5
Davĩt Cỡt Puo Tỗp I-sarel Cớp Tỗp Yuda
1Chơ nheq tữh tỗp I-sarel pỡq ramóh Davĩt tâng vil Hep-rôn cớp pai neq: “Tỗp hếq la sễm ai anhia; hái la muoi tŏ́ng toiq.
2Bo Salơ cỡt puo tỗp hếq, anhia toâp ayông cũai I-sarel loŏh rachíl, cớp Yiang Sursĩ khoiq par‑ữq cớp anhia chơ neq: ‘Mới lứq cỡt cũai ayông cớp cỡt cũai nhêng salĩq proai cứq.’”
3Tữ nheq tữh cũai sốt tỗp I-sarel toâq ramóh puo Davĩt pỡ vil Hep-rôn, án táq tếc parkhán cớp tỗp alới choâng moat Yiang Sursĩ. Chơ alới ĩt dỡq nsễng hĩng tâng plỡ Davĩt, táq tếc án cỡt puo cũai I-sarel.
4Bo Davĩt cỡt puo, án bữn pái chít cumo; cớp án cỡt puo cũai I-sarel pỗn chít cumo.
5Án cỡt sốt cũai Yuda tâng vil Hep-rôn tapul cumo tadĩ. Vớt ki, án cỡt sốt nheq tữh cũai I-sarel cớp cũai Yuda tâng vil Yaru-salem, bữn pái chít la pái cumo.
6Puo Davĩt cớp tỗp tahan án pỡq chíl vil Yaru-salem. Tỗp Yê-but ca ỡt tâng vil ki pai chóq puo Davĩt neq: “Anhia tỡ têq bữn mut mŏ tâng vil nâi! Lứq samoât, cũai sũt moat cớp cũai yỗt ayững toâp rơi catáng anhia.”
7Ma Davĩt pỡq cheng ĩt ntốq parnoâng kĩaq cóh Si-ôn; chơ noau amứh ntốq ki la Vil Davĩt.
8Tâng tangái alới cheng ĩt ntốq kĩaq ki, Davĩt blớh tahan án neq: “Ỡt tâng ntốq nâi, bữn noau kêt tỗp Yê-but ariang cứq kêt, cớp bữn noau rơi cachĩt tỗp alới? Khân bữn, yỗn cũai ki chỗn na alooq dỡq, mut chíl ‘cũai sũt’ cớp ‘cũai yỗt’ ki.” (Cỗ ngkíq yuaq bữn santoiq pai neq: “Chỗi yỗn cũai sũt moat cớp cũai yỗt ayững bữn mut tâng dống sang Yiang Sursĩ.”)⚓
9Chơ puo Davĩt toâq ỡt tâng ntốq parnoâng ki, cớp án amứh ntốq ki la Vil Davĩt. Án táq loah máh vil mpễr ki, tễ ntốq noau cubớl cutễq coah angia mandang loŏh cuar cóh.⚓
10Davĩt bữn rêng achỗn sa‑ữi lứq ễn, yuaq Yiang Sursĩ Sốt Toâr Lứq ỡt cớp án.
11Puo Hi-ram tễ vil Ti-rơ ớn máh cũai ranễng án pỡq ramóh Davĩt, cớp dững aluang sê-da dếh máh cũai chiang co cớp chiang táq toâq aluang, dŏq alới táq dống toâr yỗn puo Davĩt.
12Davĩt dáng raloaih la Yiang Sursĩ khoiq rưoh án yỗn cỡt puo cũai I-sarel; cớp Yiang Sursĩ yỗn án bữn chớc lứq dŏq rachuai máh cũai proai Ncháu.
13Toâq Davĩt loŏh tễ vil Hep-rôn mut ỡt tâng vil Yaru-salem ễn, án ĩt lacuoi cỗiq cớp lacuoi canŏ́h ễn sa‑ữi náq; cớp bữn con samiang con mansễm tữm ễn.
14Máh con Davĩt ca sễt tâng vil Yaru-salem bữn ramứh neq: Samua, Sô-bap, Nathan, Sa-lamôn,
15I-phar, E-li-sua, Ne-phéc, Yaphia,
16E-li-sama, E-lia-da, cớp E-li-phalet.
Davĩt Chíl Riap Tỗp Phi-li-tin
17Toâq tỗp Phi-li-tin sâng noau pai khoiq noau chóh Davĩt yỗn cỡt puo cũai I-sarel, ngkíq alới dững tỗp tahan ễ cỗp án. Toâq Davĩt sâng ngkíq, án sễng ỡt pỡ ntốq parnoâng.
18Ma tahan tỗp Phi-li-tin toâq pỡ avúng Rê-phêm, cớp cheng ĩt.
19Ngkíq puo Davĩt blớh Yiang Sursĩ neq: “O tỡ, khân cứq loŏh chíl tỗp Phi-li-tin? Anhia ễ yỗn cứq chíl riap tỗp alới ma tỡ bữn?”
Yiang Sursĩ ta‑ỡi: “Pĩeiq! Mới loŏh chíl tỗp alới. Cứq ễ yỗn mới chíl riap.”
20Ngkíq Davĩt pỡq chu ntốq Ba-al Pê-rasim cớp chíl riap tỗp Phi-li-tin pỡ ntốq ki. Án pai neq: “Yiang Sursĩ pieih pupứt máh cũai par‑ũal cứq ariang noau pieih paning dỡq yỗn cỡt pacháh.”
Ngkíq yuaq, noau amứh ntốq ki la Ba-al Pê-rasim.⚓
21Toâq tỗp Phi-li-tin lúh pláh nheq, alới táh máh rup yiang alới cucốh sang. Chơ puo Davĩt cớp tahan án ngcỗi ĩt rup ki.
22Vớt ki, tỗp Phi-li-tin píh loah pỡ avúng cóh Rê-phêm, cớp cheng ĩt avúng ki ễn.
23Ngkíq Davĩt blớh Yiang Sursĩ sĩa, cớp Yiang Sursĩ ta‑ỡi án neq: “Chỗi pỡq chíl coah moat ntốq alới ỡt; ma cóq mới loŏh pỡq yáng clĩ cheq nỡm aluang sari.
24Toâq mới sâng sưong tayáh tâng cỗiq aluang, cóq mới mut chíl bo ki toâp; yuaq cứq ễ pỡq nhũang mới, dŏq chíl tahan tỗp Phi-li-tin chuai anhia.”
25Davĩt táq machớng Yiang Sursĩ ớn, cớp án rapuai tỗp Phi-li-tin tễ vil Ki-bê-ôn toau toâq pỡ vil Kê-sê.
5
大卫作全以色列的王
（代上11．1－9；14．1－7）
1以色列众支派来到希伯仑见大卫，说：“看哪，我们是你的骨肉。
2从前扫罗作我们王的时候，率领以色列人出入的是你。耶和华也曾对你说：‘你必牧养我的百姓以色列，你必作以色列的君王。’”
3于是以色列的众长老都来到希伯仑见王 。大卫在希伯仑，在耶和华面前与他们立约，他们就膏大卫作以色列的王。
4大卫登基的时候年三十岁，作王四十年。
5他在希伯仑作犹大王七年六个月，在耶路撒冷作以色列和犹大王三十三年。
6王和他的人到了耶路撒冷，要攻打住那地方的耶布斯人。耶布斯人对大卫说：“你必不能进到这里，就是盲人、瘸子都可以把你击退。”就是说：“大卫绝不能进到这里。”
7然而大卫攻取了锡安的堡垒，就是大卫的城。
8当日，大卫说：“谁攻打耶布斯人，就要从水道上去，攻打我心里所恨恶的⚓瘸子、盲人。”因此有人说：“盲人和瘸子不得进殿里去。”
9大卫住在堡垒里，给它起名叫大卫城。大卫又从米罗⚓往内，周围建筑。
10大卫日见强大，耶和华－万军之上帝与他同在。
11推罗王希兰派使者把香柏木运到大卫那里，又派木匠和石匠给大卫建造宫殿。
12大卫知道耶和华坚立他作以色列王，又为自己百姓以色列的缘故，使他的国兴盛。
13大卫离开希伯仑之后，在耶路撒冷又立后妃，又生儿女。
14在耶路撒冷所生的孩子的名字是沙母亚、朔罢、拿单、所罗门、
15益辖、以利书亚、尼斐、雅非亚、
16以利沙玛、以利雅大、以利法列。
战胜非利士人
（代上14．8－17）
17非利士人听见大卫受膏作以色列王，非利士众人就上来寻索大卫。大卫听见了，就下到堡垒去。
18非利士人来了，散布在利乏音谷。
19大卫求问耶和华说：“我可以上去攻打非利士人吗？你将他们交在我手里吗？”耶和华对大卫说：“你可以上去，我必将非利士人交在你手里。”
20大卫来到巴力．毗拉心，在那里击败了非利士人。他说：“耶和华在我面前冲破敌人，如水冲破一样。”因此他称那地方为巴力．毗拉心。
21非利士人把偶像抛弃在那里，大卫和他的人拿去了。
22非利士人又上来，散布在利乏音谷。
23大卫求问耶和华；耶和华说：“不要直上，要绕到他们后头，从桑树林对面攻打他们。
24你听见桑树梢上有脚步的声音，就要急速前去，因为那时耶和华已经出去，在你前头攻打非利士人的军队了。”
25大卫就遵照耶和华所吩咐的去做，攻打非利士人，从迦巴直到基色。