Santoiq Atỡng

 Saráq nâi Amôt chĩc sám 700 toâq 800 cumo nhũang dỡi Yê-su. Amôt la cũai mantán cữu, ma Yiang Sursĩ rưoh án yỗn cỡt cũai tang bỗq Yiang Sursĩ ễn. Amôt toâq tễ cruang Yuda, ma án pỡq atỡng parnai o tễ Yiang Sursĩ yỗn máh cũai I-sarel ca ỡt coah angia pỡng. Tâng dỡi ki, cruang I-sarel cỡt sốc bữn cớp ỡt ien khễ, ma máh cũai proai tỡ bữn yám noap Yiang Sursĩ.
 Amôt hữm máh cũai sốc pasếq lứq sanốc ntữn alới, mŏ alới tỡ bữn tanoang, cớp alới padâm máh cũai cadĩt. Khân alới tỡ bữn ralêq loah mứt, ngkíq Yiang Sursĩ lứq manrap cruang alới. Amôt pai Yiang Sursĩ chi-chuaq níc ŏ́c tanoang tapứng, cớp án ễq yỗn ŏ́c tanoang tapứng hoi lalín samoât crỗng. Khân alới ngin lôih, Amôt pai neq: “Cŏh lơ pĩeiq Yiang Sursĩ sâng sarũiq táq chóq máh cũai I-sarel ca noâng khlâiq tâng cruang nâi cống bữn.” (Pún 5:15)