Santoiq Atỡng

 Saráq nâi Yô-sũa chĩc sám 1400 cumo nhũang dỡi Yê-su. Saráq nâi atỡng tễ cũai I-sarel mut chu cruang Cana-an, cớp chíl máh tỗp cũai tâng cruang cutễq ki. Cớp atỡng tễ tỗp clong crỗng Yôr-dan, cớp tễ vil Yê-ri-cô cỡt ralốh-ralái. Vớt ki tỗp alới chíl vil A-ai ma cỡt pê, cỗ tian alới tỡ bữn trĩh Yiang Sursĩ. Tữ alới ngin lôih, chơ Yiang Sursĩ yỗn alới chíl riap sa‑ữi ntốq.
 Yô-sũa pai chóq máh cũai I-sarel neq: “Cóq anhia rưoh ĩt tâng tangái nâi toâp, anhia ễ táq ranáq yiang léq. Anhia ễ táq ranáq máh yiang achúc achiac anhia cucốh sang tâng cruang Mê-sapô-tamia, tỡ la yiang tỗp Amô-rit tâng ntốq anhia ỡt sanua nâi? Ma cứq cớp máh cũai tâng dống sũ cứq, nheq náq hếq ễ táq ống ranáq Yiang Sursĩ sâng.” (Pún 24:15)
 Toâq moâm án pai ngkíq, nheq tữh cũai I-sarel par‑ữq loah tamái la alới ễ trĩh ống Yiang Sursĩ sâng.