61
Thov Vaajtswv tsom kwm kuv
Sau rua tug thawj coj hu nkauj, yuav swv nkauj nog ncaas. Tavi sau.
1Au Vaajtswv, thov noog kuv lub suab hu,
thov koj tig ntsej noog kuv tej lug thov.
2Kuv tsaa suab thov koj tim qaab ntug tuaj
rua thaus kuv sab yaaj taag.
Thov coj kuv lug txug txhwb zeb
kws sab dua kuv,
3tsua qhov koj yog kuv lub chaw cawm sav,
koj yog lub chaw ruaj khov sab sab
kws tiv tau yeeb ncuab.
4Kuv thov nyob huv koj lub tsev ntaub
moog ib txhws,
thov ca kuv nyob tso sab plhuav
rua huv qaab koj phob tis tug duab ntxoo.
5Au Vaajtswv, koj tub nov tej lug
kws kuv yeem tseg rua koj,
koj tau muab cov kws fwm hab ntshai
koj lub npe le qub txeeg qub teg pub rua kuv.
6Thov txuas vaajntxwv txujsa,
thov pub kuas nwg lub naj xyoo
nyob txug txhua tam tuabneeg.
7Thov ca nwg nyob sau lub zwm txwv
taab meeg Vaajtswv moog ib txhws,
thov ca txujkev hlub kws ruaj khov
hab txujkev ncaaj kws tso sab tau
tsom kwm nwg.
8Mas kuv txhad yuav hu nkauj
qhuas koj lub npe tsw tu le,
rua thaus kuv naj nub pauj tej
kws kuv tau yeem tseg lawm.