11

Phung Gŭ Tâm Ƀon Yêrusalem

1Phung kôranh tâm phung ƀon lan gŭ ta ƀon Yêrusalem: bi ma phung ƀon lan êng tâm nchroh gay ăn du huê tâm phung jê̆t nuyh khân păng gŭ ta ƀon Yêrusalem, jêng ƀon kloh ueh, jêh ri sĭn nuyh ri gŭ tâm ƀon êng êng. 2Phung ƀon lan mŏt ton ma lĕ rngôch phung bu klâu nhhơr săk jăn khân păng gŭ ta ƀon Yêrusalem.
3Pônây, aơ jêng phung kôranh chiă uănh tâm n'gor gŭ ta ƀon Yêrusalem, ƀiălah tâm ƀon phung Yuda, ăp nơm gŭ tâm bri nkual păng nơm tâm trôm ƀon tơm khân păng nơm: nây jêng phung Israel, phung kôranh ƀư brah, phung Lêvi, phung Nêthinim (N'hat-na, mâu lah oh mon ngih brah ) jêh ri kon sau phung n'hat na Y-Salômôn.
4Geh ƀa-ƀă phung Yuda jêh ri phung Benjamin gŭ ta ƀon Yêrusalem. Mpeh ma phung Yuda geh: Y-Thaya, kon bu klâu, Y-Usia, sau Y-Sakari, se Y-Amaria, săn Y-Sêphatia; Y-Sêphatia jêng kon bu klâu Y-Mahalalel, tâm phung noi deh Y-Pêres; 5Jêh ri geh Y-Maseya, kon bu klâu Y-Baruk, sau Y-Kôlhôsên, se Y-Hasaya, săn Y-Adaya; Y-Adaya jêng kon bu klâu Y-Jêarip, sau Y-Sakari phung noi deh Silôni (bunuyh ƀon Silô) 6Lĕ rngôch kon sau Y-Pêres gŭ tâm ƀon Yêrusalem geh puăn rhiăng prao jê̆t ma pham nuyh janh katang.
7Mpeh ma phung Benjamin geh: Y-Salu, kon bu blâu Y-Mêsulam, sau Y-Jôet, se Y-Pêdaya, săn Y-Kôlatia; Y-Kôlatia jêng kon bu klâu Y-Masêya, sau Y-Thiêl, se Y-Êsai; 8Jêh ri pakơi păng geh Y-Gabai, Y-Salai, geh sĭn rhiăng bar jê̆t ma pham nuyh. 9Y-Jôel kon bu klâu Y-Sikri, ƀư kôranh khân păng; jêh ri Y-Yuda, kon bu klâu Y-Hasênua ƀư kôranh groi kôranh ƀon.
10Tâm phung kôranh ƀư brah geh: Y-Jêdaya, kon bu klâu Y-Jôarip, Y-Jakin, 11Jêh ri Y-Sêraya, kon bu klâu Y-Hilkia, sau Y-Mêsulam, se Y-Sadôk, săn Y-Mêrayôt; Y-Mêrayôt, jêng kon bu klâu Y-Ahitup, kôranh chiă uănh ngih Brah Ndu, 12Nđâp ma phung oh nâu khân păng pah kan tâm ngih brah, jêng pham rhiăng bar jê̆t ma bar nuyh. Geh đŏng Y-Adaya, kon bu klâu Y-Jêrôham, sau Y-Palatia, se Y-Amsi, săn Y-Sakari; Y-Sakari jêng kon bu klâu Y-Pashur, sau Y-Malkiya, 13Nđâp ma phung oh nâu khân păng, jêng kôranh ma noi deh da dê, rnoh geh bar rhiăng puăn jê̆t ma bar nuyh jêh ri Y-Amasai, kon bu klâu Y-Asarel, sau Y-Ahsai, se Y-Mêsilêmôt, săn Y-Imer, 14Jêh ri phung oh nâu khân păng, jêng bunuyh dăng katang da dê jêh ri brơl nănh ngăn, geh du rhiăng bar jê̆t ma pham nuyh. Y-Sapdiêl, jêng kôranh ma khân păng kon bu klâu Y-Hagê-dôlim.
15Tâm phung Lêvi: geh Y-Sêmay a, kon bu klâu Y-Hashup, sau Y-Arikam, se Y-Hasabia, săn Y-Buni; 16Tâm lĕ phung kôranh noi deh phung Lêvi geh Y-Sabêthai. Jêh ri Y-Jôsabat dơi jao mât uănh padih ngih brah Brah Ndu; 17Jêh ri Y-Matania, kon bu klâu Y-Mika, sau Y-Sapdi, se Y-Asap, jêng kôranh ma nau mprơ tâm rnê dôl mông mbơh sơm, ndrel ma Y-Bakbukia, jêng nơm tal bar tâm phung oh nâu khân păng, jêh ri Y-Apda, kon bu klâu Y-Samua, sau Y-Galal, se Y-Yêduthun. 18Lĕ rngôch phung Lêvi gŭ tâm ƀon kloh ueh, geh bar rhiăng pham jê̆t ma puăn nuyh.
19Phung gak njrăng mpông pêr: geh Y-Akup, Y-Talmôn, jêh ri phung oh nâu khân păng, dơi geh du rhiăng pơh jê̆t ma bar nuyh.
20Lĕ phung Israel êng, phung kôranh ƀư brah, phung Lêvi, gŭ tâm ăp mƀon n'gor bri Yuda, ăp nơm gŭ chăm ndơn ntŭk khân păng nơm. 21Ƀiălah phung Nêthinim (n'hat na, mâu lah oh mon ngih brah) gŭ ta Ôphel; jêh ri Y-Siha jêh ri Y-Gispa chiă uănh phung Nêthinim (N'hat na ngih brah)
22Y-Usi, kon buklâu Y-Bani, sau Y-Hashabia, se Y-Matania, Săn Y-Mika, tâm noi deh Y-Asap, phung kâp mprơ, dơi chiă uănh phung Lêvi ta ƀon Yêrusalem, mĭn pah kan tâm ngih Brah Ndu. 23Yorlah geh nau ntrŭnh tă bơh hađăch dơm kan di ma khân păng, jêh ri nal năng ndơ sông sa ma phung kâp mprơ, tĭng nâm dơi tŏng ndơ dŏng ăp nar. 24Y-Pêthahia, kon bu klâu Y-Mêsêsabel, noi deh Y-Sêra, jêng kon Y-Yuda, gŭ kơl kan hađăch, chiă uănh lĕ rngôch kan ƀon lan.

Phung Gŭ Padih Ƀon Yêrusalem

25Bi ma âk rplay ƀon ndrel ma mir khân păng, ƀa ƀă tâm phung Yuda gŭ ta ƀon Kiriat-Araba, jêh ri ƀon jê̆ păng, tâm ƀon Dihôn jêh ri ƀon jê̆ păng, ta Jêkapsêel jêh ri ƀon jê̆ păng, 26ta ƀon Jêsua, ƀon Môlada, ƀon Bet-Pêlet, 27ta ƀon Hasarsual, ƀon Bêrsêba jêh ri ƀon jê̆ păng, 29ta ƀon Ênrimôn, ƀon Sôra, ƀon Jarmut, 30ƀon Sanôa ƀon Adulam, jêh ri ƀon jê̆ khân păng, ƀon Lakis, jêh ri mir păng, tâm ƀon Asêka, jêh ri ƀon jê̆ păng. Pôri, khân păng gŭ ntơm bơh ƀon Bêrsêba tât ta Rlung Hinôm.
31Phung Benjamin tâm ban lĕ gŭ ntơm bơh Ƀon Gêba, ta ƀon Mikmas, ƀon Aija, ƀon Bêthel, jêh ri ƀon jê̆ păng, 32ƀon Anathôt, ƀon Nôp, ƀon Anania, 33ƀon Hasôr, ƀon Rama, ƀon Gitaim, 34ƀon Hadit, ƀon Sêbôim, ƀon Nêbalat, 35ƀon Lot, jêh ri ƀon Ônô rlŭng phung njêh. 36Geh ƀa ƀă mpôl phung Lêvi tâm n'gor Yuda tâm rnglăp jêh đah phung Benjamin.