¹Itc^saax^kaa maaih biei dauh dorn. Maaih Tolaa, Pu^aa, Yaasupv caux Simlon.
²Tolaa nyei dorn maaih Utc^si, Le^fai^yaa, Ye^li^en, Yaamai, Ipc^samx, caux Saa^mu^en. Ninh mbuo zoux ninh mbuo nyei bungh buonc bieiv zeiv. Yiem Ndaawitv zoux hungh nyei ziangh hoc, Tolaa nyei zeiv-fun, dongh haih zoux duqv baeng mborqv jaax nyei mienh, maaih i waanc i cin luoqc baeqv dauh nyei mbuox yiem ninh mbuo nyei douh zong daan.
³Utc^si nyei dorn maaih I^saa^laa^hi^yaa.
I^saa^laa^hi^yaa nyei dorn maaih Mi^kaa^en, O^mbaa^ndi, Yo^en caux Itc^si^yaa. Naaiv deix biaa dorn-diex zoux ninh mbuo nyei bungh buonc bieiv zeiv. ⁴Ziux ninh mbuo nyei douh zong daan ninh mbuo maaih auv, maaih fu'jueiv camv, ziouc maaih buo waanc juqv cin dauh haih zoux duqv baeng mborqv jaax nyei mienh.
⁵Yiem Itc^saax^kaa nyei bungh buonc, ziux faaux mbuox ninh mbuo nyei douh zong daan, maaih hietc waanc siec cin dauh haih zoux duqv baeng mborqv jaax henv nyei mienh.
⁶Mben^yaa^min maaih buo dauh dorn, Mbelaa, Mbeke caux Ye^ndi^yaa^en.
⁷Mbelaa maaih biaa dauh dorn. Maaih Etc^mbon, Utc^si, Utc^si^en, Ye^li^motv caux I^li. Ninh mbuo zoux ninh mbuo nyei bungh buonc bieiv zeiv. Ninh mbuo nyei douh zong daan faaux i waanc i cin caux faah ziepc feix dauh haih zoux duqv baeng mborqv jaax nyei mienh nyei mbuox.
⁸Mbeke nyei dorn maaih Se^mi^laa, Yo^aatc, E^li^ye^se, E^li^o^nai, Omli, Ye^le^motv, Aa^mbi^yaa, Aa^naa^totv caux Aa^le^metv. Naaiv deix yietc zungv zoux Mbeke nyei dorn. ⁹Ziux ninh mbuo nyei douh zong daan faaux nyei mbuox maaih ninh mbuo nyei bungh buonc bieiv zeiv caux i waanc nyic baeqv dauh haih zoux duqv baeng mborqv jaax nyei mienh.
¹⁰Ye^ndi^yaa^en nyei dorn maaih Mbin^haan.
Mbin^haan nyei dorn maaih Ye^utc, Mben^yaa^min, E^hutv, Ke^naa^aa^naa, Setaan, Taansitv, caux Aa^hi^qaa^haa. ¹¹Naaiv deix yietc zungv se Ye^ndi^yaa^en nyei zeiv-fun yaac zoux bungh buonc nyei bieiv zeiv. Maaih yietc waanc siec cin nyic baeqv dauh haih zoux duqv baeng, liuc leiz ziangx mingh mborqv jaax nyei mienh.
¹²Supv^bim Mienh caux Hupc^bim Mienh zoux I^laqv nyei zeiv-fun. Husim Mienh zoux Aa^he nyei zeiv-fun.
¹³Napv^taa^li nyei dorn maaih Yaa^si^en, Guni, Yese caux Sinlem.⚓ Naaiv deix dorn se Mbin^haa⚓ nyei zeiv-fun.
¹⁴Maa^natv^se nyei zeiv-fun maaih Atc^li^en. Se Maa^natv^se longc ninh nyei Silie Mienh⚓ jaav-zeih auv duqv daaih nyei zeiv-fun. Ninh yaac yungz Gi^le^aatc nyei die, Maaki. ¹⁵Maaki tengx Hupc^bim caux Supv^bim lorz auv. Ninh nyei muoc nyei mbuox heuc Maa^aa^kaa. Maaki nyei da'nyeic dauh dorn heuc Se^lo^fe^hatc. Se^lo^fe^hatc kungx duqv sieqv hnangv.⚓
¹⁶Maaki nyei auv, Maa^aa^kaa, yungz duqv dauh dorn aengx cuotv mbuox heuc Belaetv. Ninh nyei youz heuc Qeletv. Belaetv nyei dorn maaih Ulaam caux Laakem.
¹⁷Ulaam nyei dorn maaih Mbe^ndaan.
Naaiv se Gi^le^aatc nyei zeiv-fun. Gi^le^aatc se Maaki nyei dorn. Maaki se Maa^natv^se nyei dorn. ¹⁸Gi^le^aatc nyei muoc, Ham^mo^le^ketv, yungz Itc^hotv, Aa^mbi^ye^se caux Maa^haa^laa.
¹⁹Se^mi^ndaa nyei dorn maaih Aa^hi^yan, Sekem, Likv^hi caux Aa^ni^yam.
²⁰E^faa^im nyei zeiv-fun maaih ninh nyei dorn, Su^te^laa, Su^te^laa nyei dorn se Mbeletv, Mbeletv nyei dorn se Taa^hatc, Taa^hatc nyei dorn se E^le^aa^ndaa, ²¹E^le^aa^ndaa nyei dorn se Taa^hatc, Taa^hatc nyei dorn se Saax^mbaatc, Saax^mbaatc nyei dorn se Su^te^laa.
Cuotv liuz Su^te^laa, E^faa^im aengx maaih i dauh dorn, E^se caux E^le^atc. Naaiv deix i dauh dorn mingh nimc Gatc Mienh nyei saeng-kuv wuov zanc zuqc Gatc nyei buonv-deic mienh daix. ²²Ninh mbuo nyei die, E^faa^im, weic ninh mbuo nzauh nyiemv ziex hnoi. Ninh nyei cien-ceqv daaih tengx ninh jaiv nzauh. ²³E^faa^im aengx caux ninh nyei auv bueix. Ninh nyei auv ziouc maaih jienv sin, yungz duqv dauh dorn. E^faa^im tengx ninh nyei dorn cuotv mbuox heuc Mbe^li^yaa,⚓ weic zuqc yiem ninh nyei hmuangv doic gu'nyuoz ninh mbuo buangh zuqc sic. ²⁴Ninh nyei sieqv, mbuox heuc Qe^e^laa, ceix Wuov Ndiev Nyei caux Wuov Jiex Nyei Mbetc Holon caux jienv Utc^sen Qe^e^laa.
²⁵E^faa^im aengx maaih dauh dorn, mbuox heuc Lefaa, Lefaa nyei dorn se Lesepv, Lesepv nyei dorn se Telaa, Telaa nyei dorn se Taa^han, ²⁶Taa^han nyei dorn se Laa^ndaan, Laa^ndaan nyei dorn se Am^mi^hutv, Am^mi^hutv nyei dorn se E^li^saa^maa, ²⁷E^li^saa^maa nyei dorn se Nun, Nun nyei dorn se Yo^su^waa.
 ²⁸E^faa^im nyei zeiv-fun duqv nzipc nyei ndau caux fiuv-laangz, maaih liemh Mbetc^en caux weih gormx Mbetc^en nyei fiuv-laangz. Yaac maaih yiem dong bung nyei Naa^aa^lan caux Gese fai bung nyei fiuv-laangz. Yaac maaih Sekem caux Sekem nyei fiuv-laangz cuotv mingh taux Aiyaa caux Aiyaa nyei fiuv-laangz. ²⁹Yiem Maa^natv^se nyei gapv-jaaix maaih Mbetc Saan,⚓ Taa^aa^naakv, Me^gitc^ndo, Ndo^aa caux naaiv deix yietc zungv nyei fiuv-laangz. I^saa^laa^en nyei dorn, Yosepv, nyei zeiv-fun yiem naaiv deix dorngx.
³⁰Aa^se nyei dorn maaih Imnaa, Itc^waa, Itc^wi caux Mbe^li^yaa. Ninh mbuo nyei muoc heuc Se^laa^aa.
³¹Mbe^li^yaa nyei dorn maaih He^mbe caux Mbin^saa^itc nyei die, Man^ki^en.
³²He^mbe nyei dorn maaih Yaa^fe^letv, So^me, Hotaam. Ninh mbuo nyei muoc heuc Qu^aa.
³³Yaa^fe^letv nyei dorn maaih Baasakc, Mbim^haan caux Atc^waatv. Naaiv se Yaa^fe^letv nyei dorn.
³⁴Ninh nyei youz, So^me, nyei dorn maaih Aa^hi, Logaa, Ye^hupv^mbaa⚓ caux Aalam.
³⁵Yaa^fe^letv nyei youz, Helem,⚓ nyei dorn maaih Sofaa, Imnaa, Qe^e^letv caux Aaman.
³⁶Sofaa nyei dorn maaih Su^aa, Haan^ne^fe, Su^an, Mbeli, Imlaa ³⁷Mbese, Hotv, Sammaa, Sinsaa, Itc^laan caux Mbe^e^laa.
³⁸Ye^te nyei dorn maaih Ye^fun^ne, Bitc^baa caux Aalaa.
³⁹Unlaa nyei dorn maaih Aalaa, Han^ni^en caux Lisiex.
 ⁴⁰Naaiv deix yietc zungv se Aa^se nyei zeiv-fun. Ninh mbuo zoux bungh buonc nyei bieiv zeiv, se ginv daaih haih mborqv jaax gauh henv jiex nyei baeng, maaih mengh hoc nyei bieiv zeiv. Liuc leiz ziangx mborqv jaax nyei mienh, ziux faaux mbuox yiem ninh mbuo nyei douh zong daan, maaih i waanc juqv cin dauh.