1
问候
1保罗、西拉和提摩太写信给帖撒罗尼迦、在我们的父上帝与主耶稣基督里的教会。
2愿恩惠、平安⚓从我们的⚓父上帝和主耶稣基督归给你们！
基督再来时的审判
3弟兄们，我们该常常为你们感谢上帝，这本是合宜的；因为你们的信心格外增长，你们众人彼此相爱的心也都增加。
4所以，我们在上帝的各教会里为你们夸耀，因为你们在所受的一切压迫患难中仍牢守着耐心和信心。
5这正是上帝公义判断的明证，使你们配得上他的国，你们就是为这国受苦。
6既然上帝是公义的，他必以患难报复那加患难给你们的人，
7-8也必使你们这受患难的人与我们同得平安。那时，主耶稣同他有权能的天使从天上在火焰中显现，要报应那些不认识上帝和不听从我们的主耶稣福音的人。
9他们要受惩罚，永远沉沦，与主的面和他权能的荣光隔绝。
10这正是主再来，要在他圣徒的身上得荣耀，就是要使一切信的人感到惊讶的那日子，因为你们信了我们对你们作的见证。
11为此，我们常为你们祷告，愿我们的上帝看你们与他的呼召相配，又用大能成就你们一切良善的美意和因信心所做的工作，
12使我们主耶稣的名，照着我们的上帝和主耶稣基督的恩，在你们身上得荣耀，你们也在他身上得荣耀。
1
1Hră anai mơ̆ng kâo, Paul, Silas laih anŭn Timothe.
Čih mơit kơ Sang Ơi Adai pơ plei Thessalonikê amăng Ơi Adai Ama ta laih anŭn amăng Khua Yang Yêsu Krist.
2Rơkâo kơ tơlơi khăp pap hăng tơlơi rơnŭk rơno̱m dŏ hăng ƀing gih mơ̆ng Ơi Adai Ama ta laih anŭn mơ̆ng Khua Yang Yêsu Krist.
Tơlơi Hơdơr Bơni Laih Anŭn Tơlơi Iâu Laĭ
3Ơ ƀing ayŏng amai adơi hơi, ƀing gơmơi năng bơni nanao kơ Ơi Adai yuakơ ƀing gih. Tơlơi ƀing gơmơi ngă anŭn jing djơ̆ yơh yuakơ tơlơi đaŏ kơnang gih prŏng tui nanao laih anŭn tơlơi khăp rĭm čô ƀing gih khăp kơ tơdruă jai lu tui.
4Hơnŭn yơh, tơdang ƀing gơmơi čuă ngui amăng ƀing Sang Ơi Adai, ƀing gơmơi pơư pơang kơ tơlơi gir run hăng tơlơi đaŏ kơnang gih amăng abih bang tơlơi kơpĭ kơpe̱t hăng tơlơi tơnap tap prŏng ƀing gih ăt dŏ kơjăp nanao mơ̆n.
5Abih bang tơlơi gir run hăng đaŏ kơnang gih jing tơlơi pơrơklă kơ tơlơi phat kơđi Ơi Adai jing tơpă yơh. Tui anŭn, Ơi Adai či yap kơ ƀing gih jing năng lăp kơ dêh čar Ñu yuakơ ƀing gih tŭ tơlơi tơnap tap anŭn.
6Ơi Adai jing djơ̆ tơpă yơh kiăng kơ kla glaĭ tui anai: Ñu či pơrŭng hĭ ƀing hlơi pô pơrŭng kơ ƀing gih
7laih anŭn Ñu brơi kơ ƀing gih rơngai hăng pơdơi, jing kơ ƀing tŭ tơlơi kơpĭ kơpe̱t wơ̆t hăng ƀing gơmơi mơ̆n. Tơlơi anŭn či truh tơdang Khua Yang Yêsu pơrơđah rai mơ̆ng adai hrŏm hăng ƀing ling jang kơtang mơyang Ñu amăng jơlah apui yơh.
8Ñu či pơkơhma̱l hĭ ƀing hlơi pô ƀu thâo krăn Ơi Adai hăng ƀu tui gưt tơlơi pơthâo hiam Khua Yang Yêsu ta.
9Ƀing mơnuih anŭn či tŭ pơkơhma̱l hăng tơlơi răm rai hlŏng lar laih anŭn tŭ dŏ gah rơngiao kơ anăp Khua Yang laih anŭn mơ̆ng tơlơi kơdrưh kơang tơlơi dưi mơyang Ñu⚓
10ƀơi hrơi tơdang Ñu či rai yơh kiăng kơ tŭ ang yang amăng ƀing ană plei rơgoh hiam Ñu laih anŭn tŭ tơlơi hli̱ng hla̱ng amăng tŏng krah abih bang ƀing đaŏ kơnang kơ Ñu. Tơlơi anŭn ăt truh ƀơi ƀing gih mơ̆n, yuakơ ƀing gih đaŏ kơnang kơ tơlơi gơ̆ng jơlan ƀing gơmơi pơrơđah kơ ƀing gih.
11Hăng tơlơi anŭn amăng tơlơi pơmĭn, ƀing gơmơi iâu laĭ nanao yuakơ ƀing gih, kiăng kơ Ơi Adai dưi yap ƀing gih năng lăp hăng tơlơi Ñu iâu mơthưr. Ƀing gơmơi iâu laĭ tui anŭn kiăng kơ yua mơ̆ng tơlơi dưi Ñu yơh Ñu dưi pơkrĕp truh hĭ abih bang tơlơi amoaih kiăng hiam gih laih anŭn rĭm tơlơi bruă gih ngă yua mơ̆ng tơlơi đaŏ kơnang gih yơh.
12Ƀing gơmơi iâu laĭ tui anŭn kiăng kơ anăn Khua Yang Yêsu ta dưi tŭ tơlơi ang yang amăng ƀing gih laih anŭn ƀing gih amăng Ñu, tui hăng tơlơi khăp pap Ơi Adai ta hăng Khua Yang Yêsu Krist yơh.