12

Brah Ndu Nơm Kơl King N'gang Bơh Phung Tih Mhĭk Ma Kôranh Phung Mprơ:

 Di ma, bâr semĭnit nau mprơ Y-David
1Kơl hom ơ Yêhôva, Yorlah mâu hôm geh ôh phung bunuyh song srăng
 Mâu geh ôh phung nanê̆ tâm phung kon bunuyh.
2Khân păng ngơi mƀruh ndrăng nơm
 Ma bâr mbung khân păng ngơi nau nklă nuih n'hâm khân păng mĭn bar ntil nau
3Yêhôva mra ƀư rai lĕ rngôch bâr mbung ngơi nklă
 Jêh ri mpiăt ngơi sưr rlau ir
4Khân păng lah pô aơ; Hên mra dơi yor ma mpiăt hên,
 Hên geh trôm mbung ndrel ma hên nơm, mbu nâm mra jêng kôranh hên?
5Yorlah bu tun jot phung rêh ni jêh ri phung o ach nđêng,
 Yêhôva lah: Aƀaơ gâp mra dâk;
 Gâp mra ăn khân păng gŭ đăp mpăn tĭng nâm nau khân păng vơh vơl
6Nau Yêhôva ngơi jêng nau ngơi kloh
 Nâm bu prăk bu long uănh tâm dĭng nuh pơh tơ̆ ƀư kloh.
7Ơ Yêhôva, may mra chiă uănh khân păng may mra n'gang khân păng ntơm bơh rnôk aơ ƀaƀơ n'ho ro.
8Phung ƀai nsong lam ntuk,
 Tơ lah phung kon bunuyh yơk ma nau tih.