1Lub nplajteb hab txhua yaam kws nyob huv yog Yawmsaub le, taag nrho lub qaab ntuj hab txhua tug kws nyob huv yog nwg le. 2Nwg tswm lub nplajteb rua sau dej havtxwv, hab muab txawb rua sau cov dej.
3Leejtwg yuav nce moog rua sau Yawmsaub lub roob? Hab leejtwg yuav sawv rua huv nwg lub chaw dawb huv? 4Yog tug kws txhais teg huv hab lub sab dawb huv, tsw tso sab rua tej cuav timtswv, hab tsw cog lug daag. 5Nwg yuav tau Yawmsaub le koob moov, hab Vaajtswv kws cawm nwg dim yuav tsaa nwg cai. 6Cov kws zoo le nuav yog cov tuabneeg kws nrhav Yawmsaub, kws yog nrhav Yakhauj tug Vaajtswv lub ntsej muag.
7Tej rooj loog 'e, ca le tsaa mej lub taubhau sawv, tej txhwb qhov rooj kws nyob ib txwm 'e, ca le sawv, sub tug vaajntxwv kws muaj fwjchim ci ntsaa ab txhad tau nkaag lug. 8Tug vaajntxwv kws muaj fwjchim ci ntsaa ab yog leejtwg? Tub yog Yawmsaub kws muaj zug hab muaj fwjchim luj, hab yog Yawmsaub kws muaj fwjchim ua rog. 9Tej rooj loog 'e, ca le tsaa mej lub taubhau sawv, tej txhwb qhov rooj kws nyob ib txwm 'e, ca le sawv, sub tug vaajntxwv kws muaj fwjchim ci ntsaa ab txhad tau nkaag lug. 10Tug vaajntxwv kws muaj fwjchim ci ntsaa ab yog leejtwg? Yog Yawmsaub kws muaj fwjchim luj kawg nkaus, nwg yog tug vaajntxwv kws muaj fwjchim ci ntsaa ab.