4

耶和华谴责以色列

  1以色列人哪，当听耶和华的话。
  耶和华指控这地的居民，
  因为在这地上无诚信，
  无慈爱，无人认识上帝；
   2惟起誓、欺骗、杀害、
  偷盗、奸淫、残暴、
  流血又流血。
   3因此，这地悲哀，
  其上的居民、野地的走兽、
  天空的飞鸟都日趋衰微，
  海中的鱼也必消灭。

谴责祭司

  4然而，人都不必争辩，也不必指责。
  你的百姓与抗拒祭司的人一样。
   5日间你必跌倒，
  夜间先知也要与你一同跌倒；
  我要灭绝你的母亲。
   6我的百姓因无知识而灭亡。
  你抛弃知识，
  我也必抛弃你，
  使你不再作我的祭司。
  你既忘了你上帝的律法，
  我也必忘记你的儿女。

   7祭司越发增多，就越发得罪我；
  我必使他们的荣耀变为羞辱。
   8他们吞吃我百姓的赎罪祭⚓，
  满心愿意我的子民犯罪。
   9将来百姓所受的，
  祭司也必承受；
  我必因他们所行的惩罚他们，
  照他们所做的报应他们。
   10他们吃，却不得饱足；
  行淫，却不繁衍；
  因为他们离弃耶和华，
  常行   11淫乱。
  酒和新酒夺去人的心。

谴责拜偶像的罪

  12我的百姓求问木偶，
  以为木杖能指示他们；
  淫乱的心使他们失迷，
  以致行淫离弃他们的上帝，
   13在各山顶献祭，在各高冈上烧香，
  在橡树、杨树、大树之下，
  因为那里树影美好。

  所以，你们的女儿行淫，
  你们的媳妇⚓犯奸淫。
   14我不因你们的女儿行淫
  或你们的媳妇犯奸淫惩罚她们；
  因为人自己转去与娼妓同居，
  与神庙娼妓一同献祭。
  这无知的百姓必致倾倒。
   15以色列啊，你虽然行淫，
  犹大却不可犯罪；
  不要往吉甲去，
  不要上到伯．亚文，
  也不要指着永生的耶和华起誓。
   16以色列倔强，
  犹如倔强的母牛；
  现在耶和华能牧放他们，
  如在宽阔之地牧放羔羊吗？

   17以法莲亲近偶像，
  任凭他吧！
   18他们喝完了酒，
  荒淫无度，
  他们的官长甚爱羞耻的事。
   19风把他们卷在翅膀里，
  他们必因所献的祭⚓蒙羞。

4

Ziouv Gox I^saa^laa^en Mienh

  1I^saa^laa^en Mienh aah! Meih mbuo oix zuqc muangx Ziouv nyei waac,
   weic zuqc Ziouv maaih dorngx gox naaiv norm deic-bung nyei baeqc fingx.⚓
  “Yiem deic-bung maiv maaih ziepc zuoqv nyei jauv
   fai zoux longx nyei sic fai haaix dauh nyiemc Tin-Hungh.
   2Maaih houv nyei sic, mienh gorngv-baeqc, daix mienh,
   nimc ga'naaiv caux hienx nyei sic.
  Ninh mbuo qangv maanh zoux doqc,
   daix mienh linh jienv yietc dauh jiex yietc dauh.
   3Weic naaiv deic-bung nzauh nyiemv⚓
   yiem deic-bung gu'nyuoz nyei yietc zungv mienh kouv jienv njiec,
  liemh lomc-huaang nyei hieh zoih,
   ndaamv-lungh nyei norqc,
   liemh koiv gu'nyuoz nyei mbiauz daic.⚓

Ziouv Gox Sai Mienh

  4Mv baac maiv dungx bun haaix dauh gorngv baeqc fingx
   fai bun haaix dauh gox haaix dauh,
   yie gox nyei se meih mbuo sai mienh.⚓
   5Lungh hnoi zanc meih mbuo ndiqv zuqc ndorpc,
   lungh muonz zanc douc waac mienh yaac caux jienv meih mbuo ndiqv zuqc ndorpc,
  yie zungv oix mietc meih mbuo nyei maa.⚓
    6Yie nyei baeqc fingx zuqc mietc laaix maiv maaih wuonh zaang.
  “Weic zuqc meih mbuo nqemh wuonh zaang,
   yie ziouc nqemh meih mbuo, maiv bun meih mbuo zoux sai mienh fu-sux yie.
  Weic zuqc meih mbuo la'kuqv meih mbuo nyei Tin-Hungh nyei leiz-latc,
   yie yaac oix la'kuqv meih mbuo nyei zeiv-fun.
   7Sai mienh yietc zei camv yietc zei baamz zuiz dorngc yie.
   Yie oix zorqv ninh mbuo nyei njang-laangc tiuv benx nyaiv nyei sic.
   8Ninh mbuo bangc yie nyei baeqc fingx nyei zuiz nyanc,
   zungv a'hneiv yie nyei baeqc fingx baamz zuiz.
   9Sai mienh hnangv haaix nor, baeqc fingx ziouc hnangv wuov nor.
   Yie oix dingc ninh mbuo nyei zuiz weic ninh mbuo zoux nyei jauv,
   yaac ziux ninh mbuo zoux nyei sic winh bun ninh mbuo.
   10“Ninh mbuo duqv nyanc mv baac maiv beuv.
   Ninh mbuo oix hienx mv baac maiv hiaangx,⚓
  laaix ninh mbuo guangc Ziouv
   weic gan nyiec nyei zienh.⚓

Ziouv Dingc Baaix Miuc-Fangx Nyei Zuiz

  11“Loz-a'ngunc diuv caux siang-a'ngunc diuv
   caangv cuotv mienh bieqc hnyouv nyei jauv.
   12Yie nyei baeqc fingx naaic longc ndiangx zoux daaih nyei ga'naaiv,
   aengx longc diuh biaav dau ninh mbuo.
  Weic zuqc ninh mbuo hienx nyei hnyouv dorh ninh mbuo mingh dorngc jauv,
   ninh mbuo guangc ninh mbuo nyei Tin-Hungh mingh zoux hienx nyei sic.
   13Ninh mbuo yiem mbong-ningv gu'nguaaic,
   caux mbong-aiv gu'nguaaic,
  yiem mba'ong zuei ndiangx, borpc^laah ndiangx caux mba'ong zuei ndiangx ga'ndiev fongc horc ziec yaac buov hung,
   weic zuqc yiem naaiv deix ndiangx ga'ndiev laangh nyei.
  Hnangv naaic meih mbuo nyei sieqv maaic sin,
   meih mbuo nyei siang-mbuangz yaac hienx.
   14Meih mbuo nyei sieqv mingh maaic sin,
   meih mbuo nyei siang-mbuangz hienx nyei ziangh hoc,
   yie maiv dingc ninh mbuo nyei zuiz,
  weic zuqc m'jangc dorn ganh mingh caux maaic buonv-sin nyei m'sieqv dorn,
   yaac caux jienv wuov deix
   maaic buonv-sin nyei m'sieqv dorn fongc horc ziec.⚓
   Maiv hiuv haaix nyungc nyei fingx zungv oix zuqc mietc.
   15“I^saa^laa^en Mienh aah! Maiv gunv meih mingh hienx,
   maiv dungx bun Yu^ndaa zoux dorngc zuiz.
  Maiv dungx bieqc Gin^gaan Mungv
   fai faaux mingh Mbetc Aawen.⚓
  Yaac maiv dungx houv waac gorngv,
   ‘Yie ziangv jienv ziangh jienv nyei Ziouv. ’
   16I^saa^laa^en Mienh hnyouv ngaengc
   hnangv maiv muangx waac nyei ngongh nyeiz.
  Ih zanc Ziouv haih yungz ninh mbuo
   hnangv bungx ba'gi yungh dorn yiem jangv nyei miev-ciangv fai?
   17E^faa^im mingh gan miuc-fangx mi'aqv,
   sueih ninh mingh aqv.
   18Ninh mbuo benx guanh hopv diuv nquin nyei mienh,
   gan jienv hienx nyei jauv mingh.
  Ninh mbuo oix haic nyaiv nyei sic
   gauh camv ninh mbuo nyei njang-laangc.⚓
   19Nziaaux oix buonc ninh mbuo mingh,⚓
   ninh mbuo ziouc laaix ninh mbuo ziec nyei ga'naaiv⚓ zuqc nyaiv.