1

¹Povlauj uas yog Yexus Khetos tus tubtxib raws li Vajtswv lub siab nyiam hais mus rau cov xov dawb [hauv lub moos Efexau]⚓ uas muaj siab xib rau Yexus Khetos. ²Thov txojkev hlub thiab txojkev siab tus ntawm Vajtswv uas yog peb leej Txiv thiab ntawm tus Tswv Yexus Khetos nrog nraim nej nyob.

Koob hmoov sab ntsuj plig hauv Khetos

³Qhuas Vajtswv uas yog peb tus Tswv Yexus Khetos leej Txiv, uas foom koob hmoov sab ntsuj plig txhua yam saum ntuj los hauv Khetos rau peb. ⁴Rau qhov Vajtswv xaiv peb hauv Khetos ua ntej uas tsim ntuj tsim teb kom peb ua neeg dawb huv tsis muaj chaw thuam rau ntawm nws qhov muag. ⁵Nws hlub peb thiab teem tseg ua ntej kom peb ua nws li menyuam rau hauv Yexus Khetos raws li Vajtswv lub siab nyiam thiab nws twb xav tseg lawd, ⁶kom thiaj ua lub chaw qhuas nws txojkev hlub ci ntsa iab uas nws pub dawb dawb hauv Khetos uas nws hlub rau peb. ⁷Hauv Khetos peb thiaj tau txais kev txhiv dim vim muaj nws cov ntshav, yog peb tau txais kev zam txim ntawm peb tej kev txhaum raws li Vajtswv txojkev hlub muaj nplua mias ⁸uas nws pub rau peb ntau kawg li ntawm nws lub tswvyim thiab ntawm nws txojkev paub txhua yam.⚓ ⁹Nws pub peb paub tej uas nws lub siab xav uas nws twb muab npog cia lawd raws li nws lub siab nyiam uas nws hom cia rau hauv Khetos. ¹⁰Thaum txog sijhawm lawm nws yuav ua tej haujlwm uas nws hom tseg lawd kom tiav, yog qhov uas yuav sau zog txhua yam uas nyob saum ntuj thiab hauv ntiajteb los nyob hauv Khetos.
¹¹Hauv Khetos peb thiaj raug xaiv, yog peb raug teem cia ua ntej raws li Vajtswv lub siab xav. Nws yog tus uas ua txhua yam raws li nws lub siab hom tseg ¹²kom peb cov uas muaj vam rau hauv Khetos ua ntej lwm tus thiaj yuav nyob qhuas ntxhias Vajtswv lub koob meej. ¹³Hauv Khetos, thaum nej tau hnov txojlus tseeb yog txoj xov zoo uas cawm nej dim thiab tso siab rau nws lawm, nej kuj raug nias lub hom thawj uas yog Vaj Ntsuj Plig dawb huv raws li cog lus cia. ¹⁴Tus Vaj Ntsuj Plig ntawd yog puav pheej uas peb yuav tau txais qub txeeg qub teg mus txog thaum Vajtswv cov neeg txais kev txhiv dim, kom thiaj qhuas ntxhias nws lub koob meej.

Povlauj thov Vajtswv

¹⁵Vim li no, thaum kuv tau hnov txog nej txojkev ntseeg tus Tswv Yexus thiab qhov uas nej hlub cov xov dawb, ¹⁶kuv thiaj ua Vajtswv tsaug txog nej tsis tu li rau thaum kuv nco txog nej hauv kuv tej lus thov. ¹⁷Kuv thov kom peb tus Tswv Yexus Khetos tus Vajtswv, yog leej Txiv uas muaj hwjchim ci ntsa iab, pub nej muaj lub siab⚓ uas muaj tswvyim thiab qhia Vajtswv tshwm rau nej kom nej paub nws zoo. ¹⁸Kuv thov kom nej lub siab qheb pom kev xwv nej thiaj paub tias txojkev vam uas Vajtswv hu nej mus txog ntawd zoo li cas, thiab paub tej qub txeeg qub teg ci ntsa iab uas Vajtswv pub rau cov xov dawb ntau kawg npaum li cas, ¹⁹thiab paub nws lub hwjchim loj kawg muaj ntau npaum li cas rau peb cov uas ntseeg. Yog tib lub hwjchim uas nws siv lub zog loj ua tej haujlwm ²⁰uas nws ua tshwm rau hauv Khetos rau thaum nws tsa Khetos sawv hauv qhov tuag rov los thiab pub Khetos zaum ntawm nws sab tes xis saum ntuj ceeb tsheej, ²¹siab dhau txhua tus timtswv uas kav thiab tej hwjchim, tej dab, thiab tej uas txawj tswjhwm huvsi, thiab tseem siab dhau txhua lub npe uas luag hu txog, tsis yog hauv tiam no xwb tseem yog hauv tiam uas yuav tshwm los thiab. ²²Vajtswv muab txhua yam txo los nyob hauv Khetos qab xib taws thiab pub nws ua lub taubhau kav txhua yam rau cov pawg ntseeg. ²³Pawg ntseeg yog Khetos lub cev, yog muaj Yexus nyob puv npo. Nws yog tus uas tsav txhua yam kom muaj txhij zog rau txhua qhov.

1

¹Povlauj kws yog Yexu Kheto tug tubkhai lawv le Vaajtswv lub sab nyam has moog rua cov xuv dawb [huv lub moos Efexau]⚓ kws muaj sab xwb rua Yexu Kheto. ²Thov txujkev hlub hab txujkev sab tug ntawm Vaajtswv kws yog peb leej Txwv hab ntawm tug Tswv Yexu Kheto nrug nraim mej nyob.

Koob moov saab ntsuj plig huv Kheto

³Qhuas Vaajtswv kws yog peb tug Tswv Yexu Kheto leej Txwv, kws foom koob moov saab ntsuj plig txhua yaam sau ntuj lug huv Kheto rua peb. ⁴Tsua qhov Vaajtswv xaiv peb huv Kheto ua ntej kws tswm ntuj tswm teb kuas peb ua tuabneeg dawb huv tsw muaj chaw thuaj rua ntawm nwg qhov muag. ⁵Nwg hlub peb hab teem tseg ua ntej kuas peb ua nwg le mivnyuas rua huv Yexu Kheto lawv le Vaajtswv lub sab nyam hab nwg tub xaav tseg lawd, ⁶sub txhad ua lub chaw qhuas nwg txujkev hlub ci ntsaa ab kws nwg pub dawb dawb huv Kheto kws nwg hlub rua peb. ⁷Huv Kheto peb txhad tau txais kev txhwv dim vem muaj nwg cov ntshaav, yog peb tau txais kev zaam txem ntawm peb tej kev txhum lawv le Vaajtswv txujkev hlub muaj nplua quas mag ⁸kws nwg pub rua peb ntau kawg le ntawm nwg tug tswvyim hab ntawm nwg txujkev paub txhua yaam.⚓ ⁹Nwg pub peb paub tej kws nwg lub sab xaav kws nwg tub muab npog ca lawd lawv le nwg lub sab nyam kws nwg hom ca rua huv Kheto. ¹⁰Thaus txug swjhawm lawm nwg yuav ua tej num kws nwg hom tseg lawd kuas tav, yog qhov kws yuav sau zog txhua yaam kws nyob sau ntuj hab huv nplajteb lug nyob huv Kheto.
¹¹Huv Kheto peb txhad raug xaiv, yog peb raug teem ca ua ntej lawv le Vaajtswv lub sab xaav. Nwg yog tug kws ua txhua yaam lawv le nwg lub sab hom tseg ¹²sub peb cov kws muaj vaam rua huv Kheto ua ntej lwm tug txhad yuav nyob qhuas ntxhas Vaajtswv lub koob meej. ¹³Huv Kheto, thaus mej tau nov txujlug tseeb yog txuj xuv zoo kws cawm mej dim hab tso sab rua nwg lawm, mej kuj raug nas lub hom thawj kws yog Vaaj Ntsuj Plig dawb huv lawv le cog lug ca. ¹⁴Tug Vaaj Ntsuj Plig hov yog puav pheej kws peb yuav tau txais qub txeeg qub teg moog txug thaus Vaajtswv cov tuabneeg txais kev txhwv dim, sub txhad qhuas ntxhas nwg lub koob meej.

Povlauj thov Vaajtswv

¹⁵Vem le nuav, thaus kuv tau nov txug mej txujkev ntseeg tug Tswv Yexu hab qhov kws mej hlub cov xuv dawb, ¹⁶kuv txhad ua Vaajtswv tsaug txug mej tsw tu le rua thaus kuv ncu txug mej huv kuv tej lug thov. ¹⁷Kuv thov kuas peb tug Tswv Yexu Kheto tug Vaajtswv, yog leej Txwv kws muaj fwjchim ci ntsaa ab, pub mej muaj lub sab⚓ kws muaj tswvyim hab qha Vaajtswv tshwm rua mej kuas mej paub nwg zoo. ¹⁸Kuv thov kuas mej lub sab qheb pum kev sub mej txhad paub tas txujkev vaam kws Vaajtswv hu mej moog txug hov zoo le caag, hab paub tej qub txeeg qub teg ci ntsaa ab kws Vaajtswv pub rua cov xuv dawb ntau kawg npaum le caag, ¹⁹hab paub nwg tug fwjchim luj kawg muaj ntau npaum le caag rua peb cov kws ntseeg. Yog tuab tug fwjchim kws nwg swv tug zug luj ua tej num ²⁰kws nwg ua tshwm rua huv Kheto rua thaus nwg tsaa Kheto sawv huv qhov tuag rov lug hab pub Kheto nyob ntawm nwg saab teg xws sau ntuj ceeb tsheej, ²¹sab dhau txhua tug timtswv kws kaav hab tej fwjchim, tej daab, hab tej kws txawj tswjfwm huvsw, hab tseed sab dhau txhua lub npe kws luas hu txug, tsw yog huv tam nuav xwb tseed yog huv tam kws yuav tshwm lug hab. ²²Vaajtswv muab txhua yaam txu lug nyob huv qaab Kheto xwb taw hab pub nwg ua lub taubhau kaav txhua yaam rua cov pawg ntseeg. ²³Pawg ntseeg yog Kheto lub cev, yog muaj Yexu nyob puv npo. Nwg yog tug kws tsaav txhua yaam kuas muaj txhwj zog rua txhua qhov.