73
SŎP HRĂ TAL KLÂO
Tơlơi Adoh Hơđăp 73–89
Ơi Adai Phat Kơđi Tơpă Hơnơ̆ng
Tơlơi bơni hơơč Asap adoh.
Ñu jing hiam klă kơ ƀing hlơi pô hơmâo pran jua jơngeh agaih.
2Samơ̆ bơ kơ kâo, kâo jĕ či rơngiă hĭ tơlơi kơjăp hơđơ̆ng laih anŭn tơlơi đaŏ kơnang kâo
kar hăng tơkai kâo tơbơr rơbuh hĭ yơh,
3yuakơ kâo pơiăng hăng ƀing mơnuih pơgao ang yơh
tơdang kâo ƀuh tơlơi ƀing gơñu jơna̱p mơak wơ̆t tơdah ƀing gơñu jing sat ƀai.
4Ƀing sat ƀai anŭn ƀu ruă nuă ôh;
ƀing gơñu kơtang laih anŭn hiam drơi jan.
5Ƀing gơñu ƀu hơmâo ôh tơlơi tơnap tap kar hăng arăng juăt hơmâo;
ƀing gơñu kŏn hơmâo tơlơi rŭng răng hrup hăng mơnuih pơkŏn lơi.
6Tui anŭn, ƀing gơñu băk tơlơi pơgao ang gơñu kar hăng băk añŭ ƀơi tơkuai
laih anŭn buh hơô tơlơi ƀrưh mơhiăh gơñu kar hăng buh sa blah ao phyung kiăng kơ arăng dưi ƀuh.
7Pran jua kơpĭl gơñu pơčeh rai tơlơi sat ƀai,
laih anŭn jua pơmĭn khăng gơñu bŏ hrŏ hăng bruă sat ƀai.
8Ƀing gơñu klao djik laih anŭn pơhiăp khul tơlơi jŭ̱ sat kơ ƀing arăng;
ƀing gơñu prap pre hơdră kiăng kơtư̆ juă ƀing arăng hăng tơlơi pơgao ang.
9Amăng bah gơñu pơhiăp mơhiăh kơ Ơi Adai pơ adai adih
laih anŭn jơlah gơñu pơư pơang gơñu pô ƀơi lŏn tơnah anai.
10Hơnŭn yơh, wơ̆t hăng ƀing ană plei Ơi Adai mơ̆n wir nao pơ ƀing gơñu
laih anŭn hơmư̆ tui hơget tơlơi ƀing gơñu pơhiăp kar hăng ƀing mơhao ia mơñum ia yơh.
11Ƀing sat ƀai anŭn laĭ tui anai, “Ơi Adai ƀu dưi thâo krăn ôh,
Pô Glông Hloh anŭn ƀu či hơduah ƀuh ôh.”
12Hrup hăng anŭn yơh ƀing mơnuih sat ƀai jing.
Ƀing gơñu ƀu hơmâo tơlơi ƀlơ̆ng bơngơ̆t ôh samơ̆ ăt nanao mă thim mŭk dram dơ̆ng.
13Tui anŭn, tơlơi kâo hơmâo răk wai laih pran jua kâo pô agaih laih anŭn ƀu ngă soh ôh,
laih anŭn kâo răk pioh tơngan kâo ƀu ngă soh ôh;
tơlơi anŭn kơnơ̆ng jing hĭ đôč đač đôč hă?
14Ơi Adai brơi kơ kâo ruă nuă nanao amăng rĭm hrơi;
laih anŭn Ñu ăt pơkơhma̱l hĭ laih kâo mơ̆n amăng rĭm mơguah.
15Tơdah kâo pô hơmâo pơhiăp laih kơ tơlơi Ơi Adai ƀu dưi thâo krăn ôh,
sĭt kâo ƀu tŏng ten hăng ƀing ană plei Ñu ôh.
16Kâo gir kiăng thâo hluh abih bang tơlơi truh tơnap anŭn,
samơ̆ tơlơi anŭn jing tơnap đơi kơ kâo thâo hluh,
17tơl kâo mŭt nao amăng Sang Yang Ơi Adai.
Giŏng anŭn, kâo thâo hluh yơh hơget tơlơi či truh kơ ƀing sat ƀai pơanăp.
18Ơ Ơi Adai ăh, sĭt Ih či pioh ƀing gơñu ƀơi jơlan tơbơr
laih anŭn plĕ ƀing gơñu lê̆ amăng tơlơi răm rai yơh!
19Ƀing gơñu či răm rai hĭ tañ mơtam,
laih anŭn trŭn nao pơ anih pơsat hăng tơlơi đŭt huĭ sat biă mă yơh!
20Ơ Khua Yang hơi, tơdang Ih pô tơgŭ đĭ kiăng kơ rai djru kâo
ƀing sat ƀai anŭn či rơngiă hĭ thĕng mơ̆ng tơlơi pơmĭn Ih yơh;
ƀing gơñu či jing kar hăng tơlơi rơpơi sat rơngiă hĭ tơdang mơdưh mơguah yơh;
21Hlak tơlơi jua pơmĭn kâo jing hĭ ruă phĭ̱
laih anŭn pran jua kâo tơnap rŭng,
22kâo ƀu thâo hluh Ih ôh;
ƀơi anăp Ih jing hĭ mlŭk mơgu kar hăng sa drơi hlô mơnơ̆ng.
23Wơ̆t tơdah tui anŭn kâo ăt dŏ jĕ hăng Ih nanao mơ̆n
laih anŭn Ih pơpŭ kơ kâo yơh tơdang Ih djă̱ ƀơi tơngan hơnuă kâo.
24Ih dui ba kâo hăng tơlơi Ih djru pơmĭn,
laih anŭn tơl hơnăl tuč Ih či tŭ mă kâo hăng tơlơi pơpŭ pơyom.
25Amăng adai adih, rơngiao kơ Ih hlơi pô pơkŏn kâo hơmâo kiăng kơ djru kơ kâo dơ̆ng lĕ?
Yuakơ kâo hơmâo Ih laih, kâo ƀu kiăng hơmâo hơget tơlơi pơkŏn dơ̆ng tah ƀơi lŏn tơnah anai.
26Wơ̆t tơdah jua pơmĭn kâo laih anŭn drơi jan kâo năng ai či tơdu tui,
Ơi Adai yơh jing tơlơi kơtang kơ pran jua kâo nanao kar hăng pơtâo prŏng;
laih anŭn Ñu yơh jing abih bang tơlơi kâo kơƀah kiăng hlŏng lar.
27Ơ Ơi Adai ăh, ƀing hlơi pô đuaĭ ataih hĭ mơ̆ng Ih,
sĭt ƀing gơñu či răm rai hĭ yơh;
Ih pơrai hĭ abih bang ƀing hlơi pô ƀu dŏ tŏng ten hăng Ih.
28Samơ̆ bơ kơ kâo, yom pơphan biă mă yơh kâo dưi dŏ jĕ Ih, Ơ Ơi Adai ăh,
kâo rai pơ Ih kiăng kơ Ih Pô pơgang kâo, Ơ Khua Yang Yahweh hơi,
kâo či pơhaih abih bang tơlơi Ih hơmâo ngă laih.
73
BOOK III
Psalms 73–89
A psalm of Asaph.
to those who are pure in heart.
2But as for me, my feet had almost slipped;
I had nearly lost my foothold.
3For I envied the arrogant
when I saw the prosperity of the wicked.
4They have no struggles;
their bodies are healthy and strong.⚓
5They are free from common human burdens;
they are not plagued by human ills.
6Therefore pride is their necklace;
they clothe themselves with violence.
7From their callous hearts comes iniquity⚓ ;
their evil imaginations have no limits.
8They scoff, and speak with malice;
with arrogance they threaten oppression.
9Their mouths lay claim to heaven,
and their tongues take possession of the earth.
10Therefore their people turn to them
and drink up waters in abundance.⚓
11They say, “How would God know?
Does the Most High know anything?”
12This is what the wicked are like—
always free of care, they go on amassing wealth.
13Surely in vain I have kept my heart pure
and have washed my hands in innocence.
14All day long I have been afflicted,
and every morning brings new punishments.
15If I had spoken out like that,
I would have betrayed your children.
16When I tried to understand all this,
it troubled me deeply
17till I entered the sanctuary of God;
then I understood their final destiny.
18Surely you place them on slippery ground;
you cast them down to ruin.
19How suddenly are they destroyed,
completely swept away by terrors!
20They are like a dream when one awakes;
when you arise, Lord,
you will despise them as fantasies.
21When my heart was grieved
and my spirit embittered,
22I was senseless and ignorant;
I was a brute beast before you.
23Yet I am always with you;
you hold me by my right hand.
24You guide me with your counsel,
and afterward you will take me into glory.
25Whom have I in heaven but you?
And earth has nothing I desire besides you.
26My flesh and my heart may fail,
but God is the strength of my heart
and my portion forever.
27Those who are far from you will perish;
you destroy all who are unfaithful to you.
28But as for me, it is good to be near God.
I have made the Sovereign Lord my refuge;
I will tell of all your deeds.