130
Klei Wah Lač Akâo Klei Đru
Klei phung hiu nao kơ ƀuôn doh jăk mmuñ.
1Mơ̆ng anôk êlam kâo ur krao kơ ih,
Ơ Yêhôwa.
2Ơ Khua Yang, hmư̆ bĕ asăp kâo;
mđing knga ih kơ asăp kâo kwưh.
3Ơ Yêhôwa, tơdah ih hdơr pioh klei wê,
Ơ Khua Yang, hlei pô dưi tlaih?
4Ƀiădah ih thâo pap brei,
kyuanăn arăng huĭ mpŭ kơ ih.
5Kâo čang guôn kơ Yêhôwa, mngăt kâo čang guôn yơh;
leh anăn kâo čang hmăng hlăm klei ñu blŭ.
6Mngăt kâo čang guôn kơ Yêhôwa
lu hĭn kơ phung gak guôn tơl aguah;
sĭt nik lu hĭn kơ phung gak guôn tơl aguah.
7Ơ Phung Israel, čang hmăng bĕ kơ Yêhôwa;
kyuadah Yêhôwa bŏ hŏng klei jăk,
leh anăn mâo klei myang êbeh dlai dưi bi tui.
8 Ñu yơh srăng bi tui phung Israel mơ̆ng jih klei wê digơ̆.