21

Manasseh Reigns in Judah

¹Manasseh ⚓was twelve years old when he became king, and he reigned fifty-five years in Jerusalem. His mother’s name was Hephzibah. ²And he did evil in the sight of the Lord, ⚓according to the abominations of the nations whom the Lord had cast out before the children of Israel. ³For he rebuilt the high places ⚓which Hezekiah his father had destroyed; he raised up altars for Baal, and made a wooden image, ⚓as Ahab king of Israel had done; and he ⚓worshiped all the host of heaven and served them. ⁴⚓He also built altars in the house of the Lord, of which the Lord had said, ⚓“In Jerusalem I will put My name.” ⁵And he built altars for all the host of heaven in the ⚓two courts of the house of the Lord. ⁶⚓Also he made his son pass through the fire, practiced ⚓soothsaying, used witchcraft, and consulted spiritists and mediums. He did much evil in the sight of the Lord, to provoke Him to anger. ⁷He even set a carved image of Asherah that he had made, in the house of which the Lord had said to David and to Solomon his son, ⚓“In this house and in Jerusalem, which I have chosen out of all the tribes of Israel, I will put My name forever; ⁸⚓and I will not make the feet of Israel wander anymore from the land which I gave their fathers—only if they are careful to do according to all that I have commanded them, and according to all the law that My servant Moses commanded them.” ⁹But they paid no attention, and Manasseh ⚓seduced them to do more evil than the nations whom the Lord had destroyed before the children of Israel.
¹⁰And the Lord spoke ⚓by His servants the prophets, saying, ¹¹⚓“Because Manasseh king of Judah has done these abominations (⚓he has acted more wickedly than all the ⚓Amorites who were before him, and ⚓has also made Judah sin with his idols), ¹²therefore thus says the Lord God of Israel: ‘Behold, I am bringing such calamity upon Jerusalem and Judah, that whoever hears of it, both ⚓his ears will tingle. ¹³And I will stretch over Jerusalem ⚓the measuring line of Samaria and the plummet of the house of Ahab; ⚓I will wipe Jerusalem as one wipes a dish, wiping it and turning it upside down. ¹⁴So I will forsake the ⚓remnant of My inheritance and deliver them into the hand of their enemies; and they shall become victims of plunder to all their enemies, ¹⁵because they have done evil in My sight, and have provoked Me to anger since the day their fathers came out of Egypt, even to this day.’ ”
¹⁶⚓Moreover Manasseh shed very much innocent blood, till he had filled Jerusalem from one end to another, besides his sin by which he made Judah sin, in doing evil in the sight of the Lord.
¹⁷Now ⚓the rest of the acts of ⚓Manasseh—all that he did, and the sin that he committed—are they not written in the book of the chronicles of the kings of Judah? ¹⁸So ⚓Manasseh rested with his fathers, and was buried in the garden of his own house, in the garden of Uzza. Then his son Amon reigned in his place.

Amon’s Reign and Death

¹⁹⚓Amon was twenty-two years old when he became king, and he reigned two years in Jerusalem. His mother’s name was Meshullemeth the daughter of Haruz of Jotbah. ²⁰And he did evil in the sight of the Lord, ⚓as his father Manasseh had done. ²¹So he walked in all the ways that his father had walked; and he served the idols that his father had served, and worshiped them. ²²He ⚓forsook the Lord God of his fathers, and did not walk in the way of the Lord.
²³⚓Then the servants of Amon ⚓conspired against him, and killed the king in his own house. ²⁴But the people of the land ⚓executed all those who had conspired against King Amon. Then the people of the land made his son Josiah king in his place.
²⁵Now the rest of the acts of Amon which he did, are they not written in the book of the chronicles of the kings of Judah? ²⁶And he was buried in his tomb in the garden of Uzza. Then Josiah his son reigned in his place.

21

Manasseh Ngă Pơtao Lŏn Čar Yudah

(2 Hră Ruai 33:1-20)

¹Pơtao Manasseh hlak pluh-dua thŭn tơdang ñu jing pơtao ƀing Yudah laih anŭn ñu wai lăng amăng plei Yerusalaim truh kơ rơmapluh-rơma thŭn. Anăn amĭ ñu jing HʼHepzibah. ²Manasseh ngă tơlơi sat ƀai ƀơi anăp Yahweh, jing tơlơi ñu đuaĭ tui hăng khul tơlơi hơƀak drak ƀing kơnung djuai Yahweh hơmâo puh pơđuaĭ hĭ laih mơ̆ng anăp ƀing Israel hlâo adih.⚓ ³Ama ñu Hizkiyah hơmâo pơrai hĭ laih khul anih glông kơkuh pơpŭ kơ yang rơba̱ng, samơ̆ Manasseh pơdơ̆ng glaĭ hơdôm anih glông anŭn. Ñu ăt rŭ̱ pơdơ̆ng đĭ khul kơnưl ngă yang kơ yang rơba̱ng Baal laih anŭn pơkra sa ƀĕ tơmĕh rup trah yang HʼAsêrah kar hăng Ahab pơtao ƀing Israel hơmâo ngă laih. Ñu ăt bon kơkuh laih anŭn kơkuh pơpŭ kơ abih bang khul pơtŭ hăng adai adih mơ̆n. ⁴Ñu pơdơ̆ng đĭ khul kơnưl kiăng kơ ngă yang kơ ƀing yang rơba̱ng amăng sang yang Yahweh, jing anih Yahweh hơmâo laĭ laih, “Amăng plei Yerusalaim yơh Kâo či pioh Anăn Kâo.”⚓ ⁵Ƀơi dua boh anih wăl tơdron amăng sang yang Yahweh, ñu pơdơ̆ng đĭ khul kơnưl ngă yang kơ abih bang khul pơtŭ hăng adai adih. ⁶Ñu čuh ngă yang ană đah rơkơi ñu pô, pơjuăt ngă pơjâo gai phai yang laih anŭn hơduah tơña ƀing mơnuih iâu atâo, jing ƀing rơkâo yang bơngăt ƀing djai. Ñu ngă tơlơi sat ƀai lu biă mă ƀơi anăp Yahweh tơl čuih kơ Yahweh hil nač biă mă yơh.
⁷Hloh kơ anŭn dơ̆ng, ñu mă tơmĕh rup trah yang HʼAsêrah, jing gơnam ñu hơmâo pơkra laih, hăng pioh rup trah anŭn amăng sang yang. Anŭn jing anih Yahweh hơmâo laĭ laih kơ pơtao Dawid laih anŭn kơ pơtao Solomôn tui anai, “Amăng sang yang anai laih anŭn amăng plei Yerusalaim anai, jing anih Kâo hơmâo ruah mă laih mơ̆ng abih bang kơnung djuai ƀing Israel, Kâo či pioh Anăn Kâo pơ anŭn nanao yơh. ⁸Tơdah ƀing Israel kơnơ̆ng pơñen ngă tui abih bang tơlơi Kâo pơđar laih kơ ƀing gơñu kiăng kơ djă̱ pioh abih bang tơlơi juăt Môseh ding kơna Kâo hơmâo brơi laih kơ ƀing gơñu, tui anŭn Kâo ƀu či ngă kơ ƀing Israel rơbat đuaĭ ataih hĭ dơ̆ng tah mơ̆ng anih lŏn Kâo brơi laih kơ ƀing ơi adon gơñu.”⚓ ⁹Samơ̆ ƀing ană plei anai ƀu kiăng hơmư̆ tui ôh. Manasseh dui ba ƀing gơñu jrôk hĭ jơlan tơl ƀing gơñu ngă tơlơi sat ƀai hloh kơ ƀing kơnung djuai Yahweh hơmâo pơrai hĭ laih mơ̆ng anăp ƀing Israel hlâo adih anŭn.
¹⁰Hơmâo sa hrơi Yahweh pơhiăp mơ̆ng ƀing ding kơna Ñu jing ƀing pô pơala tui anai:
¹¹Manasseh pơtao ƀing Yudah hơmâo ngă laih khul tơlơi soh hơƀak drak anŭn. Ñu hơmâo ngă laih tơlơi sat ƀai hloh kơ ƀing Amôr jing ƀing hơmâo dŏ laih amăng anih lŏn anai hlâo adih. Ñu hơmâo dui ba laih ƀing Yudah amăng tơlơi soh kơkuh pơpŭ kơ khul rup trah ñu pơkra. ¹²Hơnŭn yơh, anai yơh jing tơlơi Yahweh Ơi Adai ƀing Israel laĭ: Kâo či ba rai tơlơi răm rai ƀơi plei phŭn Yerusalaim laih anŭn ƀơi ƀing Yudah tơl hlơi pô hơmư̆ tơlơi răm anŭn le̱ng kơ dŏ kơtuă nge ngo yơh. ¹³Kâo či pơkă ƀơi plei Yerusalaim anŭn hăng hrĕ pơkă Kâo hơmâo pơkă pơkơdơ̆ng glaĭ laih hăng Samaria tơdang Kâo pơkơhma̱l plei anŭn. Kâo ăt či pơkơtraŏ mơ̆n ƀơi pơtao Manasseh hăng boh pơkơtraŏ Kâo hơmâo pơkơtraŏ pơkơdơ̆ng glaĭ laih hăng ană tơčô Ahab tơdang Kâo pơkơhma̱l ƀing gơñu. Kâo či sut hĭ Yerusalaim hlo̱m ƀo̱m kar hăng sa čô sut rao sa boh ja̱m. Laih kơ ñu sut rao laih, ñu pioh pơkŭp hĭ yơh. ¹⁴Kâo či đuaĭ lui hĭ tơƀe̱ng dŏ glaĭ amăng ƀing ană plei Yudah, jing kŏng ngăn Kâo anŭn, laih anŭn jao hĭ ƀing gơñu kơ ƀing rŏh ayăt gơñu. Ƀing rŏh ayăt gơñu či sua mă lun ƀơ̆ng ƀing gơñu yơh, ¹⁵yuakơ ƀing gơñu hơmâo ngă laih tơlơi sat ƀai ƀơi anăp mơta Kâo laih anŭn hơmâo ngă laih kơ Kâo hil čơdơ̆ng mơ̆ng hrơi ƀing ơi adon gơñu tơbiă mơ̆ng lŏn čar Êjip hlŏng truh kơ tă anai.
¹⁶Manasseh ngă tơlơi soh laih anŭn ba ƀing Yudah ngă tui tơl ƀing gơñu ngă tơlơi sat ƀai ƀơi anăp Yahweh. Hloh kơ anŭn dơ̆ng, Manasseh ăt pơdjai hĭ lu mơnuih ƀu hơmâo tơlơi soh ôh tơl drah gơñu pơbă hĭ djŏp anih amăng Yerusalaim, jing mơ̆ng akiăng gah anai truh pơ akiăng gah adih plei yơh. Laih anŭn dơ̆ng, tơlơi soh ñu ngă kơ ƀing Yudah ngă tui laih anŭn ƀing gơñu ngă laih tơlơi sat ƀai ƀơi anăp Yahweh.
¹⁷Bơ kơ khul tơlơi truh pơkŏn dơ̆ng amăng rơnŭk Manasseh wai lăng wơ̆t hăng abih bang tơlơi ñu ngă pơgiŏng laih anŭn abih bang tơlơi soh ñu ngă laih, arăng čih pioh laih amăng khul hră bruă mơnuă ƀing pơtao Yudah. ¹⁸Manasseh tơĭ pran, arăng dơ̱r hĭ ñu amăng pơsat ñu pô ƀơi đang arăng pơanăn Uzza laih anŭn ană đah rơkơi ñu Amôn tŏ tui ñu ngă pơtao.

Amôn Ngă Pơtao Lŏn Čar Yudah

(2 Hră Ruai 33:21-25)

¹⁹Pơtao Amôn hlak duapluh-dua thŭn tơdang ñu jing pơtao ƀing Yudah laih anŭn ñu wai lăng amăng plei Yerusalaim dua thŭn. Amĭ ñu jing mơnuih mơ̆ng plei Yotbah laih anŭn anăn ñu jing HʼMesullemet, ană đah kơmơi Haruz. ²⁰Amôn ngă tơlơi sat ƀai ƀơi anăp Yahweh kar hăng ama ñu Manasseh hơmâo ngă laih. ²¹Sĭt ñu rơbat tui amăng abih khul jơlan ama ñu laih anŭn ñu bon kơkuh pơpŭ kơ khul rup trah ama ñu hơmâo kơkuh pơpŭ laih. ²²Ñu hơngah lui hĭ Yahweh, jing Ơi Adai ƀing ơi adon ñu, laih anŭn ƀu đuaĭ tui amăng jơlan Yahweh kiăng ôh.
²³Ƀing khua moa Amôn ngă mơneč pơkơdơ̆ng glaĭ hăng ñu laih anŭn pơdjai hĭ ñu amăng sang pơtao ñu. ²⁴Giŏng anŭn, ƀing ană plei Yudah mă pơdjai hĭ abih bang ƀing hlơi pơčrŏng sai laih kiăng kơ pơdjai hĭ pơtao Amôn laih anŭn ƀing gơñu brơi ană đah rơkơi gơ̆ Yôsiyahu ngă pơtao pơala kơ gơ̆.
²⁵Bơ kơ khul tơlơi truh pơkŏn dơ̆ng amăng rơnŭk Amôn wai lăng wơ̆t hăng hơget tơlơi ñu ngă pơgiŏng laih, arăng čih pioh laih amăng khul hră bruă mơnuă ƀing pơtao Yudah. ²⁶Arăng dơ̱r hĭ ñu amăng pơsat ñu pô ƀơi đang arăng pơanăn Uzza. Laih anŭn ană đah rơkơi ñu Yôsiyahu tŏ tui ñu ngă pơtao.