Saráq Rutỡ nâi, bữn noau pai Samu-ễl chĩc sám 1000 cumo nhũang dỡi Yê-su. Samu-ễl ruaih loah tễ muoi dống sũ tễ tỗp I-sarel, la dống sũ E-li-maléc. Lacuoi án bữn ramứh Na-ô-mi, cớp alới bữn bar lám con samiang. Chơ alới dễq ỡt pỡ cruang Mô-ap, yuaq tâng cruang alới ramóh panhieih khlac. Vớt ki bar náq con samiang ĩt lacuoi tễ cũai Mô-ap. Chơ E-li-maléc cớp bar náq con samiang án cuchĩt tâng cruang ki.
 Saráq nâi atỡng tễ niang Rutỡ, la cũai Mô-ap, ca racoâiq cớp con E-li-maléc cớp Na-ô-mi. Tữ cayac án cuchĩt, án noâng táq tanoang níc chóq yacán án. Án puai yacán án chu loah pỡ cruang I-sarel, cớp án apáh ŏ́c tanoang tapứng chóq Yiang Sursĩ la Yiang tỗp I-sarel. Vớt tễ ki, Rutỡ bữn cayac tamái ễn, la cũai tễ tŏ́ng toiq cayac án tễ dâu. Ngkíq Rutỡ cỡt ayoaq ayê puo Davĩt, la puo sốt toâr lứq tâng cruang I-sarel.