123
Thov Vaajtswv hlub
Zaaj nkauj hu nce moog.
1Au Yawmsaub kws nyob lub zwm txwv sau ntuj,
kuv tsaa qhov muag saib koj.
2Tug tub qhe saib ntsoov tog
tug lospaav le caag
hab tug nkauj qhev saib ntsoov tog
tug puj lospaav le caag,
peb qhov muag saib ntsoov tog Yawmsaub
kws yog peb tug Vaajtswv
ib yaam le ntawd moog txug thaus
nwg khuvleej peb.
3Au Yawmsaub, thov koj khuvleej peb,
thov koj khuvleej peb lauj,
tsua qhov peb raug luas
saib tsw taug heev dhau lawm.
4Peb dhuav sab qhov kws cov tuabneeg tau zoo
thuaj luag peb ntev lug lawm,
yog qhov kws cov khaav theeb
saib tsw taug peb.