9

¹Thaum tus timtswv ceebtsheej tsib tshuab nws lub xyu, kuv pom lub hnubqub uas twb poob saum ntuj los rau hauv ntiajteb lawm, luag muab ib tug yuamsij uas qhib lub qhov tob tob rau lub hnubqub ntawd. ²Lub hnubqub ntawd txawm mus qhib lub qhov tob tob; muaj pa ncho tawm hauv lub qhov ntawd tuaj ib yam li lub cub tawg uas cig hlob hlob ncho pa. Tej pa ntawd txawm tuaj mus laum nkaus lub hnub thiab lub ntuj tsaus ntuj nti tas huv tibsi. ³Muaj ib co kooj txig ya tawm hauv cov pa ncho ntawd tuaj rau saum npoo av, thiab luag pub cov kooj ntawd muaj taug ib yam li raubris teb. ⁴Tiamsis luag txwv tsis pub cov kooj ntawd noj tej xyoob ntoo thiab tej qoobloo. Luag tsuas pub cov kooj ntawd tsimtxom cov neeg uas tsis muaj Vajtswv lub homthawj nias rau ntawm lawv hauvpliaj xwb. ⁵Tiamsis luag txwv tsis pub cov kooj tua cov neeg uas raug tsimtxom ntawd, luag tsuas pub cov kooj tsimtxom tej neeg tsib lub hlis xwb. Qhov uas lawv raug tsimtxom li ntawd mob ib yam li raubris teb plev. ⁶Tsib lub hlis uas lawv raug tsimtxom ntawd, lawv nrhiav kev tuag, tiamsis lawv nrhiav tsis tau; lawv xav tuag, tiamsis lawv tuag tsis taus.
⁷Cov kooj ntawd zoo ib yam li tej nees uas luag twb muab eeb nog rau lawm yuav caij mus ntaus rog; muaj tej lub zoo li lub kausmom kub nyob saum cov kooj ntawd taubhau, thiab kooj lub ntsejmuag zoo li neeg lub. ⁸Thiab kooj tej plaubhau zoo li pojniam tej plaubhau, thiab kooj tej hniav zoo li hniav tsov ntxhuav. ⁹Thiab txhua tus kooj puavleej muaj tej daim zoo li hlau thaiv ntawm lawv hauvsiab. Kooj ya nrov li tej tsheb nees coob coob uas dhia mus rau tom tshav rog nrov. ¹⁰Kooj tus kotw muaj ple thiab txawj plev ib yam li raubris teb plev. Thiab tus kotw ntawd muaj taug tsimtxom neeg txog tsib lub hlis. ¹¹Cov kooj ntawd muaj ib tug vajntxwv kav lawv, tus vajntxwv ntawd yog tus timtswv ceebtsheej uas saib lub qhov tob tob. Tus timtswv ntawd lub npe lus Henplais hu ua Anpadoos; thiab lus Kilis hu ua Apauliyoos (txhais hais tias “Tus uas rhuav kom puastsuaj”).
¹²Thawj zaug kev txomnyem twb dhau lawm, tiamsis tseem tshuav ob zaug kev txomnyem thiab.
¹³Thaum tus timtswv ceebtsheej rau tshuab nws lub xyu, kuv hnov ib lub suab hais ntawm lub thaj kub uas nyob ntawm Vajtswv hauv ntej plaub ceg kaum tuaj. ¹⁴Lub suab ntawd hais rau tus timtswv ceebtsheej rau uas nqa lub xyu hais tias, “Cia li muab plaub tug timtswv ceebtsheej uas raug khi rau nram ntug Dej Loj Efalates tso!” ¹⁵Thaum muab plaub tug timtswv ntawd tso lawm, Vajtswv txib lawv mus tua tej neeg ntiajteb tuag tas ib feem peb. Vajtswv npaj plaub tug timtswv ntawd kom lawv ua li ntawd rau xyoo ntawd, lub hlis ntawd, hnub ntawd thiab lub sijhawm ntawd. ¹⁶Luag qhia rau kuv hais tias cov tubrog uas caij nees muaj ob puas plhom leej. ¹⁷Thaum kuv tseem ua yogtoog ntawd, kuv pom cov nees thiab cov neeg uas caij nees; cov neeg ntawd, lawv ib leeg muaj ib daim hlau thaiv hauvsiab, daim hlau ntawd liab li nplaim taws, xiav ib yam li lub hlaws xafiles thiab daj li leejfaj. Cov nees ntawd lub taubhau zoo ib yam li tsov ntxhuav lub, muaj nplaim taws, muaj pa taws thiab muaj leejfaj tawm hauv cov nees ntawd lub qhovncauj los. ¹⁸Cov nplaim taws, pa taws thiab leejfaj uas tawm hauv cov nees ntawd lub qhovncauj los ua rau neeg ntiajteb tuag ib feem peb. ¹⁹Tej taug ntawd nyob hauv cov nees lub qhovncauj thiab nyob tom nees tus kotw. Tus kotw zoo li tus nab thiab muaj taubhau, cov nees ntawd siv lawv tus kotw tom neeg.
²⁰Cov neeg uas tsis raug peb yam sub tawg sub ntsha ntawd thiab tsis tuag, lawv tsis kam muab tej uas lawv txhais tes ua los lawm tso povtseg. Lawv tseem teev dab, pe mlom kub, mlom nyiaj, mlom tooj, mlom pobzeb thiab mlom ntoo; tej mlom ntawd tsis pom kev, tsis hnov lus lossis tsis txawj mus kev, ²¹thiab lawv tsis tso kev sib ntaus sib tua, kev ua khawvkoob, kev ua nkauj ua nraug thiab kev ua tub sab tub nyiag tseg li.

9

¹Tug tubkhai ntuj kws tswb tshuab nwg lub raaj xyu, kuv txawm pum ib lub nub qub poob sau ntuj lug rua huv nplajteb, hab muab tug yuam swj kws qheb lub nam qhov tub tub pub rua lub nub qub hov. ²Thaus nwg qheb lub nam qhov tub tub hov, muaj paa tawg tshwm huv lub qhov hov tuaj zoo yaam le tej paa nchu huv lub qhov suavtawg hlub hlub. Lub nub hab sau nruab ntug kuj tsaus ntuj nti vem cov paa nchu kws tawm huv lub qhov hov. ³Ib paab kooj ntaas txawm tawm huv cov paa nchu hov lug rua huv lub nplajteb, hab pub cov kooj hov muaj peevxwm ib yaam le raub rws teb huv nplajteb, ⁴tsw kheev cov kooj hov ua phem rua tej nyom huv nplajteb lossws tej nplooj ntsuab lossws tej xyoob ntoo tassws ua phem rua cov tuabneeg kws tsw muaj Vaajtswv lub hom thawj nas rua ntawm hauv plaj xwb, ⁵tsw kheev muab cov tuabneeg hov tua tassws muab tswm txom tswb lub hlis. Qhov kws puab raug tswm txom hov mob ib yaam le thaus raub rws teb plev. ⁶Ncua swjhawm ntawd cov tuabneeg yuav nrhav txujkev tuag tassws nrhav tsw ntswb. Puab xaav tuag tassws txujkev tuag yuav tswv ntawm puab lawm.
⁷Cov kooj ntaas hov lub cev zoo ib yaam le tej neeg npaaj txhwj yuav ua rog. Sau puab taubhau muaj ib yaam zoo le lub mom kub, hab puab lub ntsej muag zoo le tuabneeg. ⁸Puab cov plaubhau zoo ib yaam le cov quaspuj, hab puab cov kaug nav zoo ib yaam le kaug nav tsuv ntxhuav. ⁹Puab muaj ib cov nplai zoo ib yaam le daim hlau thaiv hauv sab. Puab phob tis lub suab nrov ib yaam le tej tsheb neeg coob coob dha moog ua rog. ¹⁰Puab muaj kwtwv hab muaj ple ib yaam le raub rws teb, puab tug kwtwv muaj fwjchim tswm txom tuabneeg tswb lub hlis. ¹¹Puab muaj tug tubkhai ntuj kws kaav lub nam qhov tub tub ua vaajntxwv kaav puab. Nwg lub npe Henplais hu ua Anpantoo, lug Kili hu ua Apauliyoo.⚓ ¹²Thawj yaam kev txom nyem dhau lawm. Saib maj, tseed tshuav ob yaam kev txom nyem yuav lug hab.
¹³Tug tubkhai ntuj kws rau txawm tshuab nwg lub raaj xyu mas kuv nov ib lub suab ntawm plaub tug kub kws nyob plaub ceg kaum thaaj kub ntawm Vaajtswv lub xubndag tuaj ¹⁴has rua tug tubkhai ntuj kws rau kws tuav lub raaj xyu has tas, “Ca le tso plaub tug tubkhai ntuj kws raug khi rua ntawm tug nam dej luj Yufeti.” ¹⁵Tes plaub tug tubkhai ntuj txawm raug muab tso. Puab tub npaaj txhwj rua teev twg nub twg hli twg xyoo twg kws yuav tua tuabneeg ib feem huv peb. ¹⁶Cov tub rog caij neeg yog 200,000,000 leej. Kuv nov puab coob le ntawd. ¹⁷Huv zaaj yug quas toog kuv pum cov neeg zoo le nuav. Cov kws caij neeg naav daim hlau thaiv hauv sab kws lab ploog le nplaim tawg hab yimlaaj le qai zeb phaithu hab daaj le lawj faaj. Cov neeg le taubhau zoo yaam le taubhau tsuv ntxhuav, hab muaj suavtawg, paa tawg hab lawj faaj tawm huv puab lub qhov ncauj lug. ¹⁸Tuabneeg raug peb yaam vej sub vej sw nuav tua taag ib feem huv peb, yog raug suavtawg hab paa tawg hab lawj faaj kws tawm huv cov neeg qhov ncauj lug tua. ¹⁹Cov neeg nuav tug fwjchim nyob ntawm puab lub qhov ncauj hab ntawm puab tug kwtwv. Puab tug kwtwv zoo le tug naab muaj taubhau kws puab swv ua phem rua tuabneeg.
²⁰Cov tuabneeg tseed tshuav nyob kws tsw raug tej vej sub vej sw nuav tua puab kuj tsw ntxeev dua sab tshab ntawm tej kws puab txhais teg ua, hab tsw tseg qhov kws pe daab hab tej txoov daab nyaj txoov daab kub txoov daab pob zeb txoov daab ntoo kws tsw txawj pum tsw txawj nov tsw txawj moog kev. ²¹Hab puab kuj tsw ntxeev dua sab tshab ntawm qhov kws tua tuabneeg, ua khawv koob, ua nkauj ua nraug hab ua tub saab.