8
Yexus yog tus tuam pov thawj hlob
1Tej uas peb hais no qhov tseem ceeb yog qhov uas peb muaj ib tug tuam pov thawj hlob li no, zaum ntawm Vajtswv uas loj dua ntais lub zwm txwv sab tes xis saum ntuj ceeb tsheej.
2Nws ua haujlwm hauv lub chaw dawb huv thiab hauv lub tseem tsev ntaub uas tus Tswv tsa cia tsis yog neeg tsa.
3Txhua tus tuam pov thawj hlob yog raug tsa los muab qhov txhia chaw xyeem thiab tua tsiaj xyeem. Yog li no tus tuam pov thawj hlob no yuav tsum muaj ib yam uas muab xyeem thiab.
4Yog nws nyob hauv lub ntiajteb no, nws yuav tsis ua pov thawj kiag li vim tias muaj cov pov thawj uas muab qhov txhia chaw xyeem raws li txoj kevcai lawm.
5Cov pov thawj ntawd ua haujlwm rau hauv lub chaw dawb huv uas tsuas yog tej uas nyob saum ntuj tus yam ntxwv thiab tus duab, raws li Vajtswv hais rau Mauxe thaum Mauxe yuav tsa lub tsev ntaub hais tias, “Yuav tsum ceev faj ua txhua yam raws li tus qauv uas qhia rau koj sau lub roob.”⚓
6Tiamsis nimno Yexus tau txais tes haujlwm ua uas zoo tshaj dua lawv cov ntawd, thiab ib yam li ntawd nws yog tus nruab nrab hauv tej lus sib cog tseg tshiab uas zoo heev dua vim raug muab tsa rau saum tej lus cog tseg uas zoo dua.
7Yog tej lus cog tseg zaum ib zoo txaus lawm kuj tsis txog muaj tej lus cog tseg zaum ob.
8Rau qhov Vajtswv thuam lawv thiab hais tias,
“Tus Tswv hais tias, Saib nawj,
lub caij lub nyoog tabtom los yuav txog
mas kuv yuav cog dua lus tshiab
rau cov Yixayee thiab cov Yuda,
9tsis thooj li uas kuv cog rau lawv
tej poj koob yawm txwv
rau hnub uas kuv cab lawv tes
coj lawv tawm hauv Iyi tebchaws los.
Lawv tsis ua raws li kuv tej lus cog tseg,
kuv thiaj tsis quav ntsej lawv lawm.
Tus Tswv hais li no ntag.
10No yog tej lus cog tseg
uas kuv yuav cog rau cov Yixayee
ua qab ncua sijhawm ntawd.
Tus Tswv hais li no ntag.
Kuv yuav muab kuv txoj kevcai
tso rau hauv lawv
thiab sau cia rau hauv lawv lub siab.
Kuv yuav ua lawv tus Vajtswv
thiab lawv yuav ua kuv haiv neeg.
11Txhua tus yuav tsis qhia nws kwvtij zej zog
thiab nws tej kwvtij txheeb
kom paub tus Tswv,
rau qhov lawv txhua tus yeej yuav paub kuv
txij tus yau kawg mus txog tus loj kawg.
12Kuv yuav khuvleej lawv tej kev txhaum
thiab tsis cim ntsoov lawv lub txim
dua li lawm.”⚓
13Thaum Vajtswv hais txog tej lus cog tseg tshiab kuj yog nws rhuav tej lus cog tseg qub lawm. Tej uas muab rhuav thiab tej qub twb ploj yuav tag.
8
Yexu yog tug tuam pov thawj hlub
1Tej kws peb has nuav qhov tseem ceeb yog qhov kws peb muaj ib tug tuam pov thawj hlub le nuav, nyob tsawg ntawm Vaajtswv kws luj dua ndais lub zwm txwv saab teg xws sau ntuj ceeb tsheej.
2Nwg ua num huv lub chaw dawb huv hab huv lub tseem tsev ntaub kws tug Tswv tsaa ca tsw yog tuabneeg tsaa.
3Txhua tug tuam pov thawj hlub yog raug tsaa lug muab hov txhua chaw xyeem hab tua tsaj xyeem. Yog le nuav tug tuam pov thawj hlub nuav yuav tsum muaj ib yaam kws muab xyeem hab.
4Yog nwg nyob huv lub nplajteb nuav, nwg yuav tsw ua pov thawj hlo le vem tas muaj cov pov thawj kws muab hov txhua chaw xyeem lawv le txuj kevcai lawm.
5Cov pov thawj hov ua num rua huv lub chaw dawb huv kws tsuas yog tej kws nyob sau ntuj tug yaam ntxwv hab tug duab, lawv le Vaajtswv has rua Mauxe thaus Mauxe yuav tsaa lub tsev ntaub has tas, “Yuav tsum ceev faaj ua txhua yaam lawv le tug qauv kws qha rua koj sau lub roob.”⚓
6Tassws nwgnuav Yexu tau txais teg num ua kws zoo tshaaj dua puab cov hov, hab ib yaam le ntawd nwg yog tug nruab nraab huv tej lug sws cog tseg tshab kws zoo heev dua vem raug muab tsaa rua sau tej lug cog tseg kws zoo dua.
7Yog tej lug cog tseg zag ib zoo txaus lawm kuj tsw txug muaj tej lug cog tseg zag ob.
8Tsua qhov Vaajtswv thuaj puab hab has tas,
“Tug Tswv has tas, Saib nawj,
lub caij lub nyoog saamswm lug yuav txug
mas kuv yuav cog dua lug tshab
rua cov Yixayee hab cov Yuta,
9tsw thooj le kws kuv cog rua puab tej laug
rua nub kws kuv caab puab teg
coj puab tawm huv Iyi tebchaws lug.
Puab tsw ua lawv le kuv tej lug cog tseg,
kuv txhad tsw quav ntsej puab lawm.
Tug Tswv has le nuav ntaag.
10Nuav yog tej lug cog tseg
kws kuv yuav cog rua cov Yixayee
ua qaab ncua swjhawm ntawd.
Tug Tswv has le nuav ntaag.
Kuv yuav muab kuv txuj kevcai tso rua huv puab
hab sau ca rua huv puab lub sab.
Kuv yuav ua puab tug Vaajtswv
hab puab yuav ua kuv haiv tuabneeg.
11Txhua tug yuav tsw qha nwg kwvtij zej zog
hab nwg tej kwvtij txheeb kuas paub tug Tswv,
tsua qhov puab txhua tug yeej yuav paub kuv
txwj tug yau kawg moog txug tug luj kawg.
12Kuv yuav khuvleej puab tej kev txhum
hab tsw cim ntsoov puab lub txem dua le lawm.”⚓
13Thaus Vaajtswv has txug tej lug cog tseg tshab kuj yog nwg rhuav tej lug cog tseg qub lawm. Tej kws muab rhuav hab tej qub tub pluj yuav taag.