Saráq nâi puo Sa-lamôn chĩc sám 935 cumo nhũang dỡi Yê-su. Án atỡng tễ máh sarnớm cũai rangoaiq dốq chanchớm. Cũai rangoaiq nâi apáh yỗn hái hữm cớp dáng samoât samơi la dỡi tamoong hái cakéh lứq, cớp hái dốq ỡt lua cứt níc tâng dỡi tamoong hái, ma tỡ bữn cỡt kia ntrớu.
 Cũai rangoaiq nâi nhêng chu máh ŏ́c rangoaiq, ŏ́c bũi, ŏ́c sốc, cớp ŏ́c rien dáng sa‑ữi; chơ án pai máh ŏ́c ki la tỡ bữn cỡt kia ntrớu. Án pai cóq hái ỡt bũi óh bo hái noâng bữn tamoong, cớp cóq hái táq ống ranáq Yiang Sursĩ sâng. Án patâp máh cũai póng neq: “Cóq anhia sanhữ Yiang Sursĩ, án ca tễng anhia, bo anhia noâng póng háng, nhũang toâq máh tangái cớp cumo túh coat.” (Pún 12:1)