18
耶和华的仆人大卫的诗。交给圣咏团长。当耶和华救他脱离所有仇敌和扫罗之手的日子，他用这诗的歌词向耶和华说话。大卫的胜利之歌
（撒下22．1－51）
1耶和华我的力量啊，我爱你！
2耶和华是我的岩石、我的山寨、我的救主、
我的上帝、我的磐石、我所投靠的。
他是我的盾牌，
是拯救我的角，是我的碉堡。
3我要求告当赞美的耶和华，
我必从仇敌手中被救出来。
4死亡的绳索勒住我，
毁灭的急流惊吓我，
5阴间的绳索缠绕我，
死亡的圈套临到我。
6我在急难中求告耶和华，
向我的上帝呼求。
他从殿中听了我的声音，
我在他面前的呼求必进入他耳中。
7那时，因他发怒地就震动战抖，
山的根基也震动挪移。
8他的鼻孔冒烟上腾，
他的口发火焚烧，连煤炭也烧着了。
9他使天垂下，亲自降临，
黑云在他脚下。
10他乘坐基路伯飞行，
藉着风的翅膀快飞，
11以黑暗为藏身之处，
以水的黑暗、天空的密云作四围的行宫。
12因他发出光辉，
冰雹和火炭穿透密云。
13耶和华在天上打雷，
至高者发出声音，就有冰雹和火炭⚓。
14他射出箭来，使仇敌四散；
发出连串的闪电，击溃他们。
15耶和华啊，你的斥责一发，
你鼻孔的气一出，
海底就显现，
大地的根基也暴露。
16他从高天伸手抓住我，
把我从大水中拉上来。
17他救我脱离强敌和那些恨我的人，
因为他们比我强盛。
18我遭遇灾难的日子，他们来攻击我；
但耶和华是我的倚靠。
19他领我到宽阔之处，
他救拔我，因他喜爱我。
20耶和华必按我的公义报答我，
按我手中的清洁赏赐我。
21因为我遵守耶和华的道，
未曾作恶离开我的上帝。
22他的一切典章常在我面前，
他的律例我也未曾丢弃。
23我在他面前作了完全人，
我也保护自己远离罪孽。
24所以耶和华按我的公义，
在他眼前按我手中的清洁赏赐我。
25慈爱的人，你以慈爱待他；
完全的人，你以完善待他。
26清洁的人，你以清洁待他；
歪曲的人，你以弯曲待他。
27困苦的百姓，你必拯救；
高傲的眼目，你使他降卑。
28你必点亮我的灯；
耶和华－我的上帝必照明我的黑暗。
29我藉着你冲入敌军，
藉着我的上帝跳过城墙。
30至于上帝，他的道是完全的；
耶和华的话是纯净的。
凡投靠他的，他就作他们的盾牌。
31除了耶和华，谁是上帝呢？
除了我们的上帝，谁是磐石呢？
32惟有那以力量束我的腰、
使我行为完全的，他是上帝。
33他使我的脚快如母鹿，
使我站稳在高处。
34他教导我的手能争战，
我的膀臂能开铜造的弓。
35你赐救恩给我作盾牌，
你的右手扶持我，
你的庇护⚓使我为大。
36你使我脚步宽阔，
我的脚踝未曾滑跌。
37我要追赶我的仇敌，且要追上他们；
若不将他们灭绝，我总不归回。
38我要打伤他们，使他们站不起来；
他们必倒在我的脚下。
39你曾以力量束我的腰，使我能争战；
也曾使那起来攻击我的，都服在我以下。
40你又使我的仇敌在我面前转身逃跑，
使我剪除那恨我的人。
41他们呼求，却无人拯救；
就是呼求耶和华，他也不应允。
42我捣碎他们，如同风前的灰尘；
倾倒⚓他们，如同街上的泥土。
43你救我脱离百姓的纷争，
立我作列国的元首；
我素不认识的百姓必事奉我。
44他们一听见我的名声就必顺从我，
外邦人要投降我。
45外邦人要丧胆，
战战兢兢地出营寨。
46耶和华永远活着。
愿我的磐石被称颂，
愿救我的上帝受尊崇。
47这位上帝为我伸冤，
使万民服在我以下。
48他拯救我脱离仇敌，
又把我举起，高过那些起来攻击我的人，
救我脱离残暴的人。
49耶和华啊，因此我要在外邦中称谢你，
歌颂你的名。
50耶和华赐极大的救恩给他所立的王，
施慈爱给他的受膏者，
就是给大卫和他的后裔，直到永远。
18
Tơlơi Adoh Dawid Kơ Tơlơi Dưi Hĭ
Kơ pô gai ayŭ. Anai jing tơlơi bơni hơơč Dawid, jing ding kơna Ơi Adai, adoh tơdang Khua Yang pơklaih hĭ laih ñu mơ̆ng pơtao Saul laih anŭn mơ̆ng ƀing rŏh ayăt ñu pơkŏn.(2 Samuêl 22:1-51)
Ih jing Pô pơkơtang brơi kâo.
2Yahweh jing Pô pơklaih kâo;
Ñu pơgang kâo yuakơ Ñu jing boh pơtâo prŏng kâo laih anŭn jing kơđông kơjăp kâo.
Ơi Adai kâo jing boh pơtâo kơjăp kâo,
tui anŭn amăng Ñu yơh kâo dŏ rơnŭk rơnua.
Ñu jing khiơl pơgang kâo mơ̆ng rŏh ayăt;
Ñu jing tơki dưi kơtang kiăng pơklaih hĭ kâo laih anŭn jing sang gak wai glông kơ kâo dŏ rơnŭk rơnua.
3Yahweh jing Pô năng lăp kơ kâo bơni hơơč yuakơ tơdang kâo iâu kwưh ƀơi Ñu,
Ñu yơh pơklaih hĭ kâo mơ̆ng ƀing rŏh ayăt kâo.
Bơni hơơč kơ Yahweh!
4Tơlơi huĭ hyưt tơlơi djai akă jum dar kâo kar hăng hrĕ ƀač čơđo̱ng kơ kâo;
tơlơi răm rai tơglŭng ƀơi ngŏ kâo kar hăng khul jơlah ia.
5Tơlơi huĭ hyưt anih djai Seôl añĭng jum dar kâo,
laih anŭn anih pơsat anŭn ƀač čơđo̱ng kơ kâo.
6Amăng tơlơi rŭng răng, kâo iâu đĭ kơ Yahweh;
kâo iâu kwưh đĭ kơ Ơi Adai kâo kơ tơlơi djru.
Amăng Sang Yang Ñu yơh Ñu hơmư̆ hiăp kâo;
tơngia Ñu yơh hơmư̆ hiăp kâo iâu kwưh kơ tơlơi djru anŭn.
7Giŏng anŭn, tơlơi hil Ơi Adai ngă kơ lŏn tơnah rŭng răng laih anŭn rơyŭh rơyăh,
wơ̆t hăng khul atur tơkai čư̆ ăt tơtư̆ tơtơ̆ng laih anŭn pơpư̆ pơgơi mơ̆n,
yuakơ Ñu hil kơ ƀing rŏh ayăt kâo.
8Asăp apui tơbiă đĭ mơ̆ng adrŏng adŭng Ñu,
jing sa jơlah apui laih anŭn hơdăng apui jă̱ mriah tơbiă mơ̆ng amăng bah Ñu.
9Ñu wa̱č pŏk hĭ adai rơngit laih anŭn trŭn rai pơ lŏn tơnah
go̱m hăng kơthul jŭ̱ gah yŭ plă̱ tơkai Ñu.
10Ñu đĭ ƀơi sa čô Čerub, jing ling jang Ñu, hăng pŏr rai,
angĭn thut Ñu pŏr hyu tañ kar hăng čim pŏr.
11Ñu go̱m hĭ Ñu pô hăng gơnam kơnăm mơmŏt,
jing kơthul kơpa̱l, bă hăng ia, wang dar Ñu.
12Ple̱r tơlŏ laih anŭn apui ƀlĭp ƀlăp rai mơ̆ng kơmlă ƀơi anăp Ñu
laih anŭn găn nao amăng kơthul kơnăm.
13Giŏng anŭn, Yahweh pơhiăp rai hrup hăng grŏm mơ̆ng adai rơngit;
laih anŭn ƀing mơnuih mơnam hơmư̆ hiăp Ñu jing Pô Glông Hloh.
14Ñu pơnăh trŭn khul ƀrŏm Ñu laih anŭn pơčơlah hĭ ƀing rŏh ayăt Ñu;
khul ƀrŏm Ñu hrup hăng khul kơmlă ƀlĭp ƀlăp yơh ngă brơi kơ ƀing rŏh anŭn đuaĭ hĭ.
15Tơdang Ih pơhiăp ƀuăh kơ ƀing rŏh ayăt Ih, Ơ Yahweh ăh,
laih anŭn adrŏng adŭng Ih pơgrao bluh tơbiă tơlơi hil ƀơi ƀing gơñu,
giŏng anŭn atur lŏn ia rơsĭ thu rơđah,
laih anŭn atur lŏn tơnah rơđah rai yơh.
16Yahweh tơkui mơ̆ng glông kiăng kơ pŭ̱ mă kâo;
Ñu dui đuaĭ hĭ kâo mơ̆ng hlung ia dơlăm.
17Ñu pơklaih hĭ kâo mơ̆ng ƀing rŏh ayăt khĭn hơtai
laih anŭn mơ̆ng abih bang ƀing pơrơmut kơ kâo,
yuakơ ƀing gơñu yơh jing ƀing kơtang hloh kơ kâo.
18Tơdang kâo dŏ amăng tơlơi tơdu tơnap, ƀing gơñu kơsung blah kâo,
samơ̆ Yahweh djru pơgang hĭ laih kâo.
19Ñu djru kâo tơbiă đuaĭ hĭ mơ̆ng tơlơi huĭ hyưt;
Ñu pơklaih kâo yuakơ Ñu mơak hăng kâo.
20Yahweh bơni kơ kâo yuakơ kâo ngă tơlơi djơ̆;
Ñu bơni hiam kơ kâo yuakơ tơngan kâo ƀu ngă soh ôh.
21Kâo hơmâo gưt tui laih tơlơi juăt Yahweh;
kâo ƀu či đuaĭ hĭ ôh mơ̆ng hơdră jơlan Ơi Adai kâo kiăng kơ đuaĭ tui jơlan sat ƀai.
22Kâo hơmâo djă̱ pioh laih abih bang tơlơi juăt Ñu;
kâo ƀu lui hĭ ôh khul tơlơi pơtă pơtăn Ñu.
23Ñu thâo krăn kâo ƀu hơmâo tơlơi wĕ wŏ ôh,
yuakơ Ñu ƀuh kâo hơmâo răk wai laih kâo pô dŏ ataih mơ̆ng tơlơi ngă soh.
24Tui anŭn yơh, Ñu bơni kơ kâo yuakơ kâo ngă tơlơi djơ̆,
yuakơ Ñu thâo krăn tơngan kâo ƀu ngă soh ôh.
25Ơ Yahweh ăh, Ih jing tŏng ten hăng hlơi pô dŏ tŏng ten hăng Ih;
laih anŭn Ih ngă hiam tu̱m nu̱m kơ hlơi pô jing hlo̱m ƀo̱m.
26Ih jing jơngeh hiam hăng hlơi pô jing jơngeh hiam,
samơ̆ Ih ngă mơneč hăng hlơi pô ngă sat ƀai.
27Ih pơklaih ƀing mơnuih luă gŭ,
samơ̆ pơluă gŭ ƀing hlơi pô hơmâo mơta pơgao ang.
28Ơ Yahweh hơi, Ih pha brơi tơlơi bơngač kơ jơlan kâo;
Ih puh pơđuaĭ hĭ tơlơi kơnăm mơmŏt jum dar kâo.
29Ih pha brơi kơ kâo tơlơi kơtang kiăng kơsung blah ƀing rŏh ayăt kâo
laih anŭn tơlơi dưi kơtang kiăng dưi găn hĭ khul bơnư̆ pơgang gơñu.
30Ơi Adai kâo yơh, khul bruă mơnuă Ñu jing hlo̱m ƀo̱m biă mă!
Khul boh hiăp Ñu jing năng kơ đaŏ kơnang biă mă!
Ñu jing hrup hăng sa boh khiơl
kơ abih bang ƀing hlơi dŏ kơđap amăng tơlơi pơgang Ñu.
31Kơnơ̆ng hơjăn Yahweh yơh jing Ơi Adai!
Kơnơ̆ng hơjăn Ơi Adai yơh jing boh pơtâo kơjăp pơgang ta!
32Ñu yơh jing Ơi Adai, jing Pô buh brơi kơ kâo tơlơi kơtang,
jing Pô pơkra jơlan kâo rơnŭk rơnua.
33Ñu brơi tơkai kâo kơjăp rơjăng kar hăng tơkai rơsa;
Ñu wai kâo rơnŭk rơnua ƀơi khul čư̆ čan.⚓
34Ñu pơhrăm tơngan kâo kơ tơlơi pơblah,
laih dơ̆ng Ñu ăt pha brơi kâo dưi wă̱ ƀač hraŏ ko̱ng akhăng hloh.
35Ơ Yahweh, Ih jing khiơl pơgang kâo laih anŭn pơklaih kâo;
Ih pơkơtang kâo hăng tơngan gah hơnuă Ih
tui anŭn tơlơi djru Ih hơmâo ngă brơi laih kơ kâo jing yom prŏng.
36Ih hơmâo pơrơhaih hĭ laih jơlan kâo kiăng kơ kâo rơbat rơngai,
tui anŭn tơkai kâo ƀu či tơbơr rơbuh hĭ ôh.
37Kâo kiaŏ mă ƀing rŏh ayăt kâo laih anŭn mă hơmâo gơñu;
kâo ƀu pơdơi hĭ ôh tơl kâo pơrai hĭ ƀing gơñu.
38Kâo taih rơbuh hĭ ƀing gơñu tui anŭn ƀing gơñu ƀu thâo tơgŭ đĭ dơ̆ng tah;
ƀing gơñu lê̆ rơbuh djai hĭ gah yŭ tơkai kâo.
39Ih buh brơi kơ kâo tơlơi kơtang kiăng kơ pơblah
laih anŭn Ih brơi kơ kâo tơlơi dưi git gai ƀing kơsung blah ƀơi kâo.
40Ih ngă kơ ƀing ayăt anŭn wir rŏng čơlah đuaĭ hĭ mơ̆ng kâo;
laih anŭn kâo pơrai hĭ ƀing hlơi pơrơmut kơ kâo.
41Ƀing gơñu iâu kwưh kơ tơlơi djru, samơ̆ ƀu hơmâo hlơi pô ôh rai pơklaih hĭ ƀing gơñu;
wơ̆t tơdah ƀing gơñu iâu đĭ kơ Yahweh, samơ̆ Yahweh ƀu laĭ glaĭ ôh.
42Kâo pơphač hĭ ƀing gơñu, tui anŭn ƀing gơñu jing kar hăng ƀruih lŏn
jing gơnam angĭn puh pơđuaĭ hĭ yơh.
Kâo juă ƀơi gơñu kar hăng glŭt hlŭ̱ ƀơi jơlan.
43Ih pơklaih laih kâo mơ̆ng ƀing mơnuih tơgŭ pơkơdơ̆ng
laih anŭn brơi kâo git gai wai lăng khul lŏn čar tuai;
ƀing ană plei jing ƀing kâo ƀu thâo krăn ôh hlâo adih, ră anai ƀing gơñu hơmâo jing hĭ ƀing ding kơna mă bruă kơ kâo.
44Tơdang ƀing gơñu hơmư̆ hiăp kâo, ƀing gơñu gưt tui kâo yơh;
ƀing gơñu huĭ kơñŭn ƀơi anăp kâo.
45Ƀing gơñu rơngiă hĭ laih tơlơi khĭn gơñu
laih anŭn tơbiă rai tơtư̆ huĭ mơ̆ng khul bơnư̆ kơđông gơñu.
46Yahweh hơdip! Bơni hơơč kơ Pô jing boh pơtâo kơjăp kâo!
Pơhaih bĕ tơlơi prŏng prin Ơi Adai jing Pô pơklaih kâo.
47Ñu yơh brơi kơ kâo dưi hĭ hloh kơ ƀing rŏh ayăt kâo;
Ñu pơluă gŭ ƀing lŏn čar tuai dŏ gah yŭ kơ tơlơi dưi kâo
48laih anŭn pơklaih hĭ kâo mơ̆ng ƀing rŏh kâo.
Ơ Yahweh hơi, Ih yơh brơi kơ kâo dŏ rơnŭk rơnua mơ̆ng ƀing kơsung blah kâo
laih anŭn pơgang kâo mơ̆ng ƀing ƀrưh mơhiăh anŭn.
49Tui anŭn, kâo bơni hơơč kơ Ih ƀơi anăp ƀing lŏn čar;
kâo adoh bơni hơơč kơ Ih.⚓
50Ơi Adai pha brơi khul tơlơi dưi hĭ prŏng prin kơ pơtao Ñu hơmâo ruah laih;
Ñu pơrơđah tơlơi khăp ƀu thâo pơplih kơ pơtao Ñu anŭn,
kơ pơtao Dawid yơh wơ̆t hăng ƀing ană tơčô gơ̆ hlŏng lar.