39

Tơlơi Mơnuih Ruă Nuă Pơhaih

Kơ pô gai ayŭ Yeduthun. Tơlơi bơni hơơč Dawid adoh.

¹Kâo pơmĭn amăng pran jua kâo, “Kâo či răng kơ tơlơi kâo ngă
kiăng kơ ƀu či brơi ôh jơlah kâo pơhiăp soh;
kâo či go̱m akă hĭ amăng bah kâo yơh tơdang ƀing mơnuih sat ƀai dŏ ƀơi anăp kâo.”
²Samơ̆ tơdang kâo dŏ rơiăt kar hăng mơnuih kơmlô
laih anŭn kâo ƀu pơhiăp sa boh hiăp ôh,
sĭt tơlơi khăp kiăng kâo anŭn kơnơ̆ng pơrăm hĭ kâo đôč yơh.
³Amăng pran jua kâo pơiă hlơr bă hăng tơlơi ƀlơ̆ng bơngơ̆t yơh.
Jai kâo hơđơ̆ng pơmĭn lu hloh, jai kâo jing hĭ rŭng răng hloh dơ̆ng;
kâo ƀu dưi pơkơ̆ng hĭ jơlah kâo dơ̆ng tah, tui anŭn kâo laĭ;

⁴“Ơ Yahweh ăh, yua hơget Ih ƀu brơi kơ kâo thâo ôh hơbĭn sui kâo či hơdip lĕ?
Laih anŭn hiư̆m Ih pơkă tơlơi hơdip kâo lĕ?
Rơkâo kơ Ih ruai bĕ kơ kâo hơbĭn tơlơi hơdip kâo či rơgao hĭ.
⁵Be̱r biă mă kar hăng sa čơgam đôč yơh Ih hơmâo pơjing laih kơ tơlơi hơdip kâo!
Ƀơi anăp mơta Ih, abih tơlơi hơdip kâo kơnơ̆ng jing hĭ đôč đač.
Sĭt yơh ƀing mơnuih mơnam kơnơ̆ng jing kar hăng sa jua angĭn bluh ƀiă đôč,
⁶laih anŭn kơnơ̆ng jing kar hăng tơui hơmâo mă ƀiă đôč yơh.
Sĭt yơh abih bang tơlơi ñu ngă le̱ng kơ jing đôč đač yơh;
ñu pơƀut glaĭ dram gơnam, samơ̆ ƀu thâo ôh hlơi či mă tŭ gơnam anŭn tơdơi kơ ñu rơngiă hĭ laih.

⁷“Tui anŭn, Ơ Khua Yang ăh, hơget tơlơi kâo dưi đaŏ kơčăng lĕ?
Kâo đaŏ kơčăng amăng Ih yơh.
⁸Rơkâo kơ Ih pơklaih hĭ bĕ kâo mơ̆ng abih bang tơlơi soh sat kâo,
laih anŭn anăm brơi hĭ ƀing mlŭk klao djik kơ kâo ôh.
⁹Kâo či dŏ rơiăt kar hăng kơmlô, amăng bah kâo ƀu či pơhiăp sa boh hiăp ôh,
yuakơ kâo thâo Ih yơh jing Pô brơi kâo tơnap kar hăng anŭn.
¹⁰Mă pơđuaĭ hĭ bĕ tơlơi taih ama̱ng Ih mơ̆ng kâo;
Kâo ruă jĕ či răm rai yơh yuakơ tơngan Ih taih.
¹¹Ih ƀuăh pơkra mơnuih mơnam hăng tơlơi Ih pơkơhma̱l yơh yuakơ hơdôm tơlơi soh gơñu yơh,
laih anŭn Ih pơrai hĭ tơlơi ñu khăp, jing tơlơi hơdip ñu, kar hăng mot ƀŏh pơrai hĭ dram gơnam yơh.
Sĭt yơh mơnuih mơnam kơnơ̆ng jing kar hăng sa jua angĭn bluh ƀiă đôč.

¹²“Hơmư̆ bĕ tơlơi kâo kwưh iâu, Ơ Yahweh hơi,
pơđi̱ng bĕ kơ tơlơi kâo rơkâo kơ tơlơi djru,
laih anŭn anăm ngă amơ̱ng ôh kơ tơlơi kâo čŏk hia.
Kâo ăt hrup hăng abih bang ƀing ơi adon kâo mơ̆n,
jing hrup hăng tuai Ih dŏ jưh mă ƀiă hrơi đôč yơh.
¹³Rơkâo kơ Ih anăm gle̱ng lăng amơ̱ng kơ kâo ôh kiăng kơ kâo dưi mơak ƀiă
hlâo kơ kâo či rơngiă hĭ thĕng laih anŭn ƀu dŏ hơdip dơ̆ng tah.”

39

For the director of music. For Jeduthun. A psalm of David.

¹I said, “I will watch my ways
and keep my tongue from sin;
I will put a muzzle on my mouth
while in the presence of the wicked.”
²So I remained utterly silent,
not even saying anything good.
But my anguish increased;
³my heart grew hot within me.
While I meditated, the fire burned;
then I spoke with my tongue:

⁴“Show me, Lord, my life’s end
and the number of my days;
let me know how fleeting my life is.
⁵You have made my days a mere handbreadth;
the span of my years is as nothing before you.
Everyone is but a breath,
even those who seem secure.⚓

⁶“Surely everyone goes around like a mere phantom;
in vain they rush about, heaping up wealth
without knowing whose it will finally be.

⁷“But now, Lord, what do I look for?
My hope is in you.
⁸Save me from all my transgressions;
do not make me the scorn of fools.
⁹I was silent; I would not open my mouth,
for you are the one who has done this.
¹⁰Remove your scourge from me;
I am overcome by the blow of your hand.
¹¹When you rebuke and discipline anyone for their sin,
you consume their wealth like a moth—
surely everyone is but a breath.

¹²“Hear my prayer, Lord,
listen to my cry for help;
do not be deaf to my weeping.
I dwell with you as a foreigner,
a stranger, as all my ancestors were.
¹³Look away from me, that I may enjoy life again
before I depart and am no more.”