14

Tsis txhob txiav txim rau lwm tus

¹Nej yuav tsum txais tus uas kev ntseeg yau, tsis txhob sib cam rau tej uas nyias lub siab xav. ²Ib tug ntseeg hais tias noj txhua yam tau, tiamsis tus uas kev ntseeg yau tsuas yog noj zaub xwb. ³Tus uas noj los tsis txhob saib tsis taus tus uas tsis noj, thiab tus uas tsis noj los tsis txhob txiav txim tias tus uas noj txhaum, rau qhov Vajtswv twb txais nws lawm. ⁴Koj yog leejtwg es koj yuav txiav txim rau lwm tus li tub qhe? Tus tub qhe yuav sawv ntseg lossis yuav ntog kuj nyob ntawm nws tus lospav. Nws yuav sawv ruaj khov rau qhov Vajtswv⚓ muaj peevxwm ua rau nws sawv ntseg tau.
⁵Ib tug hwm tias muaj ib hnub zoo dua li ib hnub, tiamsis muaj dua ib tug hwm tias txhua hnub zoo ib yam nkaus. Cia txhua tus nyias ruaj siab rau nyias qhov kev xav. ⁶Tus uas hwm hnub kuj yog hwm ua rau tus Tswv tau koob meej. Tus uas noj txhua yam kuj yog noj ua rau tus Tswv tau koob meej rau qhov nws ua Vajtswv tsaug. Thiab tus uas tsis noj kuj yog tsis noj ua rau tus Tswv tau koob meej thiab ua Vajtswv tsaug.
⁷Peb cov tsis muaj leejtwg muaj txojsia nyob rau nws tus kheej thiab tsis muaj leejtwg tuag rau nws tus kheej xwb. ⁸Yog peb muaj txojsia nyob kuj yog nyob rau tus Tswv, thiab yog peb tuag kuj yog tuag rau tus Tswv. Yog li ntawd txawm yog peb muaj txojsia nyob lossis tuag mus lawm los peb yeej yog tus Tswv li. ⁹Vim li no Khetos thiaj li tuag thiab ciaj sawv rov los kom thiaj ua tau cov neeg tuag thiab cov neeg ciaj tus Tswv.
¹⁰Koj nev, ua cas koj yuav txiav txim rau koj tus kwvtij? Lossis ua cas koj yuav saib tsis taus koj tus kwvtij? Vim tias peb txhua tus yuav tsum sawv ntawm Vajtswv lub zwm txwv txiav txim. ¹¹Rau qhov muaj lus sau cia hais tias,
“Tus Tswv hais tias,
‘Kuv yeej muaj txojsia nyob,
txhua lub hauv caug yuav pe kuv
thiab txhua tus nplaig yuav qhuas Vajtswv.’ ”⚓
¹²Yog li no peb txhua tus nyias yuav tsum hais nyias zaj rau Vajtswv.

Tsis txhob ua kom lwm tus dawm

¹³Yog li no peb ib leeg tsis txhob txiav txim tias ib leeg txhaum, tiamsis peb yuav tsum txiav txim siab tias yuav tsis ua ib yam dabtsi ua rau lwm tus dawm lossis tav lwm tus kev mas zoo dua. ¹⁴Hauv tus Tswv Yexus kuv paub thiab ruaj siab tias tsis muaj ib yam dabtsi uas nws cia li qias nws xwb, tiamsis yog leejtwg xav tias yam twg qias tsis huv mas yam ntawd kuj qias tsis huv rau tus ntawd. ¹⁵Yog koj tus kwvtij nyuaj siab rau tej zaub mov uas koj noj, koj kuj tsis tau xyaum raws li txojkev hlub lawm. Tsis txhob cia tej uas koj noj ua rau tus uas Khetos twb tuag txhiv lawd puam tsuaj. ¹⁶Yog li no tsis txhob cia yam uas koj pom tias zoo, ua lub chaw rau lwm tus thuam. ¹⁷Rau qhov Vajtswv lub tebchaws tsis yog kev noj kev haus, tiamsis yog qhov uas ncaj ncees thiab nyob kaj siab lug thiab txojkev xyiv fab uas nyob hauv Vaj Ntsuj Plig uas dawb huv. ¹⁸Tus uas ua koom tu Khetos raws nraim li no kuj ua hum Vajtswv lub siab thiab neeg kuj hwm nws.
¹⁹Yog li no cia peb huas qas ntshis ua tej uas ua kom muaj kev sib hum xeeb thiab ua tej uas ua rau ib leeg txhawb ib leeg lub zog. ²⁰Tsis txhob rhuav Vajtswv tes haujlwm vim yog saib rau tej zaub mov. Txhua yam zaub mov puavleej huv tiag tiamsis qhov uas noj tej zaub mov uas ua kom lwm tus dawm kuj yog tsis zoo. ²¹Qhov uas tsis noj nqaij lossis tsis haus cawv txiv hmab lossis tsis ua ib yam dabtsi uas ua rau koj tus kwvtij dawm, kuj yog qhov zoo. ²²Koj kev ntseeg uas ntsig txog tej no cia nyob ntawm koj thiab Vajtswv xwb. Tus uas tsis muaj chaw hais tias nws tus kheej txhaum rau tej uas nws pom zoo, kuj tau nyob kaj siab lug. ²³Tiamsis tus uas ua xyem xyav yog nws tseem noj kuj raug txim lawm vim nws tsis noj raws li nws ntseeg. Txhua yam uas tsis yog ua raws li qhov uas ntseeg puavleej txhaum huvsi.

14

Tsw xob txav txem rua lwm tug

¹Mej yuav tsum txais tug kws kev ntseeg yau, tsw xob sws caam rua tej kws nyag lub sab xaav. ²Ib tug ntseeg has tas noj txhua yaam tau, tassws tug kws kev ntseeg yau tsuas yog noj zaub xwb. ³Tug kws noj los tsw xob saib tsw taug tug kws tsw noj, hab tug kws tsw noj los tsw xob txav txem tas tug kws noj txhum, tsua qhov Vaajtswv tub txais nwg lawm. ⁴Koj yog leejtwg es koj yuav txav txem rua lwm tug le tub qhe? Tug tub qhe yuav sawv ntseg lossws yuav qaug kuj nyob ntawm nwg tug lospaav. Nwg yuav sawv ruaj khov tsua qhov Vaajtswv⚓ muaj peevxwm ua rua nwg sawv ntseg tau.
⁵Ib tug fwm tas muaj ib nub zoo dua le ib nub, tassws muaj dua ib tug fwm tas txhua nub zoo ib yaam nkaus. Ca txhua tug nyag ruaj sab rua nyag qhov kev xaav. ⁶Tug kws fwm nub kuj yog fwm ua rua tug Tswv tau koob meej. Tug kws noj txhua yaam kuj yog noj ua rua tug Tswv tau koob meej tsua qhov nwg ua Vaajtswv tsaug. Hab tug kws tsw noj kuj yog tsw noj ua rua tug Tswv tau koob meej hab ua Vaajtswv tsaug.
⁷Peb cov tsw muaj leejtwg muaj txujsa nyob rua nwg tug kheej hab tsw muaj leejtwg tuag rua nwg tug kheej xwb. ⁸Yog peb muaj txujsa nyob kuj yog nyob rua tug Tswv, hab yog peb tuag kuj yog tuag rua tug Tswv. Yog le ntawd txawm yog peb muaj txujsa nyob lossws tuag moog lawm los peb yeej yog tug Tswv le. ⁹Vem le nuav Kheto txhad le tuag hab caj sawv rov lug sub txhad ua tau cov tuabneeg tuag hab cov tuabneeg caj tug Tswv.
¹⁰Koj nev, ua caag koj yuav txav txem rua koj tug kwvtij? Lossws ua caag koj yuav saib tsw taug koj tug kwvtij? Vem tas peb txhua tug yuav tsum sawv ntawm Vaajtswv lub zwm txwv txav txem. ¹¹Tsua qhov muaj lug sau ca has tas,
“Tug Tswv has tas, ‘Kuv yeej muaj txujsa nyob,
txhua lub hauv caug yuav pe kuv
hab txhua tug nplaig yuav qhuas Vaajtswv.’ ”⚓
¹²Yog le nuav peb txhua tug nyag yuav tsum has nyag zaaj rua Vaajtswv.

Tsw xob ua kuas lwm tug dawm

¹³Yog le nuav peb ib leeg tsw xob txav txem tas ib leeg txhum, tassws peb yuav tsum txav sab tas yuav tsw ua ib yaam daabtsw ua rua lwm tug dawm lossws taav lwm tug kev mas zoo dua. ¹⁴Huv tug Tswv Yexu kuv paub hab ruaj sab tas tsw muaj ib yaam daabtsw kws nwg ca le qas nwg xwb, tassws yog leejtwg xaav tas yaam twg qas tsw huv mas yaam hov kuj qas tsw huv rua tug hov. ¹⁵Yog koj tug kwvtij nyuaj sab rua tej zaub mov kws koj noj, koj kuj tsw tau xyum lawv le txujkev hlub lawm. Tsw xob ca tej kws koj noj ua rua tug kws Kheto tub tuag txhwv lawd puam tsuaj. ¹⁶Yog le nuav tsw xob ca yaam kws koj pum tas zoo, ua lub chaw rua lwm tug thuaj. ¹⁷Tsua qhov Vaajtswv lub tebchaws tsw yog kev noj kev haus, tassws yog qhov kws ncaaj nceeg hab nyob kaaj sab lug hab txujkev xyiv faab kws nyob huv Vaaj Ntsuj Plig kws dawb huv. ¹⁸Tug kws ua koom rua Kheto lawv nraim le nuav kuj ua hum Vaajtswv lub sab hab tuabneeg kuj fwm nwg.
¹⁹Yog le nuav ca peb fuas quas tso ua tej kws ua kuas muaj kev sws hum xeeb hab ua tej kws ua rua ib leeg txhawb ib leeg tug zug. ²⁰Tsw xob rhuav Vaajtswv teg num vem yog saib rua tej zaub mov. Txhua yaam zaub mov puavleej huv tag tassws qhov kws noj tej zaub mov kws ua kuas lwm tug dawm kuj yog tsw zoo. ²¹Qhov kws tsw noj nqaj lossws tsw haus cawv txwv maab lossws tsw ua ib yaam daabtsw kws ua rua koj tug kwvtij dawm, kuj yog qhov zoo. ²²Koj kev ntseeg kws ntswg txug tej nuav ca nyob ntawm koj hab Vaajtswv xwb. Tug kws tsw muaj chaw has tas nwg tug kheej txhum rua tej kws nwg pum zoo, kuj tau nyob kaaj sab lug. ²³Tassws tug kws ua xyem xyaav yog nwg tseed noj kuj raug txem lawm vem nwg tsw noj lawv le nwg ntseeg. Txhua yaam kws tsw yog ua lawv le qhov kws ntseeg puavleej txhum huvsw.