135
Chúa là Đấng cứu, các thần tượng
đều vô ích
1Hãy ca ngợi Chúa!
Hãy ca ngợi danh Chúa;
Hỡi các tôi tớ Chúa và
2những kẻ đứng trong đền thờ Chúa
cùng trong sân đền thờ,
hãy ca ngợi Ngài.
3Hãy ca ngợi Ngài,
vì Ngài nhân từ;
hãy hát ca ngợi Ngài vì Ngài tuyệt vời.
4Chúa đã chọn dân Gia-cốp cho mình;
Ngài tuyển chọn dân Ít-ra-en cho chính mình.
5Tôi biết Chúa là Đấng cao cả.
Chúa chúng tôi vĩ đại cao cả hơn tất cả các thần.
6Ngài làm điều đẹp ý Ngài,
ở trên trời và dưới đất,
trên biển và trong các đại dương sâu.
7Ngài mang mây đến từ cuối trái đất,
Sai sấm chớp đến với mưa.
Mang gió ra từ các kho chứa mình.
8Ngài tiêu diệt các con trai đầu lòng xứ Ai-cập của người lẫn gia súc.
9Ngài làm nhiều dấu kỳ và phép lạ ở Ai-cập nghịch lại vua và các tôi tớ người.
10Ngài đánh bại các quốc gia và giết các vua hùng mạnh:
11Tức Si-hôn,
vua dân A-mô-rít,
Óc, vua của Ba-san,
và tất cả các vua Ca-na-an.
12Rồi Ngài ban đất của họ làm món quà cho dân Ngài, tức dân Ít-ra-en.
13Lạy Chúa, danh Chúa còn đến đời đời;
Lạy Chúa, Ngài sẽ được ghi nhớ mãi mãi.
14Chúa bênh vực dân Ngài
và tỏ lòng thương xót cho các tôi tớ Ngài.
15Hình tượng của các dân đều làm bằng bạc hay vàng,
sản phẩm của tay người.
16Chúng nó có miệng mà không nói được.
Có mắt mà chẳng thấy.
17Có lỗ tai mà không nghe.
Miệng không hơi thở.
18Những kẻ tạc hình tượng cũng giống như các hình tượng ấy,
những ai tin chúng nó cũng như vậy.
19Hỡi nhà Ít-ra-en,
hãy ca ngợi Chúa.
Hỡi nhà A-rôn, hãy ca ngợi Chúa.
20Hỡi nhà Lê-vi hãy ca ngợi Chúa.
Những ai kính sợ Chúa
hãy ca ngợi Ngài.
21Hỡi cư dân Giê-ru-sa-lem,
hãy ca ngợi Chúa trên núi Xi-ôn.
Hãy ca ngợi Chúa!
135
Tơlơi Adoh Bơni Hơơč Kơ Yahweh
1Bơni hơơč bĕ kơ Yahweh!
Bơni hơơč bĕ kơ Ñu, Ơ ƀing ding kơna Yahweh hơi,
2jing ƀing kơkuh pơpŭ amăng Sang Yang Yahweh,
jing amăng anih wăl tơdron Sang Yang Ơi Adai ta.
3Bơni hơơč bĕ kơ Yahweh, yuakơ Yahweh jing hiam klă;
adoh bơni hơơč bĕ kơ anăn Ñu, yuakơ anăn Ñu jing hiam rô̆.
4Yahweh hơmâo ruah mă laih ƀing Yakôb jing lŏm kơ Ñu pô,
sĭt ƀing Israel anŭn jing hĭ mŭk dram kơ Ñu pô yơh.
5Kâo thâo sĭt Yahweh jing prŏng prin biă mă,
sĭt Khua Yang ta jing glông hloh kơ abih bang yang rơba̱ng yơh.
6Yahweh ngă hơdôm tơlơi pơmơak kơ Ñu pô
amăng adai rơngit adih hrŏm hăng lŏn tơnah anai,
laih anŭn amăng ia rơsĭ hrŏm hăng abih bang anih hlung dơlăm gah yŭ yơh.
7Ñu ngă brơi kơ kơthul tơbiă rai mơ̆ng rơnuč akiăng lŏn tơnah;
Ñu brơi rai kơmlă hrŏm hăng hơjan,
laih anŭn ba tơbiă angĭn mơ̆ng anih pơkom Ñu yơh.
8Yahweh pơrai hĭ abih bang ƀing ană kơčoa ƀing Êjip,
jing ană kơčoa gơñu wơ̆t hăng ană blung hlâo hlô mơnơ̆ng rong gơñu mơ̆n.
9Ñu brơi rai khul gru kơnăl mơsêh mơyang amăng tŏng krah ƀing gih yơh, Ơ ƀing Êjip ăh,
kiăng kơ pơkơdơ̆ng glaĭ hăng pơtao Pharaoh wơ̆t hăng ƀing khua moa ñu mơ̆n.
10Ñu pơrai hĭ lu lŏn čar
laih anŭn pơdjai hĭ ƀing pơtao dưi kơtang tui anai;
11Sihôn jing pơtao ƀing Amôr,
Ôg jing pơtao ƀing Basan,
laih anŭn abih bang ƀing pơtao ƀing kơnung djuai Kanaan yơh.
12Laih anŭn Ñu pha brơi lŏn čar ƀing anŭn jing hĭ lŏn kŏng ngăn kơ ƀing ană plei Ñu,
jing lŏn kŏng ngăn kơ ƀing ană plei Israel yơh.
13Ơ Yahweh ăh, anăn Ih yơh mơnuih mơnam či pơhaih nanao hlŏng lar,
Ơ Yahweh ăh, tơlơi hing ang Ih či dŏ amăng abih bang rơnŭk mơnuih pơanăp yơh.
14Samơ̆ Yahweh či glưh pran jua pap kơ ƀing ding kơna Ñu
laih anŭn či phat kơđi brơi kơ ană plei Ñu anŭn yơh.
15Ƀing yang rup trah ƀing lŏn čar pơkŏn jing kơnơ̆ng pơkra rai mơ̆ng amrăk mah đôč,
sĭt kơnơ̆ng tơngan mơnuih mơnam đôč yơh pơkra rai khul yang rơba̱ng anŭn.⚓
16Ƀing gơñu hơmâo amăng bah, samơ̆ ƀu thâo pơhiăp ôh,
ƀing gơñu hơmâo mơta, samơ̆ ƀu thâo ƀuh ôh.
17Ƀing gơñu hơmâo tơngia, samơ̆ ƀu thâo hơmư̆ ôh,
laih anŭn amăng bah gơñu kŏn thâo suă jua lơi.
18Ƀing hlơi pô pơkra rai khul rup trah anŭn či jing hĭ hrup hăng khul rup anŭn yơh,
laih anŭn wơ̆t hăng ƀing đaŏ kơnang kơ khul rup trah anŭn ăt hrup hăng anŭn mơ̆n.
19Bơni hơơč bĕ kơ Yahweh, Ơ ƀing ană plei Israel hơi,
bơni hơơč bĕ kơ Yahweh, Ơ ƀing khua ngă yang jing ƀing ană tơčô A̱rôn hơi!
20Ơ ƀing ană tơčô Lêwi hơi, bơni hơơč bĕ kơ Yahweh,
Ơ abih bang ƀing mơnuih huĭ pơpŭ kơ Ñu, bơni hơơč bĕ kơ Yahweh.
21Kwưh kiăng kơ tơlơi bơni hơơč kơ Yahweh tơbiă rai mơ̆ng anih Ziôn,
jing kơ Pô dŏ amăng plei prŏng Yerusalaim.
Bơni hơơč bĕ kơ Yahweh!