7

I^saa^laa^en Nyei Setv Mueiz Taux Aqv

1Yie aengx duqv zipv Ziouv nyei waac gorngv, 2“Baamh mienh aah! Ziouv Tin-Hungh hnangv naaiv nor gorngv mbuox I^saa^laa^en Deic-Bung, ‘Setv mueiz aqv. Deic-bung nyei biei bung gorqv nyei setv mueiz zungv taux aqv. 3Ih zanc meih nyei setv mueiz taux aqv. Yie oix bun yie nyei ga'qiex baetv cuotv zoux bun meih. Yie oix ei meih zoux nyei jauv siemv meih nyei zuiz, yaac ziux meih zoux gamh nziev nyei sic winh bun meih. 4Yie nyei m'zing mangc yaac maiv korv-fiqv maiv korv-lienh. Yiem meih mbu'ndongx zoux gamh nziev nyei sic nyei ziangh hoc yie oix weic meih zoux nyei jauv winh bun meih. Hnangv naaic meih ziouc hiuv duqv yie se Ziouv. ’
5“Ziouv Tin-Hungh hnangv naaiv gorngv, ‘Zeqc naanc taux aqv, yietc nyungc jiex liuz yietc nyungc taux. Mangc maah! Zeqc naanc zungv taux daaih aqv. 6Setv mueiz taux aqv. Setv mueiz taux aqv. Weic meih setv mueiz taux aqv. Mangc maah! Za'gengh taux aqv. 7I^saa^laa^en Mienh aah! Meih mbuo zuqc mietc nyei ziangh hoc taux aqv. Ziangh hoc taux, hnoi-nyieqc fatv aqv. Benx faanv lunc nyei hnoi. Yiem mbong gu'nguaaic maiv maaih njien-youh heuc nyei qiex. 8Yie siepv-siepv nyei oix bun yie nyei ga'qiex baetv cuotv bun meih, nouz meih taux yie nyei ga'qiex fiu. Yie oix ziux meih zoux nyei jauv siemv meih, yaac weic meih zoux yietc zungv gamh nziev nyei sic dingc meih nyei zuiz. 9Yie nyei m'zing mangc yaac maiv korv-lienh, maiv liouh meih. Yiem meih mbu'ndongx zoux gamh nziev nyei sic nyei ziangh hoc yie oix ziux meih zoux nyei sic winh bun meih. Hnangv naaic meih ziouc hiuv duqv mborqv meih wuov dauh se yie, Ziouv.
10“ ‘Mangc maah! Wuov norm hnoi oix siepv-siepv nyei taux. Meih mbuo zuqc mietc nyei ziangh hoc zungv taux aqv. Biaav-mbiaac butv nyueiz. Zoux maux nyei jauv nqoi biangh. 11Zoux ciouv zoux doqc nyei sic hlo daaih benx diuh zoux orqv sic nyei biaav-mbiaac. Maiv zengc yietc dauh mienh. Ninh mbuo bungx-zuoqc nyei jauv caux ninh mbuo nyei zinh zoih maiv maaih. Yiem ninh mbuo mbu'ndongx yaac maiv maaih haaix dauh duqv zoux hlo. 12Ziangh hoc taux. Hnoi-nyieqc taux fatv aqv. Maaiz nyei mienh maiv dungx a'hneiv, maaic nyei mienh maiv dungx nzauh, weic zuqc ninh mbuo zuangx mienh duqv Tin-Hungh nouz. 13Maaic nyei mienh corc ziangh jienv nyei ziangh hoc maiv duqv aengx nzuonx ninh maaic nyei ndau wuov. Weic zuqc naaiv laauc yaangh nyei sic gorngv zuqc ninh mbuo zuangx mienh yaac maiv haih goiv yienc. Laaix ninh mbuo nyei zuiz maiv maaih haaix dauh haih beu duqv ganh nyei maengc. 14Ninh mbuo zungv biomv jorng liuc leiz mborqv jaax, mv baac maiv maaih mienh cuotv mingh mborqv weic zuqc ninh mbuo nyei zuangx mienh zuqc yie nouz.

I^saa^laa^en Mienh Zuqc Dingc Zuiz

15“ ‘Yiem zingh ga'nyiec maaih nzuqc ndaauv. Zingh gu'nyuoz maaih wuon-baengc caux ngorc hnaangx nyei jauv. Yiem lomc-huaang nyei mienh zuqc nzuqc ndaauv daix. Yiem zingh gu'nyuoz wuov deix ngorc hnaangx yaac butv wuon-baengc daic. 16Se gorngv maaih haaix dauh biaux ndutv, duqv maengc cuotv nor, ninh ziouc yiem wuov mbong. Gorqv-mienh weic gorqv-mienh nyei zuiz heuc hnangv yiem horngz nyei baeqc gopv nor. 17Dauh dauh nyei buoz ndomh mau nyei, dauh dauh nyei cingh mborqc nyanh nyanh nyei. 18Ninh mbuo zuqv jienv la'maah ndie-cou, sin zinx nyanh nyanh nyei. Mangc dauh dauh nyei hmien buatc ninh mbuo nyaiv nzengc, m'nqorngv yaac zuqc teix njang. 19Ninh mbuo zorqv ninh mbuo nyei nyaanh zoi guangc wuov jaai-horngc. Ninh mbuo nyei jiem hnangv maaih uix nyei ga'naaiv. Zuqc Ziouv nouz nyei hnoi ninh mbuo nyei jiem nyaanh maiv haih njoux ninh mbuo. Ninh mbuo nyei jiem nyaanh maiv haih tengx ninh mbuo hnyouv maiv sie fai bun ninh mbuo nyei ga'sie beuv, weic zuqc naaiv deix jiem nyaanh zoux bun ninh mbuo baamz zuiz. 20Ninh mbuo ceng ninh mbuo nzueic haic nyei siou-setv yaac longc zoux ninh mbuo nyei gamh nziev haic, laih hlopv nyei miuc-fangx. Hnangv naaic yie cingx bun wuov deix ga'naaiv weic ninh mbuo benx maaih uix nyei ga'naaiv. 21Yie ziouc zorqv jiu bun ganh fingx mienh benx luv daaih nyei ga'naaiv, yaac jiu bun lungh ndiev nyei orqv mienh benx caangv daaih nyei ga'naaiv. Ninh mbuo ziouc zoux bun maaih uix. 22Yie ziouc niouv hmien maiv mangc ninh mbuo, ninh mbuo ziouc zoux bun yie jaaix nyei dorngx maaih uix. Janx-zaqc yaac bieqc daaih bun dorngx maiv cing-nzengc.
23“ ‘Liuc leiz limc weic zuqc maaih daix mienh bun nziaamv liouc cuotv nyei sic buangv deic-bung yaac maaih doqc nyei sic buangv zingh. 24Weic naaiv yie oix bun ziex guoqv gauh ciouv jiex nyei mienh daaih nzaeng ninh mbuo nyei biauv. Yie yaac oix bun gauh henv jiex nyei mienh zoux maux nyei jauv baac mi'aqv. Ninh mbuo cing-nzengc nyei dorngx yaac zuqc maaih uix. 25Zuqc kouv nyei ziangh hoc taux, ninh mbuo oix lorz baengh orn mv baac lorz maiv duqv yietc deix. 26Zeqc naanc jaa maaih zeqc naanc, waac-nziaaux nzipc waac nziaaux yietc kang jiex yietc kang. Ninh mbuo lorz ⟨douc waac mienh⟩ jouh laauc yaangh nyei sic. Sai mienh maiv njaaux leiz-latc. ⟨douc waac mienh⟩ caangh laangh nyei jauv yaac dangx nzengc mi'aqv. 27Hungh diex nzauh nyiemv, domh jien haiz maiv lamh hnamv aqv. Deic-bung nyei baeqc fingx buoz zinx laaix gamh nziex. Yie ziouc weic ninh mbuo zoux nyei jauv winh bun ninh mbuo. Yie yaac oix siemv ninh mbuo ziux ninh mbuo ganh siemv nyei za'eix. Ninh mbuo ziouc hiuv duqv yie se Ziouv. ’+”