130

Nau Kâp Gân Ma Nau Kôranh Brah Blau Yô̆ An

 Nau phung hăn nsong ta ƀon kloh ueh mprơ
1Bơh ntŭk jru gâp nter ma may, Ơ Yêhôva.
2Ơ Kôranh Brah iăt hom bâr gâp;
 Ăn tôr may gŭ rkêng ma bâr gâp vơh vơl.
3Ơ Yêhôva, tơlah may kah gĭt prăp nau kue,
 Ơ Kôranh Brah, mbu nâm mra dơi gŭ râng?
4Ƀiălah geh nau yô̆ an ndrel ma may,
 Gay ma bu klach yơk mbah ma may
5Gâp kâp gân Yêhôva, huêng gâp kâp gân,
 Jêh ri gâp kâp gân tâm nau păng ngơi.
6Huêng gâp kâp gân ma Kôranh Brah. Rlau lơn ma phung gak kâp ang ôi;
 Na nê̆ rlau lơn ma phung gak kâp ang ôi.
7Ơ phung Israel, kâp gân hom ma Yêhôva;
 Yorlah tâm Yêhôva geh nau ueh.
 Jêh ri nau tâm chuai gŭ rmeh ler ndrel ma păng.
8Păng yơh mra tâm chuai phung Israel bơh lĕ nau kue.