1

Vajtswv siv nws tus tub hais

¹Yav thaum ub Vajtswv siv cov xibhwb cev lus hais rau peb tej poj koob yawm txwv ntau zaus thiab siv ntau yam txujci, ²tiamsis tiam kawg no nws hais ntawm nws tus Tub rau peb, yog tus uas nws tsa los saws ib puas tsav yam ua qub txeeg qub teg, thiab yog tus uas nws siv tsim lub ntuj lub teb huvsi. ³Leej Tub zoo li daim iav tsom kom pom Vajtswv tus duab ci ntsa iab, nws tus yam ntxwv zoo thooj li Vajtswv txhua yam huvsi, nws siv nws tej lus uas muaj hwjchim loj tuav rawv ib puas tsav yam huvsi cia. Thaum nws ntxuav tej kev txhaum tseg huvsi lawm nws zaum ntawm Vajtswv uas loj dua ntais sab tes xis saum ntuj ceeb tsheej, ⁴thiaj zoo dhau cov tubtxib saum ntuj ib yam li uas nws tau lub npe uas tsim txiaj dua cov tubtxib saum ntuj tej npe.

Leej tub loj dhau cov tubtxib saum ntuj

⁵Rau qhov muaj ib tug tubtxib twg uas Vajtswv hais rau nws tias,
“Koj yog kuv tus Tub,
hnub no kuv yug tau koj lawm”?⚓
Lossis hais tias,
“Kuv yuav ua nws leej txiv
thiab nws yuav ua kuv tus Tub.”?⚓

⁶Thiab muaj dua ib zaug thaum Vajtswv coj nws tus tub hlob los rau hauv lub ntiajteb nws hais tias,

“Cia Vajtswv cov tubtxib saum ntuj
sawvdaws pe hawm tus Tub.”⚓
⁷Hais txog cov tubtxib saum ntuj nws hais tias,
“Nws tsim nws cov tubtxib saum ntuj
zoo ib yam li cua,
thiab tsim nws cov tub qhe
zoo ib yam li nplaim taws.”⚓

⁸Tiamsis hais txog nws leej Tub nws hais tias,
“Au Vajtswv, koj lub zwm txwv
muaj nyob mus ib txhis tsis kawg.
Tus cwj uas ua vajntxwv kav
yog tus cwj ncaj ncees.
⁹Koj nyiam txojkev ncaj ncees,
koj ntxub txojkev limhiam.
Vim li no Vajtswv, koj tus Vajtswv, tau muab
cov roj uas ua kom zoo siab xyiv fab
hliv tsa koj ua loj dua koj cov kwvluag.”⚓

¹⁰Thiab hais tias,
“Au tus Tswv, thaum ub
koj tiag taw rau lub ntiajteb,
thiab lub ntuj yog koj txhais tes ua.
¹¹Tej ntawd yuav puam tsuaj tag,
tiamsis koj yuav nyob mus li,
tej ntawd yuav txawj qub
yam li tej tsoos tsho.
¹²Koj yuav muab tej ntawd kauv
ib yam li kauv thooj ntaub
thiab raug muab hloov
ib yam tej tsoos tsho.
Tiamsis koj tseem zoo li qub,
thiab koj lub niaj lub xyoo tsis txawj kawg.”⚓

¹³Muaj tus tubtxib saum ntuj twg uas Vajtswv hais rau nws tias,
“Cia li zaum ntawm kuv sab xis,
mus txog thaum kuv muab
koj cov yeeb ncuab ua koj lub rooj tiag taw.”?⚓
¹⁴Tej tubtxib saum ntuj yog tej ntsuj plig uas ua Vajtswv tes haujlwm uas raug txib mus tu cov uas yuav tau txojkev dim los tsis yog?

1

Vaajtswv swv nwg tug Tub has

¹Yaav thau u Vaajtswv swv cov xwbfwb cev lug has rua peb tej laug ntau zag hab swv ntau yaam txujci, ²tassws tam kawg nuav nwg has ntawm nwg tug Tub rua peb, yog tug kws nwg tsaa lug saws ib puas tsaav yaam ua qub txeeg qub teg, hab yog tug kws nwg swv tswm lub ntuj lub teb huvsw. ³Leej Tub xyeem kuas pum Vaajtswv tug duab ci ntsaa ab, nwg tug yaam ntxwv zoo thooj le Vaajtswv txhua yaam huvsw, nwg swv nwg tej lug kws muaj fwjchim luj tuav rawv ib puas tsaav yaam huvsw ca. Thaus nwg ntxuav tej kev txhum tseg huvsw lawm nwg nyob tsawg ntawm Vaajtswv kws luj dua ndais saab teg xws sau ntuj ceeb tsheej, ⁴txhad zoo dhau cov tubkhai ntuj ib yaam le kws nwg tau lub npe kws tswm txaj dua cov tubkhai ntuj tej npe.

Leej Tub luj dhau cov tubkhai ntuj

⁵Tsua qhov muaj ib tug tubkhai twg kws Vaajtswv has rua nwg tas,
“Koj yog kuv tug Tub,
nub nua kuv yug tau koj lawm”?⚓
Lossws has tas,
“Kuv yuav ua nwg leej txwv
hab nwg yuav ua kuv tug tub.”?⚓

⁶Hab muaj dua ib zag thaus Vaajtswv coj nwg tug Tub hlub lug rua huv lub nplajteb nwg has tas,
“Ca Vaajtswv cov tubkhai ntuj suavdawg
pe hawm tug Tub.”⚓
⁷Has txug cov tubkhai ntuj nwg has tas,
“Nwg tswm nwg cov tubkhai ntuj
zoo ib yaam le cua,
hab tswm nwg cov tub qhe
zoo ib yaam le nplaim tawg.”⚓

⁸Tassws has txug nwg leej Tub nwg has tas,
“Au Vaajtswv, koj lub zwm txwv
muaj nyob moog ib txhws tsw kawg.
Tug cwj kws ua vaajntxwv kaav
yog tug cwj ncaaj nceeg.
⁹Koj nyam txujkev ncaaj nceeg,
koj ntxub txujkev limham.
Vem le nuav Vaajtswv, koj tug Vaajtswv,
tau muab cov roj kws ua kuas zoo sab xyiv faab
laub tsaa koj ua luj dua koj cov kwvluag.”⚓

¹⁰Hab has tas,
“Au tug Tswv, thau u
koj tag taw rua lub nplajteb,
hab lub ntuj yog koj txhais teg ua.
¹¹Tej hov yuav puam tsuaj taag,
tassws koj yuav nyob moog le,
tej hov yuav txawj qub
yaam le tej tsoog tsho.
¹²Koj yuav muab tej hov dov
ib yaam le dov thooj ntaub
hab raug muab hloov ib yaam tej tsoog tsho.
Tassws koj tseed zoo le qub,
hab koj lub naj lub xyoo tsw txawj kawg.”⚓

¹³Muaj tug tubkhai ntuj twg kws Vaajtswv has rua nwg tas,
“Ca le nyob tsawg ntawm kuv saab xws,
moog txug thaus kuv muab koj cov yeeb ncuab
ua koj lub rooj tag taw.”?⚓
¹⁴Tej tubkhai ntuj yog tej ntsuj plig kws ua Vaajtswv teg num kws raug khaiv moog ua koom rua cov kws yuav tau txujkev dim los tsw yog?