1Npinta kws yog tuabneeg Su‑a teb tas,
2“Vaajtswv muaj fwjchim kaav hab ua kuas ntshai,
nwg tswj tau sau ntuj kws sab kawg
nyob sws hum xeeb.
3Nwg cov tub rog mas suav txheeb lov?
Nwg tsw tso nwg txujkev kaaj lug rua leejtwg?
4Tuabneeg yuav ua ncaaj nceeg tau
rua ntawm Vaajtswv xubndag le caag?
Tug kws yug ntawm quaspuj lug
yuav dawb huv tau le caag?
5Saib maj, txawm yog lub hli ci tsw tshab
hab tej nub qub kuj tsw huv
rua ntawm Vaajtswv lub qhov muag
6mas tuabneeg kws tsuas yog vaim xwb,
yimfuab tsw huv,
hab tuabneeg tej tub kws tsuas yog kaas xwb,
kuj tsw huv.”