107

SŎP HRĂ TAL RƠMA

Tơlơi Adoh Hơđăp 107–150

Bơni Hơơč Kơ Ơi Adai Yuakơ Tơlơi Hiam Klă Ñu

¹“Hơdơr bơni bĕ kơ Yahweh, yuakơ Ñu jing hiam klă;
tơlơi khăp hiam klă Ñu ăt dŏ nanao hlŏng lar!”⚓
²Ơ abih bang ƀing Yahweh hơmâo song mă laih,
jing ƀing Ñu hơmâo song mă laih mơ̆ng tơngan ƀing rŏh ayăt,
brơi kơ ƀing gih pơhiăp bĕ hơdôm boh hiăp hơdơr bơni anŭn,
³Ñu yơh hơmâo pơƀut glaĭ laih ƀing gih mơ̆ng ƀing lŏn čar tuai,
čơdơ̆ng mơ̆ng akiăng lŏn gah ngŏ̱, gah yŭ̱, laih anŭn mơ̆ng gah dư̱r, gah thu̱ng.

⁴Đơđa amăng ƀing pơƀut glaĭ anŭn čơlah hyu amăng tring tơdron ha̱r thu krô biă mă,
laih anŭn ƀu thâo hơduah ƀuh ôh plei pla jing anih arăng dŏ kiăng kơ djru brơi kơ ƀing gơñu.
⁵Ƀing gơñu rơpa laih anŭn mơhao
tui anŭn pran jua gơñu rơngiă hĭ laih tơlơi čang rơmang.
⁶Hlak anŭn, tơdang ƀing gơñu tơnap tap yơh ƀing gơñu iâu đĭ Yahweh,
laih anŭn Ñu djru pơklaih hĭ ƀing gơñu mơ̆ng tơlơi tơnap rŭng gơñu anŭn yơh.
⁷Ñu ăt dui ba ƀing gơñu rơbat nao tơpă mơ̆n
truh pơ plei pla jing anih arăng dŏ kiăng kơ djru brơi kơ ƀing gơñu.
⁸Brơi kơ ƀing gơñu hơdơr bơni bĕ kơ Yahweh yuakơ tơlơi khăp hiam klă Ñu,
laih anŭn yuakơ hơdôm bruă dưi mơyang Ñu hơmâo ngă laih kơ mơnuih mơnam.
⁹Ñu pơhrăp brơi kơ hlơi pô mơhao
laih anŭn pơtrơi brơi kơ hlơi pô rơpa rơmơ̆n hăng hơdôm gơnam ƀơ̆ng jơma̱n.

¹⁰Đơđa ƀing gơñu dŏ hơdip amăng anih dơlăm kơnăm mơmŏt rơnguă rơnguăn,
jing ƀing mơnă tơnap tap yuakơ arăng akă ƀing gơñu hăng khul hrĕ čuăk yơh.
¹¹Ƀing gơñu tŭ mă tơlơi anŭn yuakơ ƀing gơñu hơmâo tơgŭ pơkơdơ̆ng glaĭ laih hăng khul boh hiăp Ơi Adai,
laih anŭn hơmâo hơngah hơƀak drak hĭ laih tơlơi djru pơmĭn Pô Glông Hloh anŭn.
¹²Tui anŭn, Ñu jao hĭ ƀing gơñu mă bruă tơnap gleh glan;
tơdang ƀing gơñu tơhneč rơbuh pơ anŭn, ƀu hơmâo hlơi pô dưi djru ƀing gơñu ôh.
¹³Hlak anŭn, tơdang ƀing gơñu tơnap tap, ƀing gơñu kwưh rơkâo kơ Yahweh,
laih anŭn Ñu pơklaih hĭ ƀing gơñu mơ̆ng tơlơi tơnap rŭng gơñu.
¹⁴Ñu ba tơbiă hĭ ƀing gơñu mơ̆ng anih dơlăm kơnăm mơmŏt rơnguă rơnguăn,
laih anŭn pơjŏh hĭ khul hrĕ čuăk ƀing rŏh ayăt akă ƀơi ƀing gơñu yơh.
¹⁵Brơi kơ ƀing gơñu hơdơr bơni bĕ kơ Yahweh yuakơ tơlơi khăp hiam klă Ñu,
laih anŭn yuakơ hơdôm bruă dưi mơyang Ñu hơmâo ngă laih kơ mơnuih mơnam.
¹⁶Ñu pơglưh hĭ khul amăng ja̱ng ko̱ng sang mơnă anŭn
laih anŭn taih jŏh hĭ laih khul čơnŭh khuă pơsơi kiăng kơ pơrơngai hĭ ƀing ană plei Ñu.

¹⁷Đơđa ƀing gơñu jing hĭ mlŭk yua mơ̆ng hơdôm hơdră jơlan tơgŭ pơkơdơ̆ng gơñu,
laih anŭn tŭ tơlơi duăm ruă yơh yuakơ tơlơi soh sat gơñu anŭn.
¹⁸Ƀing gơñu hơƀak drak hơngah hĭ kơ djŏp mơta gơnam ƀơ̆ng
tui anŭn ƀing gơñu nao jĕ truh pơ khul amăng ja̱ng tơlơi djai yơh.
¹⁹Giŏng anŭn, ƀing gơñu kwưh rơkâo kơ Yahweh tơdang ƀing gơñu tơnap tap,
laih anŭn Ñu pơklaih hĭ ƀing gơñu mơ̆ng tơlơi tơnap rŭng gơñu.
²⁰Yahweh pơhiăp laih anŭn ƀing gơñu suaih hĭ mơtam,
laih anŭn hơñăk đuaĭ hĭ ƀing gơñu mơ̆ng anih pơsat yơh.
²¹Brơi kơ ƀing gơñu hơdơr bơni bĕ kơ Yahweh yuakơ tơlơi khăp hiam klă Ñu,
laih anŭn yuakơ hơdôm bruă mơsêh mơyang Ñu hơmâo ngă laih kơ mơnuih mơnam.
²²Brơi kơ ƀing gơñu hơdơr bơni bĕ kơ Ñu hăng gơnam pơyơr ngă yang,
laih anŭn ruai pơhaih bĕ hơdôm bruă mơnuă Ñu hăng khul tơlơi adoh hơ̆k mơak.

²³Đơđa ƀing gơñu tơbiă nao pơ ia rơsĭ hăng sŏng prŏng,
buih ƀơ̆ng sĭ mơnia ƀơi khul ia rơsĭ prŏng.
²⁴Ƀing gơñu ƀuh hơdôm bruă mơnuă Yahweh,
jing hơdôm bruă dưi mơyang Ñu git gai ƀơi hrơi bơyan amăng hlung dơlăm anŭn tui anai:
²⁵Ñu pơđar, tui anŭn hơmâo angĭn hơkruăh thut mơtam,
laih anŭn puh yŏng đĭ khul jơlah ia glông.
²⁶Khul jơlah ia anŭn pơyơ̆ng đĭ khul sŏng prŏng hăng ngŏ hông hang
laih anŭn thup trŭn pơ yŭ anih dơlăm.
Yuakơ tơlơi huĭ hyưt kar hăng anŭn yơh, pran jua ƀing pơgăt sŏng rơngiă hĭ tơlơi khĭn yơh.
²⁷Ƀing gơñu teč tơhơneč sêng brêng kar hăng ƀing mơnuih măt tơpai yơh,
abih bang tơlơi thâo gơñu jing hĭ đôč đač yơh.
²⁸Giŏng anŭn, ƀing gơñu iâu đĭ Yahweh tơdang ƀing gơñu tơnap tap,
tui anŭn Ñu ba tơbiă hĭ ƀing gơñu mơ̆ng tơlơi tơnap rŭng gơñu anŭn.
²⁹Ñu pơkhư̆ pơhơđơ̆ng hĭ angĭn kơthel anŭn,
tui anŭn khă hĭ jơlah ia anŭn dŏ hĭ lơlĕh yơh.
³⁰Ƀing pơgăt sŏng mơak yơh tơdang jing hĭ dŏ rơiăt,
laih anŭn Yahweh dui ba ƀing gơñu truh pơ ha̱ng jưh ƀing gơñu kiăng nao yơh.
³¹Brơi bĕ ƀing gơñu bơni kơ Yahweh yuakơ tơlơi khăp hiam klă Ñu,
laih anŭn yuakơ tơlơi bruă mơsêh mơyang Ñu hơmâo ngă laih kơ mơnuih mơnam.
³²Brơi kơ ƀing gơñu pơdun đĭ bĕ Ñu amăng tơlơi pơjơnum ƀing ană plei,
laih anŭn bơni hơơč kơ Ñu ƀơi anăp tơlơi pơƀut glaĭ ƀing kŏng tha.

³³Yahweh ngă kơ khul krong thu
laih anŭn pơkơ̆ng hĭ phŭn ia ƀu brơi rô dơ̆ng ôh,
tui anŭn anih lŏn anŭn jing hĭ tơdron ha̱r.
³⁴Ñu ăt ngă kơ anih lŏn hiam kơmơ̆k jing hĭ lŏn mơsĭn hra đôč đač,
yuakơ hơdôm tơlơi soh sat ƀing mơnuih dŏ hơdip amăng anih lŏn anŭn yơh.
³⁵Kơđai glaĭ, Ñu pơplih hĭ anih tơdron ha̱r jing hĭ anih hơmâo dơnao ia,
laih anŭn ngă kơ anih lŏn thu krô jing hĭ anih hơmâo phŭn ia rô tơbiă yơh.
³⁶Pơ anih anŭn yơh Ñu ba rai kơ ƀing mơnuih rơpa mơhao dưi hơdip,
tui anŭn ƀing gơ̆ dưi pơdơ̆ng đĭ plei pla kiăng kơ hơdip pơ anŭn.
³⁷Ƀing gơñu jŭ jai amăng đang hơma hăng pla đang boh kơƀâo,
laih anŭn pơtơbiă rai bơyan pĕ hơpuă rơbeh rơbai yơh.
³⁸Yahweh bơni hiam kơ ƀing gơ̆, tui anŭn ƀing gơ̆ đĭ kơyar rai lu jai yơh,
laih anŭn ƀu brơi ôh kơ khul hlô mơnơ̆ng ƀing gơ̆ hrŏ rơngiă hĭ samơ̆ đĭ kơyar yơh.

³⁹Tơdang ƀing ană plei Yahweh anŭn hrŏ rơngiă hĭ laih anŭn tŭ tơlơi pơluă gŭ,
yua mơ̆ng tơlơi arăng kơtư̆ juă, tơlơi tơnap rŭng laih anŭn tơlơi rơngot hơning yơh,
⁴⁰giŏng anŭn, Ñu djik djak kơ ƀing kơtư̆ juă ƀing gơ̆ anŭn,
laih anŭn ngă brơi kơ ƀing kơtư̆ juă anŭn čơlah hyu amăng tơdron ha̱r ƀu hơmâo jơlan.
⁴¹Samơ̆ Ñu pơklaih hĭ ƀing kơƀah kơƀap mơ̆ng tơlơi tơnap rŭng ƀing gơ̆,
laih anŭn brơi kơ sang anŏ ƀing gơ̆ đĭ kơyar rai lu jai kar hăng tơpul hlô mơnơ̆ng yơh.
⁴²Ƀing mơnuih tơpă hơnơ̆ng ƀuh tơlơi anŭn hăng hơ̆k mơak,
samơ̆ abih bang ƀing sat ƀai či kơđŏt hĭ amăng bah gơñu yơh.

⁴³Hlơi pô jing rơgơi, brơi kơ ñu pơđi̱ng hơmư̆ bĕ kơ hơdôm tơlơi anai,
laih anŭn pơmĭn ƀlơ̆ng bĕ kơ tơlơi khăp hiam klă Yahweh.

107

QUYỂN THỨ NĂM

¹Hãy cảm tạ Chúa Hằng Hữu,
Vì Ngài thiện hảo và thương xót đời đời
²Những người được Chúa cứu chuộc,
Giải phóng khỏi bàn tay thù nghịch,
Hãy nói lên ân đức của Ngài!
³Hãy triệu tập họ từ các nước,
Đông, tây, nam, bắc, khắp địa cầu.
⁴Họ lưu lạc giữa sa mạc hoang vu
Tìm mỏi mắt không ra nơi trú ẩn,⚓Ctd thành phố ở được
⁵Đói khát, kiệt quệ và ngất xỉu.
⁶Lúc khủng hoảng, họ gọi: "Chúa ơi!"
Ngài liền cứu họ tai qua nạn khỏi,
⁷Dẫn họ vào nơi an cư lạc nghiệp.⚓
⁸Con người phải biết ca ngợi Chúa,
Vì lòng nhân từ và kỳ công Ngài.⚓
⁹Chúa thỏa mãn tâm hồn khao khát,
Cho lòng đói được no nê mãn nguyện.
¹⁰Họ đang ngồi trong bóng tối tử vong
Bị xiềng xích gông cùm tuyệt vọng.
¹¹Họ từng nổi loạn chống đối Lời Chúa,
Khinh miệt mưu cao Đấng Chí Tôn,
¹²Nên Ngài dùng gian khổ hạ nhục tâm hồn
Và họ gục ngã, không người giúp đỡ.
¹³Lúc khủng hoảng, họ gọi: "Chúa ơi!"
Ngài liền cứu họ tai qua nạn khỏi,
¹⁴Đem họ thoát vùng bóng tối tử vong,
Và đập tan xiềng xích gông cùm.
¹⁵Những người ấy hãy ca ngợi Chúa
Vì lòng nhân từ và kỳ công Ngài⚓
¹⁶Vì Ngài bẻ gông cùm, xiềng xích
Và cắt đứt song đồng ngục tối.
¹⁷Người dại dột theo đường tà vạy,
Gặp hoạn nạn, khốn khổ vì ác gian,
¹⁸Miệng đắng nghét, không thiết gì ăn uống,
Run lẩy bẩy bước vào ngạch cửa Tử vong.
¹⁹Lúc hiểm nghèo, họ gọi: "Chúa ơi!"
Chúa liền cứu họ thoát tay Tử thần.
²⁰Ngài ra lệnh chữa lành bệnh tật,
Rút họ khỏi vòm cửa mộ âm u.⚓
²¹Những người ấy hãy ca tụng Chúa,
Vì lòng nhân từ và kỳ công Ngài.
²²Họ hãy dâng tế lễ cảm tạ,
Hát ca, tường thuật việc Ngài làm.
²³Nào những ai xuống tàu vượt biển,
Chí doanh thương xuôi ngược đại dương,
²⁴Hải trình xem lắm việc dị thường
Do tay Chân Chúa cầm cương an bài.
²⁵Ngài truyền lệnh nổi cơn gió bão,
Cho biển sâu sôi động cuồng lan
²⁶Nâng tàu lên chốn trời xanh
Rồi chìm đáy vực tan tành như không,
Làm ai nấy hồn tan ra nước,
²⁷Như người say quay cuồng lảo đảo,
Hết kế rồi, đành chết đây thôi!
²⁸Lúc nguy nan, kêu cầu Thượng Đế,
Ngài đưa tay cứu khỏi tai ương!
²⁹Ban lệnh trên gió nước đại dương,
Cho yên bão lớn, cho ngừng sóng to.
³⁰Xong rồi, nạn khỏi tai qua,
Hân hoan về đến bến bờ ước mong.
³¹Khá cảm tạ Chúa nhân từ thương xót,
Làm muôn việc lạ cứu nhân dân.
³²Giữa đại hội cùng suy tôn Chúa,
Trước quốc dân⚓ ca hát ngợi khen.
³³Chúa biến sông xanh thành sa mạc,
Suối tươi mát ra đất khô khan.
³⁴Do lòng gian dối của cư dân,
Vườn ruộng phì nhiêu thành bãi mặn;
³⁵Nhưng, sa mạc hóa ra hồ ao,
Đất khô tuôn dòng suối ngọt ngào
³⁶Cho dân nghèo đến ở,
Lập thành phố chợ
³⁷Quanh năm gieo trồng,
Nho, lúa trổ bông,
Mùa màng gặt hái.
³⁸Chúa nhân từ ban phúc
Cho dân số gia tăng
Súc vật vô vàn.
³⁹Còn bao kẻ khác,
Héo hắt nghèo nàn,
Tai ương, buồn bực,
Bị áp bức, bạo hành.
⁴⁰Chúa khinh kẻ quyền quý kiêu căng,
Cho đói khổ lang thang,
Không tìm ra sinh lộ.
⁴¹Nhưng Ngài giải cứu người nghèo khổ
Khỏi hoạn nạn tai ương,
Cho con cháu thêm đông,
Hanh thông và thịnh vượng.
⁴²Thấy thế, người công chính vui mừng,
Nhưng bọn ác nhân câm họng.
⁴³Ghi nhận việc này! người khôn ngoan!
Để hiểu rõ lòng Chúa chí nhân.