5

Teem txim rau cov Yixayee

¹“Cov pov thawj 'e, cia li mloog tej no.
Cov Yixayee 'e, cia li tig ntsej mloog.
Vajntxwv caj ces 'e, cia li mloog.
Nej yuav raug teem txim,
vim nej ua rooj ntxiab caws
rau ntawm lub moos Mixapa,
thiab ua rooj hlua cuab
ntawm lub moos Thanpau.
²Lawv khawb qhov taub tob tob
rau ntawm lub moos Sithi,
tiamsis kuv yuav nplawm qhuab qhia
lawv cov ntawd sawvdaws.

³“Kuv paub Efa‑i,
thiab Yixayee nraim tsis dhau kuv,
Efa‑i 'e koj mus deev hluas nraug
Yixayee kuj qias puas tsuas.
⁴Tej uas lawv ua tsis kheev lawv rov los
cuag lawv tus Vajtswv,
vim lub siab uas nyiam deev luag
nyob hauv lawv, thiab lawv tsis paub Yawmsaub.
⁵Yixayee txojkev khav theeb
kuj rov ua timkhawv kom lawv lawm,
Yixayee thiab Efa‑i yuav dawm ntog
vim ob tug tej kev txhaum,
Yuda kuj yuav dawm ntog nrog ob tug ua ke.
⁶Lawv yuav coj yaj coj tshis coj nyuj
mus nrhiav Yawmsaub,
los kuj nrhiav tsis ntsib,
nws twb ncaim lawv lawm.
⁷Lawv tau fav xeeb rau Yawmsaub,
rau qhov lawv yug menyuam tsaub xwb.
Tej kevcai hnub hli xiab yuav muab lawv
thiab lawv tej teb rhuav tshem tag.

⁸“Cia li tshuab raj kub yaj
rau hauv lub moos Kinpe‑a,
cia li tshuab raj xyu rau hauv lub moos Lama,
cia li qw suab ceeb toom
rau ntawm lub moos Npe‑avee.
Npeeyamee 'e, cia li coj lawv mus.⚓
⁹Hnub uas teem txim,
Efa‑i yuav raug nyob do cuas.
Kuv tshaj tawm txog tej uas muaj tseeb
rau hauv Yixayee tej xeem.
¹⁰Yuda cov thawj ntxeev ua zoo li
cov uas txav luag ciam teb,
kuv yuav nchuav kuv txojkev npau taws
rau saum lawv ib yam li nchuav dej.
¹¹Efa‑i raug quab yuam
thiab raug muab tsuj txiav txim,
vim yog nws npaj siab mus
raws kua tej uas qhuav qhawv xwb.⚓
¹²Vim li no kuv zoo yam nkaus li
tus kab noj Efa‑i,
thiab zoo yam li qhov lwj kas
rau Yuda caj ces.
¹³Thaum Efa‑i pom nws qhov mob
thiab Yuda pom nws lub qhov txhab,
Efa‑i kuj mus nrhiav cov Axilia
thiab txib neeg mus thov lawv tus vajntxwv loj.
Tiamsis nws kho tsis tau nej
thiab kho tsis tau nej lub qhov txhab zoo.
¹⁴Kuv yuav zoo yam li
tus tsov ntxhuav rau Efa‑i,
kuv yuav zoo yam li tus thav tsov ntxhuav
rau Yuda caj ces.
Kuv, yog kuv ntag,
yuav muab dua tag li khiav mus,
kuv yuav muab cab mus
thiab tsis muaj leejtwg yuav cawm tau.
¹⁵Kuv yuav rov mus rau kuv lub chaw,
mus txog thaum lawv lees paub lawv tej kev txhaum
thiab nrhiav kuv lub xubntiag.
Thaum lawv raug kev txom nyem
nyuaj siab lawv yuav los nrhiav kuv.”

5

Teem txem rua cov Yixayee

¹“Cov pov thawj 'e, ca le noog tej nuav.
Cov Yixayee 'e, ca le tig ntsej noog.
Vaajntxwv caaj ceg 'e, ca le noog.
Mej yuav raug teem txem,
vem mej ua rooj ntxab caws
rua ntawm lub moos Mixapa,
hab ua rooj hlua cuab
ntawm lub moos Thanpau.
²Puab khawb qhov taub tub tub rua ntawm lub moos Sithi,
tassws kuv yuav nplawm qhuab qha puab cov hov suavdawg.

³“Kuv paub Efa‑i,
hab Yixayee nraim tsw dhau kuv,
Efa‑i 'e koj moog deev hluas nraug Yixayee
kuj qas puag tsuas.
⁴Tej kws puab ua tsw kheev puab rov lug
cuag puab tug Vaajtswv,
vem lub sab kws nyam deev luas nyob huv puab,
hab puab tsw paub Yawmsaub.
⁵Yixayee txujkev khaav theeb
kuj rov ua timkhawv kom puab lawm,
Yixayee hab Efa‑i yuav dawm qaug
vem ob tug tej kev txhum,
Yuta kuj yuav dawm qaug nrug ob tug ua ke.
⁶Puab yuav coj yaaj coj tshws coj nyuj
moog nrhav Yawmsaub, los kuj nrhav tsw ntswb,
nwg tub ncaim puab lawm.
⁷Puab tau faav xeeb rua Yawmsaub,
tsua qhov puab yug mivnyuas tsaub xwb.
Tej kevcai nub hli xab yuav muab puab
hab puab tej teb rhuav tshem taag.

⁸“Ca le tshuab raaj kub yaaj rua huv lub moos Kinpe‑a,
ca le tshuab raaj xyu rua huv lub moos Lama,
ca le qw suab ceeb toom rua ntawm lub moos Npe‑avee.
Npeeyamee 'e, ca le coj puab moog.⚓
⁹Nub kws teem txem,
Efa‑i yuav raug nyob do cuas.
Kuv tshaaj tawm txug tej kws muaj tseeb
rua huv Yixayee cov quas xeem.
¹⁰Yuta cov thawj ntxeev ua zoo le
cov kws txaav luas nrwm teb,
kuv yuav nchuav kuv txujkev npau tawg rua sau puab
ib yaam le nchuav dej.
¹¹Efa‑i raug quab yuam
hab raug muab tsuj txav txem,
vem yog nwg npaaj sab moog lawv kua
tej kws qhuav qhawv xwb.⚓
¹²Vem le nuav kuv zoo yaam nkaus le tug kaab noj Efa‑i,
hab zoo yaam le qhov lwj kaas rua Yuta caaj ceg.
¹³Thaus Efa‑i pum nwg qhov mob
hab Yuta pum nwg lub qhov txhaab,
Efa‑i kuj moog nrhav cov Axilia
hab khaiv tuabneeg moog thov puab tug vaajntxwv luj.
Tassws nwg khu tsw tau mej
hab khu tsw tau mej lub qhov txhaab zoo.
¹⁴Kuv yuav zoo yaam le tug tsuv ntxhuav rua Efa‑i,
kuv yuav zoo yaam le tug thaav tsuv ntxhuav rua Yuta caaj ceg.
Kuv, yog kuv ntaag, yuav muab dua taag le tswv moog,
kuv yuav muab hai moog
hab tsw muaj leejtwg yuav cawm tau.
¹⁵Kuv yuav rov moog rua kuv lub chaw,
moog txug thaus puab leeg paub puab tej kev txhum
hab nrhav kuv lub xubndag.
Thaus puab raug kev txom nyem nyuaj sab
puab yuav lug nrhav kuv.”