4

Nar Yêhôva Mra Tât

1Yorlah aơ, nar mra tât, ring nâm bu ŭnh năk. Lĕ rngôch phung sưr jêh ri lĕ rngôch phung djơh mhĭk mra jêng nâm bu rahe; nar tât nây mra su khân păng. Yêhôva phung tahan lah, Pôri mâu mra lơi om ma khân păng reh mâu lah n'gĭng ôh. 2Ƀiălah ma khân may jêng phung klach yơk ma amoh gâp, pôri măt nar nau sŏng mra luh geh nau ƀư bah nau ji tâm ntĭng năr păng. Khân may mra du luh jêh ri nsăt talô̆ nâm bu ndrôk rah luh tă bơh ndrung. 3Jêh ri khân may mra jot phung djơh; yorlah khân păng mra jêng buh tâm dâng mpang jâng khân may ta nar gâp ƀư, Yêhôva phung tahan lah.
4Khân may kah gĭt hom ma nau vay oh mon gâp, Y-Môis, nau vay jêh ri ntăm gâp jao jêh ma păng ta yôk Hôrep prăp ma lĕ rngôch phung Israel.
5Aơ, gâp mra prơh kôranh nơm mbơh lor Y-Êli văch tât ma khân may lor ma tât nar Yêhôva jêng toyh jêh ri klach hâu ngăn ê hŏ tât. 6jêh ri păng mra tâm nsĭr nuyh n' hâm phung mbơ̆ đah nuih n'hâm phung kon, jêh ri nuih n'hâm phung kon đah nuih n'hâm phung mbơ̆ khân păng, klach lah gâp văch rak rtăp ma nau lơh bri neh aơ.