28
Vơh Vơl Ma Brah Ndu, Kơl Jêh Ri Tâm Rnê Ma Păng Yor Păng Plơ Lah
Nau mprơ ơm Y-David
1Ơ Yêhôva, gâp nter vơh vơl ma may,
Ơ lu gâp, lơi ta sêt tôr gâp
Klach lah may ƀư rngêl đah gâp
Gâp mra jêng tâm ban ma phung jur tâm ntu jru.
2Tơlah gâp yơr ti mpeh pa may, gay ma dăn ma may
Iăt hom bâr gâp kuăl vơh vơl ma may.
3Lơi ta may mprơh gâp du ndrel ma phung rlăng
Mâu lah phung ƀư iơh,
Phung pah kan ma nau kue,
Khân păng ngơi ma nau đăp mpăn đah phung chiau meng khân păng.
Ƀiălah nau ndơm gŭ tâm nuih n'hâm khân păng
4Ăn may mplơ̆ lơi tĭng nâm nau khân păng ƀư ƀai, janh katang
Tâm rmal khân păng tĭng nâm kan khân păng ho ƀư
Mplơ lơi moh nau khư ma khân păng.
5Yorlah khân păng mâu chrê ôh ma Yêhôva
Mâu păng chrê lĕ ma kan ti Kôranh Brah ƀư
Yêhôva mra n'glưh lơi khân păng
Mâu hôm rdâk khân păng ôh.
6Mât ton tâm rnê ma
Yêhôva Yor
Păng ho tăng jêh nau bâr gâp kuăl vơh vơl
7Yêhôva jêng nau katang gâp jêh ri khêl gâp nuih n'hâm gâp mra nsing rnơm ma
Păng jêh ri gâp mra dơi geh nau kơl.
Yor ri nuih n'hâm gâp geh nau răm maak ngăn jêh ri gâp mra tâm rnê ma
Păng ma nau mprơ
8Brah Yêhôva jêng n'hâm toyh suan dăng ma ƀon lan Păng
Păng jêng pôih n'gang nau tâm rklaih ma nơm Păng troch jêh dak ngi
9Tâm rklaih hom ƀon lan may jêh ri ăn nau ueh lăng ma phung krâm drăp ndơ may.
Ăn may jêng rmăk biăp ma khân păng, jêh ri kuăn rdâng khân păng ƀaƀơ n'ho ro.