1After Rehoboam’s position as king was established and he had become strong, he and all Israel⚓ with him abandoned the law of the Lord. 2Because they had been unfaithful to the Lord, Shishak king of Egypt attacked Jerusalem in the fifth year of King Rehoboam. 3With twelve hundred chariots and sixty thousand horsemen and the innumerable troops of Libyans, Sukkites and Cushites⚓ that came with him from Egypt, 4he captured the fortified cities of Judah and came as far as Jerusalem. 5Then the prophet Shemaiah came to Rehoboam and to the leaders of Judah who had assembled in Jerusalem for fear of Shishak, and he said to them, “This is what the Lord says, ‘You have abandoned me; therefore, I now abandon you to Shishak.’ ” 6The leaders of Israel and the king humbled themselves and said, “The Lord is just.” 7When the Lord saw that they humbled themselves, this word of the Lord came to Shemaiah: “Since they have humbled themselves, I will not destroy them but will soon give them deliverance. My wrath will not be poured out on Jerusalem through Shishak. 8They will, however, become subject to him, so that they may learn the difference between serving me and serving the kings of other lands.” 9When Shishak king of Egypt attacked Jerusalem, he carried off the treasures of the temple of the Lord and the treasures of the royal palace. He took everything, including the gold shields Solomon had made. 10So King Rehoboam made bronze shields to replace them and assigned these to the commanders of the guard on duty at the entrance to the royal palace. 11Whenever the king went to the Lord’s temple, the guards went with him, bearing the shields, and afterward they returned them to the guardroom. 12Because Rehoboam humbled himself, the Lord’s anger turned from him, and he was not totally destroyed. Indeed, there was some good in Judah. 13King Rehoboam established himself firmly in Jerusalem and continued as king. He was forty-one years old when he became king, and he reigned seventeen years in Jerusalem, the city the Lord had chosen out of all the tribes of Israel in which to put his Name. His mother’s name was Naamah; she was an Ammonite. 14He did evil because he had not set his heart on seeking the Lord. 15As for the events of Rehoboam’s reign, from beginning to end, are they not written in the records of Shemaiah the prophet and of Iddo the seer that deal with genealogies? There was continual warfare between Rehoboam and Jeroboam. 16Rehoboam rested with his ancestors and was buried in the City of David. And Abijah his son succeeded him as king.
12
Cov Iziv Tuaj Tua Cov Yudas
(1 Vajntxwv 14.25-28)
1Thaum Lehaunpau-as ua vajntxwv thiab tswj tau lub tebchaws nyob tus lawm, nws thiab nws cov pejxeem txawm tso tus TSWV txoj kevcai tseg. 2Lehaunpau-as ua vajntxwv tau tsib xyoos, ces lawv txawm tsis muab siab npuab tus TSWV lawm, tus TSWV thiaj li rau txim rau lawv. Cov Iziv tus Vajntxwv Sisaj txawm tuaj tua lub nroog Yeluxalees, 3nws coj ib txhiab ob puas lub tsheb nees ua rog, rau caum txhiab leej tubrog caij nees thiab ib co tubrog coob heev suav tsis txheeb li, cov tubrog ntawd yog cov Linpias, cov Xukis thiab cov Sudas. 4Sisas xub txeeb tau cov nroog uas muaj ntsa yeej hauv tebchaws Yudas, nws mam li mus tua lub nroog Yeluxalees. 5Semayas tus uas cev Vajtswv lus thiaj mus cuag Vajntxwv Lehaunpau-as thiab cov Yudas tej thawjcoj uas tuaj rau hauv lub nroog Yeluxalees, vim lawv ntshai Sisaj. Semayas hais rau lawv tias, “Tus TSWV hais rau nej li no: ‘Vim nej tso kuv tseg lawm, nimno kuv yuav muab nej tso rau Sisaj.’ ” 6Vajntxwv thiab cov thawjcoj lees hais tias lawv tau ua txhaum lawm, thiab hais tias, “Qhov uas tus TSWV ua li ntawd, nws yeej ua ncaj lawm.” 7Thaum tus TSWV pom li no, nws hais rau Semayas hais tias, “Vim lawv lees lawv tej kev txhaum lawm, kuv yuav tsis ua kom lawv puastsuaj, tiamsis kuv yuav cawm kom lawv ibtxhia dim thaum Sisaj tuaj tua lawv, thiab kuv yuav tsis pub Sisas ua rau lub nroog Yeluxalees puastsuaj, vim kuv txojkev chim. 8Txawm li ntawd los Sisaj yuav tua yeej lawv, lawv thiaj paub hais tias qhov uas lawv ua kuv tes haujlwm thiab ua tej nomtswv hauv ntiajteb no tes haujlwm txawv npaum li cas.” 9Vajntxwv Sisaj tuaj tua tau lub nroog Yeluxalees, nws txawm coj tej nyiaj tej kub uas nyob hauv lub Tuamtsev, hauv vajntxwv lub loog, tej thaiv hniav ntaj uas Vajntxwv Xalumoos muab kub nchuav ua, thiab txhua yam huv tibsi mus lawm. 10Vajntxwv Lehaunpau-as thiaj muab tooj ua dua ib cov thaiv hniav ntaj, thiab muab rau cov uas zov vajntxwv lub loog tej roojvag ua cov saib. 11Txhua zaus uas vajntxwv mus rau hauv lub Tuamtsev, cov tubrog uas nrog nraim vajntxwv nqa cov thaiv hniav ntaj nrog nws mus thiab coj rov los cia rau hauv chav uas cov tubrog zov vajntxwv nyob. 12Vim qhov uas Lehaunpau-as txo hwjchim thiab lees txim, tus TSWV txojkev chim thiaj tsis ua rau nws puastsuaj, lub tebchaws Yudas thiaj tau nyob kaj siab lug.
Lehaunpau-as Tuag
13Lehaunpau-as nyob hauv lub nroog Yeluxalees ua vajntxwv kav lub tebchaws. Thaum nws ua vajntxwv, nws hnubnyoog muaj plaub caug ib xyoos, thiab nws nyob hauv lub nroog Yeluxalees kav tau kaum xya xyoo. Yeluxalees yog lub nroog uas tus TSWV tau xaiv hauv lub tebchaws Yixalayees los ua qhov chaw rau sawvdaws pehawm nws. Lehaunpau-as niam hu ua Na-amas uas yog neeg Amoos. 14Lehaunpau-as ua kev phem kev qias, rau qhov nws tsis muab siab rau nrhiav tus TSWV. 15Lehaunpau-as lub neej thaum pib mus txog thaum xaus, thiab nws tsevneeg puavleej muab sau rau hauv Semayas tus uas cev Vajtswv lus Phau Ntawv Keebkwm thiab Idaus tus uas cev Vajtswv lus Phau Ntawv Keebkwm lawm. Lehaunpau-as thiab Yelaunpau-as, nkawd ib leeg pheej ua rog rau ib leeg ua ntu zus li. 16Lehaunpau-as tuag thiab luag muab nws coj mus faus rau ntawm cov vajntxwv lub toj ntxas hauv Daviv lub nroog, thiab nws tus tub Anpiyas ua vajntxwv hloov nws chaw.