3

Ho^se^yaa Caux Maiv Ziepc Zuoqv Nyei M'sieqv Dorn

1Ziouv gorngv mbuox yie, “Aengx mingh hnamv dongh maaih ganh dauh mienh hnamv wuov dauh hienx nqox nyei m'sieqv dorn. Meih oix zuqc hnamv ninh hnangv yie, Ziouv, hnamv I^saa^laa^en Mienh, maiv gunv ninh mbuo huin mingh lorz nyiec nyei zienh yaac a'hneiv dorh a'ngunc biouv-nqaai njuov mingh ziec zienh. 2Hnangv naaic yie ziouc longc ziepc hmz norm zinh caux ziepc luoqc tongv-bienx mbiauh mbaali maaiz naaiv dauh m'sieqv dorn. 3Yie ziouc gorngv mbuox ninh, “Meih oix zuqc zuov yie camv-hnoi. Maiv dungx aengx mingh hienx, yaac maiv dungx benx ganh dauh m'jangc dorn nyei auv. Yie ziouc hnangv wuov nor zuov meih.” 4Weic zuqc I^saa^laa^en nyei zeiv-fun oix zuqc yiem maiv maaih hungh, maiv maaih jien, maiv maaih fongc horc ziec nyei jauv fai zienh nyei dongc, maiv maaih ⟨efotv⟩ yaac maiv maaih yiem biauv zaangc nyei miuc-fangx lauh nyei. 5Nqa'haav I^saa^laa^en nyei zeiv-fun oix nzuonx daaih lorz Ziouv, ninh mbuo nyei Tin-Hungh, caux ninh mbuo nyei hungh diex, Ndaawitv. Yiem nqa'haav laai nyei hnoi ninh mbuo oix taaih Ziouv yaac tov ninh longx nyei fuqv.