1
祝福和感谢
1奉上帝旨意，蒙召作基督耶稣使徒的保罗，同弟兄所提尼，
2写信给在哥林多上帝的教会—就是在基督耶稣里成圣、蒙召作圣徒的—以及所有在各处求告我主耶稣基督之名的人。基督是他们的主，也是我们的主。
3愿恩惠、平安⚓从我们的父上帝并主耶稣基督归给你们！
4我常为你们感谢我的上帝，因上帝在基督耶稣里所赐给你们的恩惠。
5因为你们在他里面凡事富足，具有各种口才、各样知识，
6正如我为基督作的见证在你们心里得以坚固，
7以致你们在恩赐上一无欠缺，切切等候我们主耶稣基督的显现。
8他也必坚固你们到底，使你们在我们主耶稣基督⚓的日子无可指责。
9上帝是信实的，他呼召你们好与他儿子—我们的主耶稣基督—共享团契。
教会中的纷争
10弟兄们，我藉我们主耶稣基督的名劝你们说话要一致。你们中间不可分裂，只要一心一意彼此团结。
11我的弟兄们，革来氏家里的人曾对我提起你们，说你们中间有纷争。
12我的意思是，你们各人说：“我是属保罗的”；“我是属亚波罗的”；“我是属矶法的”；“我是属基督的。”
13基督是分裂的吗？保罗为你们钉了十字架吗？你们是奉保罗的名受了洗吗？
14我感谢上帝⚓，除了基利司布和该犹以外，我没有给你们中的任何一个人施洗，
15免得有人说你们是奉我的名受洗的。
16我曾为司提法那家施过洗；此外我已记不清有没有给别人施过洗。
17因为基督差遣我不是为施洗，而是为传福音；并不是用智慧的言论，免得基督的十字架落了空。
基督是上帝的大能和智慧
18因为十字架的道理，在那灭亡的人是愚拙，在我们得救的人却是上帝的大能。
19就如经上所记：
“我要摧毁智慧人的智慧，
废弃聪明人的聪明。”
20智慧人在哪里？文士在哪里？这世上的辩士在哪里？上帝岂不是已使这世上的智慧变成愚拙了吗？
21既然世人凭自己的智慧不认识上帝，上帝就本着自己的智慧乐意藉着人所传愚拙的话拯救那些信的人。
22犹太人要的是神迹，希腊人求的是智慧，
23我们却是传被钉十字架的基督，这对犹太人是绊脚石，对外邦人是愚拙；
24但对那蒙召的，无论是犹太人、希腊人，基督总是上帝的大能，上帝的智慧。
25因为，上帝的愚拙总比人智慧；上帝的软弱总比人强壮。
26弟兄们哪，想一想你们的蒙召，按着人的观点，有智慧的不多，有能力的不多，有尊贵地位的也不多。
27但是，上帝拣选了世上愚拙的，为了使有智慧的羞愧；又拣选了世上软弱的，为了使强壮的羞愧。
28上帝也拣选了世上卑贱的，被人厌恶的，以及那一无所有的，为要废掉那样样都有的，
29使凡血肉之躯的，在上帝面前，一个也不能自夸。
30但你们得以在基督耶稣里是本乎上帝，他使基督成为我们的智慧，成为公义、圣洁、救赎。
31如经上所记：“要夸耀的，该夸耀主。”
1
Jiez Gorn Waac
1Yie, Baulo, dongh Tin-Hungh ei ninh nyei eix paaiv daaih zoux ninh nyei ⟨gong-zoh,⟩ caux jienv mbuo nyei gorx-youz, So^saa^te^netv,
2fiev naaiv zeiv fienx bun yiem Ko^lin^to Zingh, Tin-Hungh nyei jiu-baang, dongh caux Giduc Yesu juangc maengc ziangh ziouc benx ninh nyei mienh yaac duqv Tin-Hungh heuc daaih zoux cing-nzengc mienh wuov deix. Naaiv zeiv fienx yaac fiev bun yiem norm-norm dorngx heuc jienv mbuo Ziouv Yesu Giduc nyei mbuox wuov deix. Yesu zoux ninh mbuo nyei Ziouv yaac zoux mbuo nyei Ziouv.⚓
3Tov mbuo nyei Zaangc Diex Tin-Hungh caux Ziouv Yesu Giduc ceix en ceix baengh orn bun meih mbuo.
Tin-Hungh Longc Yesu Bun Mbuo Duqv Daaih Nyei Fuqv
4Yie zanc-zanc weic meih mbuo laengz zingh Tin-Hungh⚓ weic zuqc Tin-Hungh longc Giduc Yesu ceix en bun meih mbuo.
5Weic zuqc meih mbuo caux Yesu juangc maengc ziangh meih mbuo nyungc-nyungc maaih nzoih, yiem meih mbuo gorngv nyei yietc zungv waac caux meih mbuo maaih nyei yietc zungv wuonh zaang.
6Yie mbuo tengx Giduc zoux zorng-zengx wuov deix waac liepc wuonv yiem meih mbuo nyei hnyouv.
7Weic naaiv, meih mbuo zuov jienv Ziouv Yesu Giduc hinc cuotv wuov zanc, meih mbuo maiv caa Singx Lingh ceix bun nyei yietc nyungc zingh nyeic.
8Tin-Hungh yaac oix bun meih mbuo sienx duqv wuonv taux setv mueiz. Ziouv Yesu Giduc aengx daaih nyei hnoi meih mbuo ziouc maiv maaih dorngx zuqc daanh.
9Tin-Hungh se kaux duqv wuonv nyei. Ninh heuc meih mbuo daaih caux ninh nyei dorn, mbuo nyei Ziouv Yesu Giduc, maaih jiu tong.
Jiu-Baang Bun Nqoi
10Zuangx gorx-youz aac, yie dengv mbuo Ziouv Yesu Giduc nyei mbuox tov meih mbuo oix zuqc dongh joux waac gorngv. Maiv dungx bun nqoi zoux ziex guanh. Oix zuqc horpc fim dongh eix, dongh diuc hnyouv.
11Gorx-youz aac, maaih deix Kaa^lo^e nyei biauv zong mienh mbuox yie, yiem meih mbuo naaic maaih fiuv-nzaeng nyei sic.
12Yie nyei eix leiz se gorqv-mienh maaih gorqv-mienh nyei jauv gorngv. Maaih dauh gorngv, “Yie gan Baulo,” maaih dauh gorngv, “Yie gan Aa^bor^lo,” maaih dauh gorngv, “Yie gan Bide,”⚓ aengx maaih dauh gorngv, “Yie gan Giduc.”⚓
13Giduc bun nqoi zoux ziex guanh fai? Baulo weic meih mbuo zuqc ding ziepc nzaangc jaax fai? Meih mbuo dengv Baulo nyei mbuox ⟨jiex wuom nyei leiz⟩ fai?
14Yie laengz zingh Tin-Hungh, cuotv liuz Kaa^litv^batc caux Gaai^atc, yie maiv tengx meih mbuo haaix dauh jiex wuom nyei leiz.⚓
15Hnangv naaic, maiv maaih haaix dauh haih gorngv meih mbuo dengv yie nyei mbuox jiex wuom nyei leiz.
16(Oh, zeiz nyei, yie yaac tengx Saa^te^faa^natv caux ninh nyei biauv zong mienh jiex wuom nyei leiz. Cuotv liuz naaiv deix yie jangx maiv duqv yie tengx haaix dauh.)⚓
17Giduc maiv zeiz paaiv yie mingh tengx mienh jiex wuom nyei leiz. Ninh paaiv yie mingh zunh kuv fienx, yaac maiv zeiz longc baamh mienh cong-mengh nyei waac zunh. Nzauh heix naaiv nyungc waac zoux bun Yesu yiem ziepc nzaangc jaax daic nyei qaqv zitc mi'aqv.
Giduc Zoux Tin-Hungh Nyei Qaqv, Tin-Hungh Nyei Cong-Mengh
18Giduc yiem ziepc nzaangc jaax daic wuov nyungc doz-leiz, weic oix zuqc mietc nyei mienh se hngongx haic. Mv baac weic mbuo duqv njoux nyei mienh se Tin-Hungh nyei qaqv.
19Weic zuqc Ging-Sou fiev jienv gorngv,
“Yie oix mietc cong-mengh mienh nyei cong-mengh.
Mienh guai mienh nyei za'eix yie yaac oix bun ndortv.”⚓
20Wuov nyungc, ih jaax nyei cong-mengh mienh, hoqc hlang nyei mienh, caux nzuih mbiaangc nyei mienh hnangv haaix nor? Tin-Hungh zoux bun naaiv baamh gen nyei cong-mengh hngongx mi'aqv.⚓
21Tin-Hungh longc ninh ganh nyei cong-mengh bun mienh maiv haih kaux ninh mbuo ganh nyei cong-mengh hiuv duqv ninh. Daaux nzuonx, Tin-Hungh a'hneiv longc dongh mienh funx hngongx nyei zunh doz waac, njoux sienx ninh nyei mienh.
22Yiutai Mienh tov jangx-hoc, Janx-Gikc yaac lorz cong-mengh.
23Mv baac yie mbuo zunh Giduc zuqc ding ziepc nzaangc jaax daic nyei jauv. Yiutai Mienh youc nqemh ziqc zuiz⚓ ninh mbuo. Janx yaac funx hngongx,
24mv baac weic Tin-Hungh ginv daaih nyei mienh, maiv gunv Yiutai Mienh fai Janx, mbuo hiuv duqv Giduc se Tin-Hungh nyei domh qaqv yaac dongh Tin-Hungh nyei cong-mengh.
25Weic zuqc Tin-Hungh hngongx nyei sic, zungv gauh guai baamh mienh nyei cong-mengh. Tin-Hungh mau nyei dorngx, corc gauh henv baamh mienh nyei qaqv.
26Gorx-youz aac, hnamv mangc gaax! Tin-Hungh heuc meih mbuo daaih wuov zanc, ei baamh mienh buatc, cong-mengh nyei mienh maiv maaih camv. Maaih hatc maaz nyei mienh caux zaangc dangv nyei mienh yaac maiv maaih camv.
27Mv baac baamh mienh funx hngongx nyei, Tin-Hungh ginv daaih weic bun cong-mengh nyei mienh nyaiv. Baamh mienh funx mau nyei, Tin-Hungh yaac ginv daaih weic bun henv wuov deix nyaiv.
28Baamh mienh funx haac dangv nyei, mangc piex nyei, maiv lamh longc nyei, Tin-Hungh ginv daaih weic mietc dongh baamh mienh funx longc jienv nyei.
29Hnangv naaic, maiv maaih haaix dauh yiem Tin-Hungh nyei nza'hmien haih bungx waac-maux.
30Tin-Hungh bun meih mbuo caux Giduc Yesu juangc maengc ziangh, yaac bun Giduc zoux mbuo nyei cong-mengh. Tin-Hungh longc Giduc bun mbuo caux ninh horpc hnyouv, benx ninh nyei cing-nzengc mienh, zuoqc mbuo nzuonx, leih ndutv zuiz.
31Hnangv naaic, se hnangv Ging-Sou fiev jienv gorngv,
“Haaix dauh oix bungx waac-maux,
oix zuqc bungx waac-maux gorngv Ziouv zoux nyei sic.”⚓