Saráq Máh Cũai Rasữq nâi, sa‑ữi cũai chanchớm Samu-ễl chĩc sám 1000 cumo nhũang dỡi Yê-su. Án ruaih loah tễ máh ranáq tỗp I-sarel táq bo dỡi yũah bữn puo cỡt sốt. Dũ náq cũai táq puai rangứh alới bữm; ma Yiang Sursĩ rưoh cũai sốt dŏq rasữq máh cũai proai. Máh cũai sốt nâi bữn mứt pahỡm ễ rachuai tỗp I-sarel yỗn vớt tễ cũai par‑ũal alới. Bữn manoaq tễ tỗp ki, ramứh Sam-sôn, la cũai rêng lứq.
 Khân cũai I-sarel tỡ bữn tanoang tapứng chóq Yiang Sursĩ, ki Yiang Sursĩ yỗn alới ramóh ranáq túh coat lứq. Ma khân alới ngin kho máh ŏ́c lôih cớp píh loah chu Yiang Sursĩ, ki Yiang Sursĩ chuai amoong alới nhơ máh cũai rasữq.