124

Yiang Sursĩ La Án Ca Bán Kĩaq

  1Khân Yiang Sursĩ tỡ bữn ỡt noâng coah tỗp hái,
   ki nŏ́q hái ễ táq?
   Ơ cũai I-sarel ơi, nŏ́q anhia ễ ta‑ỡi?

  2“Khân Yiang Sursĩ tỡ bữn ỡt noâng coah tỗp hái bo noau toâq chíl hái,
  3ngkíq máh cũai ki lứq lưn tỗp hái mumoong
   toâq alới sâng ũan chóq hái.
  4Alới la samoât dỡq lut ễ culuah hái yỗn pứt nheq.
   Dỡq ki hoi coar lứq ễ culứp chíq hái,
  5cớp canoâq rêng lứq tê ễ clúh hái yỗn dớp asễng.”

  6Cóq hái sa‑ỡn Yiang Sursĩ,
   yuaq án tỡ yỗn alới bữn pupứt hái.
  7Tỗp hái bữn lúh vớt, samoât riang chớm pâr vớt tễ rabang cũai niei prian.
   Cansái rabang cỡt ta-ŏh, chơ tỗp hái bữn racláh!

  8Lứq Yiang Sursĩ toâp chuai hái.
   Án la Yiang tễng paloŏng cutễq.