33

Môseh Bơni Hiam Kơ Abih Kơnung Djuai

¹Anai jing tơlơi bơni hiam Môseh, jing ding kơna Ơi Adai, brơi kơ ƀing Israel hlâo kơ ñu djai. ²Ñu laĭ:
“Yahweh trŭn rai mơ̆ng čư̆ Sinai,
mơ̆ng čư̆ Seir Ñu pơčrang ƀơi ƀing ană plei Ñu;
laih anŭn Ñu pơčrang rai mơ̆ng čư̆ Pharan.
Ñu rai hrŏm hăng rơbâo rơbăn ƀing ling jang rơgoh hiam Ñu mơ̆ng gah thu̱ng
laih anŭn apui kơmlă jing gơnam blah Ñu.
³Ơ Yahweh, sĭt nik Ih yơh jing Pô khăp kơ ană plei anai;
abih bang ƀing Ih pơrơgoh laih dŏ amăng tơngan Ih.
Ƀơi tơkai Ih yơh ƀing gơñu bon kơkuh,
laih anŭn brơi kơ Ih pơtô laĭ ƀing gơñu,
⁴mông anŭn kâo, Môseh, brơi laih kơ ƀing gih tơlơi juăt Yahweh,
jing dram gơnam kơ ƀing kơnung djuai Yakôb yơh.
⁵Yahweh jing pơtao kơ lŏn čar Yesurun yơh
tơdang ƀing Israel pơƀut glaĭ hrŏm hăng ƀing djă̱ akŏ gơñu.”

⁶Kơ kơnung djuai Reuben Môseh laĭ:⚓
“Brơi kơ kơnung djuai Reuben hơdip laih anŭn anăm djai ôh,
laih anŭn kŏn brơi kơ kơnung djuai ñu jing hĭ ƀiă lơi.”
⁷Kơ kơnung djuai Yudah Môseh laĭ:
“Ơ Yahweh, hơmư̆ bĕ kơ tơlơi iâu kwưh kơ Yudah anai;
pơgop glaĭ bĕ ƀing gơñu hăng ƀing kơnung djuai Israel.
Brơi bĕ tơngan gơñu jing kơtang kiăng kơ pơgang gơñu pô.
Djru bĕ ƀing gơñu pơkơdơ̆ng glaĭ hăng ƀing ayăt gơñu!”
⁸Kơ kơnung djuai Lêwi Môseh laĭ:
“Ơ Yahweh, kơ kơnung djuai Lêwi jing kơnung djuai Ih pơrơgoh laih,
Ih brơi laih Thummim laih anŭn Urim kiăng kơ pơrơđah tơlơi Ih kiăng.
Ih lông lăng laih ƀing gơñu ƀơi anih Massah;
Ih ăt pơrơjăh laih mơ̆n hăng ƀing gơñu ƀơi khul ia Meribah.⚓
⁹Samơ̆ ƀing gơñu djă̱ pioh boh hiăp Ih
laih anŭn răng tui tơlơi pơgop Ih.
Ƀing gơñu dŏ tŏng ten hăng Ih hloh kơ tŏng ten hăng sang anŏ gơñu pô:⚓
Ƀing gơñu ƀu pơpŭ kơ amĭ ama gơñu ôh,
Ƀing gơñu ƀu thâo krăn ayŏng adơi gơñu ôh,
laih anŭn ƀing gơñu kŏn thâo hluh kơ ƀing ană bă gơñu pô lơi.
¹⁰Ƀing gơñu či pơtô khul tơlơi pơhiăp Ih kơ ƀing Yakôb
laih anŭn tơlơi juăt Ih kơ ƀing Israel.
Ƀing gơñu pơyơr đĭ gơnam ƀâo mơngưi ƀơi anăp Ih
laih anŭn khul gơnam pơyơr čuh hlo̱m ƀơi kơnưl ngă yang Ih.
¹¹Ơ Yahweh, bơni hiam bĕ kơ abih bang tơlơi thâo gơñu,
mơak bĕ hăng bruă mă mơ̆ng tơngan gơñu.
Taih pơrai hĭ bĕ ƀing hlơi pô tơgŭ pơkơdơ̆ng glaĭ hăng ƀing gơ̆;
pơrăm hĭ bĕ ƀing rŏh gơñu tơl ƀing rŏh anŭn ƀu thâo tơgŭ đĭ pơkơdơ̆ng glaĭ dơ̆ng tah.”
¹²Kơ kơnung djuai Benyamin Môseh laĭ:
“Brơi bĕ ƀing Yahweh khăp dŏ rơnŭk rơnua jĕ Yahweh,
yuakơ Ñu wai pơgang ƀing gơ̆ amăng abih hrơi,
laih anŭn ƀing gơ̆ dŏ hơđơ̆ng amăng tơngan Yahweh yơh.”
¹³Kơ kơnung djuai Yôsêp Môseh laĭ:
“Rơkâo kơ Yahweh bơni hiam kơ anih lŏn gơñu
hăng ia hơjan hiam mơ̆ng adai gah ngŏ
laih anŭn hăng ia rô gah yŭ;
¹⁴hăng boh čroh hiam hloh mơ̆ng yang hrơi ba rai
jing hăng gơnam tăm hiam hloh mơ̆ng yang blan pha brơi;
¹⁵hăng khul gơnam mơyŭn hiam hloh mơ̆ng khul čư̆ čan đưm đă adih
jing hăng khul boh čroh hơmâo hlŏng lar mơ̆ng khul bŏl čư̆;⚓
¹⁶hăng khul gơnam mơyŭn hiam hloh lŏn tơnah anŭn dưi pơtơbiă rai.
Laih anŭn hăng tơlơi mơak Yahweh jing Pô pơƀuh rai amăng pum kơyâo drơi apui ƀơ̆ng.
Brơi bĕ abih bang tơlơi bơni hiam anai truh ƀơi kơnung djuai Yôsêp,
Yuakơ Yôsêp jing khua amăng ƀing ayŏng adơi ñu.
¹⁷Lu rơbâo ling tơhan kơnung djuai Manasseh
laih anŭn lu rơbăn ling tơhan kơnung djuai Ephraim,
jing ƀing kơdrưh kơang hrup hăng sa drơi rơmô tơno hadơi blung hlâo.
Hrup hăng rơmô glai pơnŭh rŏh ayăt ñu hăng tơki ñu
ƀing gơñu či pơnŭh ƀing rŏh ayăt gơñu hăng tơlư̆ hĭ ƀing ayăt anŭn truh pơ rơnuč lŏn tơnah yơh.”
¹⁸Kơ kơnung djuai Zebulun hăng kơnung djuai Issakhar⚓ Môseh laĭ:
“Ơ Zebulun, hơ̆k kơdơ̆k bĕ yuakơ ƀing gih jơna̱p mơak amăng tơlơi sĭ mơnia,
Ơ Issakhar, mơak bĕ yuakơ ƀing gih jơna̱p mơak amăng hlô mơnơ̆ng rong gih.
¹⁹Ƀing gơñu či jak iâu rai ƀing kơnung djuai Israel pơkŏn pơ čư̆ gơñu
laih anŭn pơyơr đĭ khul gơnam ngă yang djơ̆ hơnơ̆ng pơ anŭn;
ƀing gơñu či jing hĭ pơdrŏng săh yua mơ̆ng tơlơi sĭ mơnia ƀơi ia rơsĭ laih anŭn kơtuai ha̱ng ia rơsĭ.”
²⁰Kơ kơnung djuai Gad Môseh laĭ:
“Mơyŭn hiam yơh kơ Yahweh jing pô pơlar tơbiă lŏn čar Gad!
Ƀing Gad dŏ krăp pơ anŭn kar hăng sa drơi rơmung dŭl,
kiăng kơ hek mă tơngan ƀôdah akŏ.
²¹Ƀing gơñu ruah anih lŏn hiam hloh kơ gơñu pô.
Tơdang ƀing khua ba akŏ ană plei Israel pơjơnum glaĭ,
ƀing gơñu ngă tui tơlơi tơpă hơnơ̆ng Yahweh kiăng,
laih anŭn ƀing gơñu đuaĭ tui tơlơi phiăn Yahweh brơi kơ ƀing Israel yơh.
Ƀing khua anŭn djă̱ pioh črăn prŏng jing črăn pô khua djă̱ akŏ kơ ƀing Gad.”
²²Kơ kơnung djuai Dan Môseh laĭ:
“Ƀing Dan kơplŏng rai hrup hăng sa drơi rơmung dŭl tơdăm,
ƀing gơñu rai mơ̆ng lŏn čar Basan kiăng pơkơdơ̆ng glaĭ hăng ƀing rŏh gơñu.”
²³Kơ kơnung djuai Naptali Môseh laĭ:
“Yahweh hơmâo bă blai tơlơi rơiêŭ mơak kơ ƀing Naptali
laih anŭn Ñu bơni hiam kơ ƀing gơ̆ hăng lu gơnam hiam.
Ƀing gơñu či tŭ mă kŏng ngăn gah thu̱ng kơ dơnao ia Galilê yơh.”
²⁴Kơ kơnung djuai Aser Môseh laĭ:
“Yahweh bơni hiam kơ kơnung djuai Aser hloh kơ ƀing kơnung djuai Israel pơkŏn yơh;
Yahweh rơiêŭ mơak hăng ƀing gơñu hloh kơ abih bang ƀing ayŏng adơi gơñu.
Brơi anih lŏn gơñu hơmâo lu kơyâo ôliwơ.
²⁵Ơ ƀing Aser, ƀing gih či dŏ rơnŭk rơnua yuakơ khul čơnŭh kăl amăng ja̱ng gih či ngă hăng pơsơi laih anŭn ko̱ng,
laih anŭn tơlơi kơjăp hơđơ̆ng gih či pơdơ̆ hăng khul hrơi gih hơdip yơh.”

²⁶Môseh pơhiăp hăng abih bang ană plei Israel dơ̆ng,

“Ơ ƀing Israel, ƀu hơmâo ôh yang pă hrup hăng Ơi Adai kơ lŏn čar ta Yesurun,⚓
khul kơthul jing rơdêh Ñu tơdang Ñu rai mơ̆ng adai
kiăng djru ƀing ta hăng tơlơi kơtang Ñu.
²⁷Ơi Adai hlŏng lar yơh jing anih đuaĭ kơdŏp ta,
laih anŭn khul hơpăl tơngan hlŏng lar Ñu dŏ gah yŭ pŭ̱ ƀing ta.
Ñu či puh pơđuaĭ hĭ rŏh ayăt gih mơ̆ng anăp gih,
laih anŭn laĭ hăng ƀing gih, ‘Pơrai hĭ ñu!’
²⁸Tui anŭn, ƀing Israel či hơdip kơnơ̆ng rơnŭk rơnua đôč yơh;
anih ƀing Yakôb jing hĭ rơnŭk hơđơ̆ng
amăng sa anih lŏn hơmâo lu pơdai kơtor laih anŭn ia boh kơƀâo,
jing anih khul adai brơi rai ia hơjan.
²⁹Mơyŭn hiam yơh kơ ƀing gih, Ơ ƀing Israel!
Hlơi čar hrup hăng ƀing gih,
jing sa ană plei hơmâo Yahweh pơklaih laih lĕ?
Ñu yơh jing khiơl kiăng kơ pơgang ƀing gih
laih anŭn Ñu jing đao kiăng kơ pơrai hĭ rŏh ayăt gih.
Ƀing rŏh ayăt gih či huĭ kơčŭn ƀơi anăp gih,
laih anŭn ƀing gih či juă trŭn ƀơi ngŏ gơñu yơh.”

33

Moses’ Final Blessing on Israel

¹Now this is⚓the blessing with which Moses ⚓the man of God blessed the children of Israel before his death. ²And he said:
⚓“The Lord came from Sinai,
And dawned on them from ⚓Seir;
He shone forth from ⚓Mount Paran,
And He came with ⚓ten thousands of saints;
From His right hand
Came a fiery law for them.
³Yes, ⚓He loves the people;
⚓All His saints are in Your hand;
They ⚓sit down at Your feet;
Everyone⚓receives Your words.
⁴⚓Moses commanded a law for us,
⚓A heritage of the congregation of Jacob.
⁵And He was ⚓King in ⚓Jeshurun,
When the leaders of the people were gathered,
All the tribes of Israel together.
⁶“Let ⚓Reuben live, and not die,
Nor let his men be few.”
⁷And this he said of ⚓Judah:
“Hear, Lord, the voice of Judah,
And bring him to his people;
⚓Let his hands be sufficient for him,
And may You be ⚓a help against his enemies.”
⁸And of ⚓Levi he said:
⚓“Let Your Thummim and Your Urim be with Your holy one,
⚓Whom You tested at Massah,
And with whom You contended at the waters of Meribah,
⁹⚓Who says of his father and mother,
‘I have not ⚓seen them’;
⚓Nor did he acknowledge his brothers,
Or know his own children;
For ⚓they have observed Your word
And kept Your covenant.
¹⁰⚓They shall teach Jacob Your judgments,
And Israel Your law.
They shall put incense before You,
⚓And a whole burnt sacrifice on Your altar.
¹¹Bless his substance, Lord,
And ⚓accept the work of his hands;
Strike the loins of those who rise against him,
And of those who hate him, that they rise not again.”
¹²Of Benjamin he said:
“The beloved of the Lord shall dwell in safety by Him,
Who shelters him all the day long;
And he shall dwell between His shoulders.”
¹³And of Joseph he said:
⚓“Blessed of the Lordis his land,
With the precious things of heaven, with the ⚓dew,
And the deep lying beneath,
¹⁴With the precious fruits of the sun,
With the precious produce of the months,
¹⁵With the best things of ⚓the ancient mountains,
With the precious things ⚓of the everlasting hills,
¹⁶With the precious things of the earth and its fullness,
And the favor of ⚓Him who dwelt in the bush.
Let the blessing come ⚓‘on the head of Joseph,
And on the crown of the head of him who was separate from his brothers.’
¹⁷His glory is like a ⚓firstborn bull,
And his horns like the ⚓horns of the wild ox;
Together with them
⚓He shall push the peoples
To the ends of the earth;
⚓They are the ten thousands of Ephraim,
And they are the thousands of Manasseh.”
¹⁸And of Zebulun he said:
⚓“Rejoice, Zebulun, in your going out,
And Issachar in your tents!
¹⁹They shall ⚓call the peoples to the mountain;
There ⚓they shall offer sacrifices of righteousness;
For they shall partake of the abundance of the seas
And of treasures hidden in the sand.”
²⁰And of Gad he said:
“Blessed is he who ⚓enlarges Gad;
He dwells as a lion,
And tears the arm and the crown of his head.
²¹⚓He provided the first part for himself,
Because a lawgiver’s portion was reserved there.
⚓He came with the heads of the people;
He administered the justice of the Lord,
And His judgments with Israel.”
²²And of Dan he said:
“Dan is a lion’s whelp;
⚓He shall leap from Bashan.”
²³And of Naphtali he said:
“O Naphtali, ⚓satisfied with favor,
And full of the blessing of the Lord,
⚓Possess the west and the south.”
²⁴And of Asher he said:
⚓“Asher is most blessed of sons;
Let him be favored by his brothers,
And let him ⚓dip his foot in oil.
²⁵Your sandals shall be⚓iron and bronze;
As your days, so shall your strength be.
²⁶“There is⚓no one like the God of ⚓Jeshurun,
⚓Who rides the heavens to help you,
And in His excellency on the clouds.
²⁷The eternal God is your⚓refuge,
And underneath are the everlasting arms;
⚓He will thrust out the enemy from before you,
And will say, ‘Destroy!’
²⁸Then ⚓Israel shall dwell in safety,
⚓The fountain of Jacob ⚓alone,
In a land of grain and new wine;
His ⚓heavens shall also drop dew.
²⁹⚓Happy are you, O Israel!
⚓Who is like you, a people saved by the Lord,
⚓The shield of your help
And the sword of your majesty!
Your enemies ⚓shall submit to you,
And ⚓you shall tread down their high places.”