Mbơh Sơm Dăn Brah Ndu King N'gang Bơh Nau Bu Tun Jot
Y-David mbơh sơm 1Ơ Yêhôva gŭ iăt nau song srăng, gŭ iăt ăn na nê̆ ma nau gâp nter; Rkêng tôr may ma nau gâp mbơh sơm ma bâr mbung mâu geh nau ndơm ôh 2Ăn nau di gâp lah ta năp may Ăn măt may uănh ma nau song 3may sek uănh jêh nuih n'hâm gâp; may khâl jêh gâp dôl măng may rlong uănh jêh gâp, ƀiă lah may mâu saơ geh nau ôh. Gâp săch jêh nau aơ, trôm mbung gâp mâu mra tih ôh. 4Gâp saơ jêh kan phung bunuyh ƀư. Nau gâp rnơm ma nau ngơi tă bơh bâr mbung may, Gâp n'gang gâp nơm đah trong phung janh katang. 5Nhuat gâp nâp jêh tâm trong may Jâng gâp mâu geh prah ôh 6Gâp mbơh sơm jêh ma may, Ơ Brah Ndu, Yorlah may mra dơn nau gâp. Rkêng tôr may ma gâp, gŭ iăt hom nau gâp lah 7Hơi Kôranh Brah, dong ti ma may gay tâm rklaih phung krap mbe may Bơh nau phung rlăng ƀư ma khân păng 8Mât mơh an gâp tâm ban ma găr măt, King gâp tâm dâng n'hâm năr may 9Tă bơh phung iơh mhĭk tun jot gâp, Tă bơh phung rlăng khek ngăn gŭ nchueng gâp 10Khân păng chăng nuih n'hâm gâp Bâr mbung khân păng ngơi sưr. 11Khân păng nchueng jum nhuat hên jêh Khân păng rmơch lơh gay ma ăn hên prah ta neh. 12Păng jêng tâm ban ma yau mur ji ngot ngăn uch sa hêk bu. Tâm ban ma yau mur gŭ kâp tâm rsuăn păng. 13Ơ Yêhôva, dâk hom may, Hăn tâm mâp đah nơm ƀai, nklơ̆ ăn păng cha lôt Ăn đao may sâm rklaih huêng gâp tă bơh păng. 14Ơ Yêhôva, dong ti may rklaih an gâp tă bơh phung bunuyh, phung bunuyh rnôk aơ geh, nau nkhôm tâm nau rêh aơ, Jêh ri may ăn khân păng sa hơm ndul khân păng khân păng, ma drăp ndơ may Khân păng maak yor phung kon khân păng, jêh ri khân păng lơi drăp rmeh ma phung sau khân păng 15Bi gâp be, gâp mra saơ muh măt may yor nau song srăng gâp Tơlah gâp kah rngăl bêch, gâp mra hơm ma rup may.