki, Nê-hamia doc tễ saráq Phễp Rit Yiang Sursĩ yỗn máh cũai proai tamứng; cớp án sưoq cũai I-sarel chỗi táq noâng ariang achúc achiac alới táq tễ mbŏ́q. Ma cóq alới táq pĩeiq lứq puai máh ŏ́c Yiang Sursĩ khoiq patâp. Chơ máh cũai proai ngin kho máh ranáq lôih alới.