119

耶和华的律法

  1行为正直、遵行耶和华律法的，
   这人有福了！
   2遵守他的法度、一心寻求他的，
   这人有福了！
   3他们不做不义的事，
   但遵行他的道。
   4耶和华啊，你曾将你的训词吩咐我们，
   为要我们切实遵守。
   5但愿我行事坚定，
   得以遵守你的律例。
   6我看重你的一切命令，
   就不致羞愧。
   7我学习你公义的典章，
   要以正直的心称谢你。
   8我必遵守你的律例，
   求你不要把我全然弃绝！

顺从耶和华的律法

  9青年要如何保持纯洁呢？
   是要遵行你的话！
   10我曾一心寻求你，
   求你不要使我偏离你的命令。
   11我将你的话藏在心里，
   免得我得罪你。
   12耶和华啊，你是应当称颂的！
   求你将你的律例教导我！
   13我用嘴唇传扬
   你口中一切的典章。
   14我喜爱你的法度，
   如同喜爱一切的财物。
   15我要默想你的训词，
   看重你的道路。
   16我要以你的律例为乐，
   我不忘记你的话。

因耶和华律法而蒙福

  17求你用厚恩待你的仆人，使我存活，
   我就遵守你的话。
   18求你开我的眼睛，
   使我看出你律法中的奇妙。
   19我在地上是寄居的人，
   求你不要向我隐藏你的命令！
   20我时常切慕你的典章，
   耗尽心力。
   21受诅咒、偏离你命令的骄傲人，
   你已经责备他们。
   22求你除掉我所受的羞辱和藐视，
   因我遵守你的法度。
   23虽有掌权者坐着妄论我，
   你仆人却思想你的律例。
   24你的法度也是我的喜乐，
   我的导师⚓。

决意遵行耶和华的律法

  25我的性命几乎归于尘土，
   求你照你的话将我救活！
   26我述说我所做的，你应允了我；
   求你将你的律例教导我！
   27求你使我明白你的训词，
   我要默想你的奇事。
   28我因愁苦身心耗尽，
   求你照你的话使我坚立！
   29求你使我离开奸诈的道路，
   开恩将你的律法赐给我！
   30我选择了忠信的道路，
   将你的典章摆在我面前。
   31我持守你的法度；
   耶和华啊，求你不要叫我羞愧！
   32你使我心胸开阔的时候，
   我就往你命令的道路直奔。

求主赐悟性

  33耶和华啊，求你将你的律例指教我，
   我必遵守到底！
   34求你赐我悟性，我就遵守你的律法，
   且要一心遵守。
   35求你叫我遵行你的命令，
   因为这是我所喜爱的。
   36求你使我的心趋向你的法度，
   不趋向不义之财。
   37求你叫我转眼不看虚假，
   使我活在你的道路⚓中。
   38求你向敬畏你的仆人
   坚守你的话！
   39求你使我所惧怕的羞辱远离我，
   因你的典章本为美。
   40看哪，我切慕你的训词，
   求你因你的公义赐我生命⚓！

倚靠耶和华的律法

  41耶和华啊，求你使你的慈爱临到我，
   照你的话使你的救恩临到我，
   42我就有话回答那羞辱我的，
   因我倚靠你的话。
   43求你叫真理的话总不离开我的口，
   因我仰望你的典章。
   44我要常守你的律法，
   直到永永远远。
   45我要自由而行⚓，
   因我寻求了你的训词。
   46我要在列王面前宣讲你的法度，
   也不致羞愧。
   47我以你的命令为乐，
   这命令是我所喜爱的。
   48我向我所爱的，就是你的命令高举双手⚓，
   我也要默想你的律例。

因耶和华的律法而安稳

  49求你记念你向仆人所说的话，
   这话使我有盼望。
   50你的话将我救活了；
   这是我在患难中的安慰。
   51骄傲的人极度地侮慢我，
   我却未曾偏离你的律法。
   52耶和华啊，我记念你从古以来的典章，
   就得了安慰。
   53我因恶人离弃你的律法，
   怒火中烧。
   54我在世寄居，
   以你的律例为诗歌。
   55耶和华啊，我夜间记念你的名，
   我也要遵守你的律法。
   56这临到我，
   是因我谨守你的训词。

深爱耶和华的律法

  57耶和华是我的福分；
   我曾说，我要遵守你的话。
   58我一心恳求你的面，
   求你照你的话怜悯我！
   59我思想自己所行的道路，
   我的脚步就转向你的法度。
   60我速速遵守你的命令，
   并不迟延。
   61恶人的绳索缠绕我，
   我却没有忘记你的律法。
   62我因你公义的典章，
   夜半起来称谢你。
   63凡敬畏你、守你训词的人，
   我都与他作伴。
   64耶和华啊，遍地满了你的慈爱；
   求你将你的律例教导我！

耶和华律法的宝贵

  65耶和华啊，你照你的话，
   善待你的仆人。
   66求你教我明辨和知识，
   因我信靠你的命令。
   67我未受苦以先曾经迷失，
   现在却遵守你的话。
   68你本为善，所行的也善；
   求你将你的律例教导我！
   69骄傲的人编造谎言攻击我，
   我却要一心遵守你的训词。
   70他们的心蒙昧如蒙油脂，
   我却喜爱你的律法。
   71我受苦是与我有益，
   为要使我学习你的律例。
   72你口中的律法与我有益，
   胜于千万金银。

耶和华律法的公正

  73你的手造了我，塑造我；
   求你赐我悟性学习你的命令！
   74敬畏你的人看见我就欢喜，
   因我仰望你的话。
   75耶和华啊，我知道你的典章是公义的；
   你使我受苦是以信实待我。
   76求你照着你向仆人所说的话，
   以慈爱安慰我。
   77求你的怜悯临到我，使我存活，
   因你的律法是我的喜乐。
   78愿骄傲的人蒙羞，因为他们无理倾覆我；
   但我要默想你的训词。
   79愿敬畏你的人和知道你法度的人
   都归向我。⚓
   80愿我的心在你的律例上完全，
   使我不致蒙羞。

求主解救

  81我渴想你的救恩身心耗尽，
   我仰望你的话。
   82我因渴望你的话眼睛失明，说：
   “你何时安慰我呢？”
   83我虽像烟薰的皮囊，
   却不忘记你的律例。
   84你仆人的年日有多少呢？
   你几时向迫害我的人施行审判呢？
   85不顺从你律法的骄傲人
   为我掘了坑。
   86你的命令尽都信实；
   他们无理迫害我，求你帮助我！
   87他们几乎把我从世上除灭；
   但我没有离弃你的训词。
   88求你照你的慈爱将我救活，
   我就遵守你口中的法度。

信赖耶和华的律法

  89耶和华啊，你的话安定在天，
   直到永远。
   90你的信实存到万代；
   你坚立了地，地就长存。
   91天地照你的典章存到今日；
   万物都是你的仆役。
   92我若不以你的律法为乐，
   早就在苦难中灭绝了！
   93我永不忘记你的训词，
   因你用这训词将我救活。
   94我是属你的，求你救我，
   因我寻求了你的训词。
   95恶人等着要灭绝我，
   我却要揣摩你的法度。
   96我看万事尽都有限，
   惟有你的命令极其宽广。

喜爱耶和华的律法

  97我何等爱慕你的律法，
   终日不住地思想。
   98你的命令常存在我心里，
   使我比仇敌有智慧。
   99我比我的教师更通达，
   因我思想你的法度。
   100我比年老的更明白，
   因我谨守你的训词。
   101我阻止我的脚走一切邪路，
   为要遵守你的话。
   102我没有偏离你的典章，
   因为你教导了我。
   103你的言语在我上膛何等甘美，
   在我口中比蜜更甜！
   104我藉着你的训词得以明白，
   因此，我恨恶一切虚假的行径。

耶和华律法的亮光

  105你的话是我脚前的灯，
   是我路上的光。
   106你公义的典章，我曾起誓遵守，
   我必按着誓言而行。
   107我极其痛苦；
   耶和华啊，求你照你的话将我救活！
   108耶和华啊，求你悦纳我口中的赞美为甘心祭，
   又将你的典章教导我！
   109我的性命常在我手掌中⚓，
   我却不忘记你的律法。
   110恶人为我设下罗网，
   我却没有偏离你的训词。
   111我以你的法度为永远的产业，
   因这是我心中所喜爱的。
   112我的心倾向你的律例，
   谨守到底，直到永远。

因耶和华律法得安全

  113心怀二意的人为我所恨；
   但你的律法为我所爱。
   114你是我藏身之处，是我的盾牌；
   我仰望你的话。
   115作恶的人哪，你们离开我吧！
   我要遵守我上帝的命令。
   116求你照你的话扶持我，使我存活，
   不要叫我因失望而蒙羞。
   117求你扶持我，使我得救，
   时常看重你的律例。
   118凡偏离你律例的人，你都轻看他们，
   因为他们的诡诈必归虚空。
   119你除掉地上所有的恶人，好像除掉渣滓⚓；
   因此我喜爱你的法度。
   120我因惧怕你，肉体战栗；
   我害怕你的典章。

遵从耶和华的律法

  121我行公平和公义，
   求你不要撇下我，交给欺压我的人！
   122求你保证你的仆人得福，
   不容骄傲的人欺压我！
   123我因盼望你的救恩
   和你公义的言语眼睛失明。
   124求你照你的慈爱待仆人，
   将你的律例教导我。
   125我是你的仆人，求你赐我悟性，
   得以认识你的法度。
   126这是耶和华采取行动的时候，
   因人废弃了你的律法。
   127所以，我喜爱你的命令胜于金子，
   更胜于纯金。
   128你的一切训词，在万事上我都以为正直；
   我恨恶一切虚假的行径。

渴慕遵行耶和华的律法

  129你的法度奇妙，
   所以我一心谨守。
   130你的话一开启就发出亮光，
   使愚蒙人通达。
   131我大大张口，呼吸急促，
   因我切慕你的命令。
   132求你转向我，怜悯我，
   就像你待那些喜爱你名的人。
   133求你用你的言语使我脚步稳健，
   不容罪孽辖制我。
   134求你救我脱离人的欺压，
   我要遵守你的训词。
   135求你使你的脸向仆人发光，
   又将你的律例教导我。
   136我的眼睛流泪成河，
   因为他们不守你的律法。

耶和华律法的公正

  137耶和华啊，你是公义的；
   你的典章正直！
   138你所颁布的法度是公义的，
   极其可靠。
   139我的狂热把我烧灭，
   因我敌人忘记你的话。
   140你的言语极其精炼，
   令你仆人喜爱。
   141我渺小，被人藐视，
   却不忘记你的训词。
   142你的公义永远公义，
   你的律法是确实的。
   143我遭遇患难愁苦，
   你的命令是我的喜乐。
   144你的法度永远公义；
   求你赐我悟性，使我存活。

求主解救

  145耶和华啊，我一心呼求你，求你应允我！
   我必谨守你的律例。
   146我向你呼求，求你救我！
   我要遵守你的法度。
   147天尚未亮我呼喊求救，
   我仰望你的话。
   148我终夜双眼睁开，
   为要思想你的言语。
   149求你按你的慈爱听我的声音，
   耶和华啊，求你照你的典章将我救活！
   150追逐奸恶的人⚓迫近了，
   他们远离你的律法。
   151耶和华啊，你就在我身边，
   你一切的命令是确实的！
   152我从你的法度早已知道，
   这法度是你永远立定的。

请求恩助

  153求你看顾我的苦难，搭救我，
   因我不忘记你的律法。
   154求你为我的冤屈辩护，救赎我，
   照你的言语将我救活。
   155救恩远离恶人，
   因为他们不寻求你的律例。
   156耶和华啊，你的怜悯本为大；
   求你照你的典章将我救活。
   157迫害我的、抵挡我的甚多，
   我却没有偏离你的法度。
   158我看见奸恶的人就憎恶，
   因为他们不遵守你的言语。
   159你看我何等喜爱你的训词！
   耶和华啊，求你按你的慈爱将我救活！
   160你话语的精髓是真实的，
   你一切公义的典章永远长存。

热爱耶和华的律法

  161掌权者无故迫害我，
   然而我的心畏惧你的话。
   162我喜爱你的言语，
   好像人得到许多战利品。
   163我恨恶，憎恶虚假；
   惟喜爱你的律法。
   164我因你公义的典章
   一天七次赞美你。
   165喜爱你律法的人大有平安，
   任何事都不能使他们跌倒。
   166耶和华啊，我仰望你的救恩，
   遵行你的命令。
   167我心谨守你的法度，
   这法度我极其喜爱。
   168我遵守你的训词和法度，
   因我所行的道路都在你的面前。

求主帮助

  169耶和华啊，愿我的呼求达到你面前，
   求你照你的话赐我悟性。
   170愿我的恳求达到你面前，
   求你照你的言语搭救我。
   171愿我的嘴唇发出赞美，
   因为你将律例教导我。
   172愿我的舌头歌唱你的言语，
   因你一切的命令尽都公义。
   173求你用你的手帮助我，
   因我选择你的训词。
   174耶和华啊，我切慕你的救恩！
   你的律法是我的喜乐。
   175愿我的性命存活，得以赞美你！
   愿你的典章帮助我！
   176我走迷了路如同失丧的羊，求你寻找你的仆人，
   因我不忘记你的命令。

119

Singx Nzung 119

Ziouv Nyei Leiz-Latc Se Longx Haic

Aa^lepv⚓
  1Da'faanh ninh mbuo zoux nyei jauv maiv maaih dorngx nqemh,
   se gan Ziouv nyei leiz-latc yangh wuov deix, maaih orn-lorqc.
   2Gan longx ninh gorngv nyei waac,
   se longc nzengc hnyouv lorz ninh wuov deix, maaih orn-lorqc.
   3Naaiv nyungc mienh maiv zoux dorngc haaix nyungc,
   ninh mbuo kungx yangh Ziouv nyei jauv hnangv.
   4Meih zorqv meih hatc nyei waac
   paaiv bun yie mbuo jienh ei jienv zoux.
   5Tov bun yie nyei jauv wuonv,
   haih gan longx meih nyei leiz-nyeic.
   6Yie nyei m'zing mangc jienv meih nyei yietc zungv lingc,
   yie ziouc maiv zuqc nyaiv.
   7Yie hoqc liuz meih baengh fim nyei leiz,
   yie ziouc longc cing-nzengc hnyouv ceng meih.
   8Yie oix gan meih nyei leiz-nyeic.
   Tov yietc liuz maiv dungx guangc ziangh yie.

Oix Zuqc Muangx Ziouv Nyei Leiz-Latc

Mbetc
  9Houh saeng mienh oix zuqc hnangv haaix nor goux duqv ninh ganh nyei jauv cing-nzengc?
   Se oix zuqc ei jienv meih nyei waac zoux.
   10Yie longc nzengc hnyouv lorz meih.
   Tov bun yie maiv dungx leih nqoi meih nyei lingc.
   11Yie zorqv meih nyei waac zaangh jienv yie nyei hnyouv,
   weic bun yie maiv baamz zuiz dorngc meih.
   12O Ziouv aac, yie ceng meih.
   Tov njaaux meih nyei leiz-nyeic yie.
   13Yie oix longc yie nyei nzuih meix zunh yaangh
   meih nyei nzuih gorngv nyei yietc zungv leiz.
   14Yie a'hneiv meih gorngv nyei waac
   ndongc a'hneiv yietc zungv zinh zoih.
   15Yie oix fei-fangv meih hatc nyei waac
   yaac mangc dingc meih nyei jauv-louc.
   16Yie a'hneiv meih nyei leiz-nyeic,
   yie maiv haih la'kuqv meih nyei waac.

Gan Ziouv Nyei Leiz Duqv Orn-Lorqc

Nqi^men
  17Tov zoux longx bun meih nyei bou,
   weic bun yie duqv ziangh jienv yaac gan meih nyei waac.
   18Tov bun yie nyei m'zing mangc duqv cuotv
   yiem meih nyei leiz-latc mbuoqc horngh nyei sic.
   19Yie yiem lungh ndiev zoux dingh zepv dangh baav nyei mienh,
   tov maiv dungx zorqv meih nyei lingc bingx yie.
   20Yie gengh! jorm hnyouv zanc-zanc jangx meih nyei leiz,
   taux mba'nziu zungv oix mbaaix nyei.
   21Meih hemx ceng ganh hlo, se zuqc zioux nyei mienh,
   dongh yangh pien, leih meih nyei lingc wuov deix.
   22Tov zorqv guangc yie zuqc nyaiv zuqc mienh mangc piex nyei sic,
   weic zuqc yie gan longx meih nyei waac.
   23Maiv gunv zoux hlo nyei mienh zueiz jienv caangh laangh hoic yie,
   meih nyei bou fei-fangv meih nyei leiz-nyeic.
   24Meih njaaux nyei yietc zungv waac bun yie a'hneiv,
   yaac zoux yie caangh laangh nyei mienh.

Liepc Eix Gan Ziouv Nyei Leiz-Latc

Ndaa^letv
  25Yie nyei maengc se hnangv zuqc njiec taux nie-mbung.
   Tov ziux meih nyei waac tengx yie nyei maengc aengx fingv jiez daaih.
   26Yie gorngv yie zoux nyei jauv, meih yaac dau yie.
   Tov zorqv meih nyei leiz-nyeic njaaux yie.
   27Tov meih tengx yie mengh baeqc meih hatc nyei waac,
   yie ziouc fei-fangv meih zoux nyei mbuoqc horngh sic.
   28Yie nyei hnyouv nzauh duqv kouv hnangv yuqc nzengc nor,
   tov ziux meih nyei waac tengx yie henv jiez daaih.
   29Tov meih bun yie leih nqoi jaav nyei jauv
   yaac nqoi eix njaaux meih nyei leiz-latc yie.
   30Yie ginv ziepc zuoqv nyei jauv yangh.
   Yie zorqv meih nyei leiz an jienv yie nyei nza'hmien.
   31O Ziouv aac, yie kaux wuonv meih njaaux nyei waac,
   tov maiv dungx bun yie zuqc nyaiv.
   32Yie oix tiux gan jienv meih nyei lingc nyei jauv,
   weic zuqc meih bun yie bieqc hnyouv camv jienv faaux.

Daux Gaux Tov Tengx Bieqc Hnyouv

He
  33O Ziouv aac, tov njaaux yie gan meih nyei leiz-nyeic,
   yie ziouc gan meih taux daauh taux mueiz.
   34Tov bun yie mengh baeqc weic bun yie haih gan meih nyei leiz-latc,
   yaac longc nzengc hnyouv ei jienv zoux.
   35Tov dorh yie gan meih nyei lingc nyei jauv,
   weic zuqc naaiv diuh jauv yie a'hneiv haic.
   36Tov bun yie maaih hnyouv oix longc meih njaaux nyei waac,
   maiv zeiz kungx douh leic zinh.
   37Tov maiv dungx bun yie huin mangc maiv lamh longc nyei sic.
   Tov bun yie yiem meih nyei jauv duqv ziangh maengc.
   38Tov meih ei jienv meih laengz nyei waac zoux weic yie, meih nyei bou,
   se weic taaih meih wuov deix laengz nyei waac.
   39Tov tengx yie leih nqoi gamh nziex zuqc nyaiv nyei sic,
   weic zuqc meih nyei leiz se longx haic.
   40Yie ngorc meih hatc nyei waac.
   Weic zuqc meih baengh fim nyei, tov bun yie duqv ziangh jienv.

Kaux Ziouv Nyei Leiz-Latc

Waau
  41O Ziouv aac, tov bun cing meih ziepc zuoqv nyei hnamv yie,
   tov ziux meih laengz nyei waac njoux yie.
   42Yie ziouc maaih waac dau huotv yie wuov deix mienh,
   weic zuqc yie kaux meih nyei waac.
   43Tov meih maiv dungx zorqv zien leiz nyei waac cuotv nzengc yie nyei nzuih,⚓
   weic zuqc meih nyei leiz bun yie maaih lamh hnamv dorngx.
   44Yie oix zanc-zanc ei jienv meih nyei leiz-latc
   taux yietc liuz yietc seix.
   45Yie ziouc yangh bungx nqoi nyei jauv,
   weic zuqc yie ei jienv⚓ meih hatc nyei waac.
   46Yie oix yiem hungh diex nyei nza'hmien gorngv meih hatc nyei waac,
   yie zungv maiv zuqc nyaiv,
   47weic zuqc yie a'hneiv meih nyei lingc,
   se dongh yie hnamv nyei.
   48Yie taaih meih nyei lingc,
   se dongh yie hnamv nyei,
   yie yaac fei-fangv meih nyei leiz-nyeic.

Leiz-Latc Se Kaux Duqv Wuonv Nyei

Zaa^yin
  49Jangx jienv meih caux meih nyei bou laengz nyei waac,
   weic zuqc meih nyei waac bun yie maaih lamh hnamv dorngx.
   50Meih laengz nyei waac bun yie maaih maengc ziangh,
   yie zuqc naanc zingh nyei ziangh hoc ziouc orn yie nyei hnyouv.
   51Zoux maux nyei mienh maiv dingh liouh nyei huotv yie,
   mv baac yie maiv leih nqoi meih nyei leiz-latc.
   52O Ziouv aac, yie jangx duqv meih loz-hnoi bun daaih nyei leiz,
   ziouc orn yie nyei hnyouv.
   53Yie buatc mienh waaic mienh guangc meih nyei leiz-latc,
   yie qiex jiez haic hnangv oix njopc douz nor.
   54Yie yiem lungh ndiev dingh zepv nyei dorngx,
   meih nyei leiz-nyeic benx yie nyei nzung.
   55O Ziouv aac, yie lungh muonz zanc jangx meih nyei mengh,
   yaac ei jienv meih nyei leiz-latc.
   56Yie ei jienv meih hatc nyei waac zoux.
   Naaiv se yie nyei orn-lorqc.

Jorm Hnyouv Muangx Ziouv Nyei Leiz-Latc

Hetc
  57Ziouv benx yie nyei buonc,
   yie laengz ei jienv meih nyei waac.
   58Yie longc nzengc hnyouv tov meih
   ziux meih laengz nyei waac korv-lienh yie.
   59Yie hnamv taux yie yangh nyei diuc-diuc jauv,
   yie ziouc huin nzuonx daaih lorz meih njaaux nyei yietc zungv waac.
   60Yie siepv-siepv nyei gan meih nyei lingc,
   zungv maiv ngaih.
   61Maiv gunv orqv mienh zaeng hlaang ndoh yie,
   yie zungv maiv la'kuqv meih nyei leiz-latc.
   62Ndaamv muonz yie jiez sin daaih ceng meih,
   weic meih baengh fim nyei leiz.
   63Da'faanh taaih meih, ei jienv meih hatc nyei waac zoux wuov deix,
   yie caux ninh mbuo zoux doic.
   64O Ziouv aac, meih ziepc zuoqv nyei hnamv lungh ndiev mienh,
   tov njaaux meih nyei leiz-nyeic yie.

Ziouv Nyei Leiz-Latc Maaih Jaax-Zinh

Tetc
  65O Ziouv aac, meih ziux meih nyei waac
   zoux longx bun meih nyei bou.
   66Tov ceix bun yie maaih cong-mengh caux wuonh zaang,
   weic zuqc yie sienx meih nyei lingc.
   67Yie maiv gaengh zuqc kouv wuov zanc, yie baamz zuiz zoux dorngc,
   mv baac ih zanc yie ei jienv meih nyei waac.
   68Meih se longx, meih zoux nyei yaac zoux longx,
   tov njaaux meih nyei leiz-nyeic yie.
   69Zoux maux nyei mienh gorngv-baeqc hoic yie,
   mv baac yie longc nzengc hnyouv gan meih hatc nyei waac.
   70Ninh mbuo nyei hnyouv hngongx,⚓
   mv baac yie a'hneiv meih nyei leiz-latc.
   71Yie zuqc kouv se longx nyei,
   weic bun yie hoqc linc meih nyei leiz-nyeic.
   72Meih nyei nzuih gorngv cuotv nyei leiz-latc
   weic yie gauh maaih lamh longc jiex cin-cin waanc-waanc jiem nyaanh.

Ziouv Nyei Leiz-Latc Se Baengh Fim Nyei

Yotv
  73Meih nyei buoz zeix yie daaih aengx liepc yie,
   tov bun yie bieqc hnyouv weic bun yie duqv hoqc linc meih nyei lingc.
   74Taaih meih wuov deix mienh buatc yie ziouc a'hneiv haic,
   weic zuqc yie kaux meih nyei waac maaih lamh hnamv dorngx.
   75O Ziouv aac, yie hiuv duqv meih siemv nyei waac se baengh fim nyei,
   yaac hiuv duqv yie zuqc siouc kouv se meih ziepc zuoqv nyei zoux.
   76Tov ziux meih laengz bun meih nyei bou nyei waac
   longc meih ziepc zuoqv hnamv mienh nyei hnyouv orn yie nyei hnyouv.
   77Tov meih korv-lienh yie, bun yie duqv ziangh jienv,
   weic zuqc meih nyei leiz-latc bun yie a'hneiv.
   78Tov bun ceng-hlo nyei mienh zuqc nyaiv,
   weic zuqc ninh mbuo maiv longc leiz nyei hoic yie.
   Mv baac yie ganh aeqv, yie fei-fangv meih hatc nyei waac.
   79Tov bun taaih meih wuov deix huin nzuonx daaih lorz yie,
   weic bun ninh mbuo hiuv duqv meih nyei waac.
   80Tov bun yie nyei hnyouv ei jienv meih nyei leiz-nyeic yaac maiv maaih dorngx nqemh,
   weic bun yie maiv zuqc nyaiv.

Daux Gaux Tov Ziouv Njoux

Kapv
  81Yie nyei hnyouv za'gengh zuov jienv oix duqv meih nyei njoux en,
   yie kaux meih nyei waac maaih lamh hnamv dorngx.
   82Yie zuov gau meih ei meih laengz nyei waac zoux, m'zing zungv mbuov mi'aqv.
   Yie naaic gaax, “Meih haaix zanc cingx orn yie nyei hnyouv?”
   83Yie se hnangv norm dapv a'ngunc diuv nyei ndopv-mbuoqc kangx jienv douz-sioux gu'nguaaic,
   mv baac yie maiv la'kuqv meih nyei leiz-nyeic.
   84Meih nyei bou oix zuqc diev ndongc haaix lauh?⚓
   Meih taux haaix zanc cingx siemv hoic yie wuov deix mienh nyei zuiz?
   85Zoux maux, maiv ei meih nyei leiz-latc nyei mienh,
   wetv kuotv oix hoic yie ndortv.
   86Meih nyei yietc zungv lingc kaux duqv wuonv nyei.
   Ninh mbuo gorngv-baeqc hoic yie, tov tengx yie.
   87Ninh mbuo kaav deix mietc yie, bun yie maiv maaih maengc yiem lungh ndiev,
   mv baac yie maiv guangc meih hatc nyei waac.
   88Meih ziepc zuoqv nyei hnamv mienh ziouc tov siex cuotv yie nyei maengc
   weic bun yie haih ei jienv meih nyei nzuih gorngv nyei waac.

Sienx Ziouv Nyei Leiz-Latc

Laa^metv
  89O Ziouv aac, meih nyei waac yiem lungh gu'nguaaic
   liepc wuonv taux yietc liuz.
   90Doic jiex doic meih se ziepc zuoqv nyei.
   Meih liepc baamh gen daaih, baamh gen ziouc yiem jienv taux ih zanc.
   91Ziux meih hatc nyei waac yietc zungv yiem jienv taux ih hnoi
   weic zuqc maanc muotc se benx meih nyei bou.
   92Se gorngv meih nyei leiz-latc maiv zeiz bun yie a'hneiv,
   yie yiem kouv naanc gu'nyuoz zungv zuqc mietc mi'aqv.
   93Yie yietc liuz maiv la'kuqv meih hatc nyei waac,
   weic zuqc meih longc meih hatc nyei waac bun yie duqv ziangh jienv.
   94Yie benx meih nyei mienh, tov njoux yie,
   weic zuqc yie ei jienv⚓ meih hatc nyei waac.
   95Orqv mienh zuov jienv oix daix yie,
   mv baac yie oix samx mangc meih nyei leiz-latc.
   96Yie buatc maanc sic maaih ninh nyei soux mouc,
   mv baac meih nyei lingc za'gengh! jangv haic.

Hnamv Ziouv Nyei Leiz-Latc

Mem
  97O yie za'gengh hnamv meih nyei leiz-latc,
   yie ziangh hnoi maiv dingh liouh nyei fei-fangv.
   98Meih nyei lingc zanc-zanc yiem yie nyei hnyouv,
   ziouc bun yie maaih cong-mengh gauh camv yie nyei win-wangv.
   99Yie gauh hnamv duqv tong yie nyei yietc zungv fin-saeng,
   weic zuqc yie fei-fangv meih njaaux nyei waac.
   100Beiv mienh gox mienh yie gauh mengh baeqc
   weic zuqc yie ei jienv meih hatc nyei waac.
   101Yie hatc jienv maiv bun yie nyei zaux yangh yietc zungv orqv nyei jauv,
   weic bun yie ei jienv meih nyei waac zoux.
   102Yie maiv leih nqoi meih nyei leiz
   weic zuqc meih ganh njaaux jiex yie.
   103Yie seix liuz meih nyei waac, za'gengh gaam haic,
   yiem yie nyei nzuih zungv gauh gaam mueiz-dorngh.
   104Yie kaux meih hatc nyei waac tengx yie bieqc hnyouv,
   weic naaiv yie nzorng haic yietc zungv jaav nyei jauv.

Ziouv Nyei Leiz-Latc Se Hnangv Norm Dang

Nun
  105Meih nyei waac se hnangv dang ziux yie nyei zaux-mbiec,
   yaac zoux yie jauv zaangc nyei njang.
   106Yie houv jienv liepc ngaengc waac
   yaac laengz ei jienv baengh fim nyei leiz zoux.
   107O Ziouv aac, yie za'gengh siouc kouv naanc hniev haic,
   tov meih ziux meih nyei waac bun yie duqv ziangh jienv.
   108O Ziouv aac, tov zipv yie nyei nzuih ceng nyei waac benx ziec nyei ga'naaiv,
   yaac njaaux yie hiuv duqv meih nyei leiz.
   109Yie nyei maengc zanc-zanc zuqc gamh nziex nyei sic,⚓
   mv baac yie maiv la'kuqv meih nyei leiz-latc.
   110Orqv mienh zaeng koux oix hlopv yie,
   mv baac yie maiv leih nqoi meih hatc nyei waac.
   111Meih njaaux nyei waac se yie yietc liuz nzipc nyei buonc,
   yaac bun yie nyei hnyouv a'hneiv haic.
   112Yie liepc dingc hnyouv gan meih nyei leiz-nyeic,
   yietc liuz gan taux daauh taux mueiz.

Kaux Ziouv Nyei Leiz-Latc Duqv Longx

Saa^mekv
  113Maaih i diuc hnyouv nyei mienh yie nzorng haic,
   mv baac yie hnamv meih nyei leiz-latc.
   114Meih zoux yie bingx nyei dorngx yaac zoux yie nyei torngv-baaih.
   Yie kaux meih nyei waac maaih lamh hnamv dorngx.
   115Zoux orqv nyei mienh aah! Biaux nqoi yie maah!
   Weic bun yie haih gan longx yie nyei Tin-Hungh hatc nyei lingc.
   116Tov ziux meih laengz nyei waac baav jienv yie, bun yie duqv ziangh jienv.
   Yie maaih lamh hnamv nyei yaac tov maiv dungx bungx ndortv weic bun yie maiv zuqc nyaiv.
   117Tov baav jienv yie, yie ziouc yiem duqv longx
   yaac zanc-zanc taaih meih nyei leiz-nyeic.
   118Meih nqemh maiv ei meih nyei leiz-nyeic nyei mienh.
   Ninh mbuo guv guaix nyei za'eix se maiv lamh longc.
   119Meih zorqv lungh ndiev nyei orqv mienh funx hnangv hlieqv-nqaiv nor,
   weic naaiv yie hnamv meih njaaux nyei waac.
   120Yie sin zinx weic zuqc yie gamh nziex meih.
   Yie yaac gamh nziex meih siemv nyei waac.

Oix Zuqc Ei Jienv Ziouv Nyei Leiz-Latc

Aayin
  121Yie zoux nyei se baengh fim, horpc nyei.
   Tov maiv dungx guangc yie yiem zeix yie wuov deix nyei buoz-ndiev.
   122Tov beu jienv meih nyei bou bun yie duqv longx,
   maiv dungx bun zoux maux nyei mienh zeix yie.
   123Yie zuov gau meih nyei njoux en,
   caux meih zoux ziangx meih baengh fim laengz nyei waac,
   yie m'zing zungv maiv njang aqv.
   124Tov meih ziux meih ziepc zuoqv nyei hnamv mienh dorh meih nyei bou,
   yaac tov njaaux meih nyei leiz-nyeic yie.
   125Yie se meih nyei bou. Tov bun yie bieqc hnyouv,
   weic bun yie mengh baeqc meih njaaux nyei waac.
   126Ziouv dingc zuiz nyei ziangh hoc taux aqv,
   weic zuqc mienh baamz meih nyei leiz-latc.
   127Yie za'gengh hnamv meih nyei lingc gauh camv jiem,
   zungv gauh camv zien jiem.
   128Weic naaiv yie yangh meih hatc nyei waac,⚓
   yie nzorng haic yietc zungv jaav nyei jauv.

Oix Yangh Ziouv Nyei Leiz-Latc

Pe
  129Meih njaaux nyei waac gengh peix fuc haic,
   weic naaiv yie longc hnyouv gan jienv mingh.
   130Meih nyei waac porv nqoi se hnangv ziux njang nor,
   bun maiv nangc hiuv camv nyei mienh bieqc hnyouv.
   131Yie morngx nqoi nzuih tauv qiex hae hae nyei,
   weic zuqc yie za'gengh oix meih nyei lingc.
   132Tov huin mangc yie yaac korv-lienh yie,
   hnangv meih zoux jiex weic hnamv meih nyei mengh wuov deix mienh.
   133Tov meih longc meih nyei waac bun yie nyei zaux-mbiec haih caaiv duqv jienv,
   yaac maiv dungx bun haaix nyungc zuiz gunv yie.
   134Tov tengx yie biaux ndutv zeix yie wuov deix mienh,
   weic bun yie haih ei jienv meih hatc nyei waac.
   135Tov meih nyei hmien ziux njang meih nyei bou,
   yaac tov njaaux meih nyei leiz-nyeic yie.
   136Yie nyei wuom-mueic liouc njiec hnangv ndoqv nor,
   weic zuqc mienh maiv ei meih nyei leiz-latc.

Ziouv Nyei Leiz-Latc Se Baengh Fim Nyei

Zaa^nde
  137O Ziouv aac, meih se baengh fim nyei,
   meih nyei leiz-latc yaac zingx nyei.
   138Meih dingc daaih nyei leiz-nyeic se horpc nyei,
   yaac baengh fim nzengc.
   139Yie nyei hnyouv qiex jiez haic hnangv douz buov jienv nor,
   weic zuqc yie nyei win-wangv la'kuqv meih nyei waac.
   140Meih laengz nyei waac seix liuz, hiuv duqv kaux duqv wuonv nyei,
   yie, meih nyei bou, yaac hnamv haic.
   141Yie zoux faix, zuqc mienh mangc piex,
   mv baac yie maiv la'kuqv meih hatc nyei waac.
   142Meih se baengh fim nyei, yaac yietc liuz baengh fim.
   Meih nyei leiz-latc yaac zien.
   143Yie zuqc doh naanc, nzauh kouv,
   mv baac meih nyei lingc bun yie njien-youh.
   144Meih njaaux nyei waac yietc liuz baengh fim nyei,
   tov bun yie mengh baeqc weic bun yie duqv ziangh jienv.

Daux Gaux Tov Ziouv Njoux

Kopv
  145O Ziouv aac, yie longc nzengc hnyouv heuc jienv meih. Tov dau yie,
   yie ziouc ei jienv meih nyei leiz-nyeic.
   146Yie heuc jienv meih, tov njoux yie,
   weic bun yie haih ei jienv meih njaaux nyei waac.
   147Lungh maiv gaengh njang yie jiez sin heuc meih tengx.
   Yie kaux meih nyei waac maaih lamh hnamv dorngx.
   148Yie ziangh muonz nungx jienv m'zing
   weic fei-fangv meih laengz nyei waac.
   149Ziux meih ziepc zuoqv nyei hnamv mienh tov muangx yie nyei qiex.
   O Ziouv aac, tov ziux meih nyei leiz beu yie nyei maengc.
   150Daav orqv za'eix zeix yie wuov deix mienh taux fatv aqv.
   Ninh mbuo leih go meih nyei leiz-latc.
   151Mv baac Ziouv aac, meih yiem nitv fatv.
   Meih nyei yietc zungv lingc yaac zien.
   152Yie weic hoqc meih njaaux nyei waac hiuv duqv lauh aqv,
   meih njaaux nyei waac yietc liuz liepc wuonv.

Daux Gaux Tov Ziouv Tengx

Letv
  153Tov mangc buatc yie nyei kouv naanc yaac njoux yie,
   weic zuqc yie maiv la'kuqv meih nyei leiz-latc.
   154Tov tengx mbenc yie nyei sic yaac zuoqc yie.
   Ziux meih laengz nyei waac tov bun yie duqv ziangh jienv.
   155Zoux orqv nyei mienh maiv haih duqv njoux,⚓
   ninh mbuo maiv gan meih nyei leiz-nyeic.
   156O Ziouv aac, meih za'gengh korv-lienh mienh haic.
   Tov ziux meih nyei leiz bun yie maaih maengc ziangh jienv.
   157Zeix yie, caux yie doix-dekc nyei mienh camv haic,
   mv baac yie maiv leih nqoi meih hatc nyei waac.
   158Yie buatc maiv ziepc zuoqv nyei mienh ziouc youx haic
   weic zuqc ninh mbuo maiv ei meih nyei waac.⚓
   159Samx mangc gaax yie ndongc haaix hnamv meih hatc nyei waac.
   Tov ziux meih ziepc zuoqv nyei hnamv mienh beu yie nyei maengc.
   160Meih nyei waac nzutv zunv gorngv se zien leiz,
   meih nyei yietc zungv gong-fim nyei leiz yietc liuz yiem.

Dingc Hnyouv Gan Ziouv Nyei Leiz-Latc

Sin
  161Zoux hlo nyei mienh maiv longc leiz nyei hoic yie,
   mv baac yie nyei hnyouv gamh nziex nyei se meih nyei waac.
   162Yie weic meih nyei waac a'hneiv,
   hnangv mienh duqv caangv daaih nyei ga'naaiv camv nor.
   163Yie nzorng haic, youx haic yietc zungv gorngv-baeqc nyei waac,
   mv baac yie hnamv haic meih nyei leiz-latc.
   164Weic meih baengh fim nyei leiz
   yie yietc hnoi ceng meih siec nzunc.
   165Hnamv meih nyei leiz nyei mienh duqv baengh orn camv,
   yaac maiv maaih haaix nyungc haih bun ninh mbuo ndiqv zuqc ndorpc.
   166O Ziouv aac, yie zuov jienv meih njoux yie,
   yie yaac ei meih hatc nyei lingc zoux.
   167Yie nyei hnyouv ei jienv meih nyei waac.
   Yie za'gengh! hnamv haic meih nyei waac.
   168Yie ei jienv meih hatc nyei, paaiv nyei waac,
   weic zuqc yie nyei diuc-diuc jauv yiem meih nyei nza'hmien.

Tov Ziouv Tengx

Tau
  169O Ziouv aac, tov bun yie heuc nyei sing-qiex taux meih nyei nza'hmien,
   yaac ziux meih nyei waac bun yie bieqc hnyouv.
   170Tov bun yie jouh nyei waac taux meih nyei nza'hmien,
   tov ziux meih nyei waac njoux yie.
   171Yie nyei nzuih meix oix gorngv cuotv ceng nyei waac,
   weic zuqc meih njaaux meih nyei leiz-nyeic yie.
   172Yie nyei mbietc oix baaux nzung gorngv meih nyei waac,
   weic zuqc meih nyei yietc zungv lingc se baengh fim nyei.
   173Tov liuc leiz ziangx meih nyei buoz tengx yie,
   weic zuqc yie ginv liuz meih hatc nyei waac.
   174O Ziouv aac, yie gengh oix duqv meih nyei njoux en,
   meih nyei leiz-latc yaac bun yie a'hneiv.
   175Tov bun yie duqv ziangh jienv weic bun yie haih ceng meih,
   tov bun meih nyei leiz tengx yie.
   176Yie mingh dorngc jauv hnangv ba'gi yungh dingx laaih nor,
   tov daaih lorz meih nyei bou,
   weic zuqc yie maiv la'kuqv meih nyei lingc.