93

Yêhôwa Jing Mtao

  1Yêhôwa kiă kriê; ñu hơô leh klei guh kơang;
   Yêhôwa hơô leh klei kdrăm kơah leh anăn klei ktang.
  Sĭt nik ñu bi kjăp lăn ala, gơ̆ amâo srăng mgei ôh.
   2Ih bi kjăp jhưng mtao ih mơ̆ng ênuk đưm đă;
   ih dôk leh mơ̆ng ênuk hlŏng lar.

  3Êa ksĭ bi ênai, Ơ Yêhôwa;
   êa ksĭ bi ênai ktang leh,
   êa ksĭ bi ênai poh yă.
  4Yêhôwa pô ti dlông jing myang,
   myang hĭn kơ ênai lu êa,
   ktang hĭn kơ êlah êa ksĭ poh yă.
  5Ơ Yêhôwa, nanao hlŏng lar
   klei ih mtă jing kjăp sĭt;
   klei doh jăk jing djŏ kơ sang ih.