112
Tơlơi Mơyŭn Mơak Kơ Mơnuih Hiam
1Bơni hơơč bĕ kơ Yahweh!
Mơyŭn mơak yơh kơ hlơi pô huĭ pơpŭ kơ Yahweh,
jing pô hơ̆k mơak tui gưt hơdôm tơlơi Ñu pơđar.
2Ƀing ană bă ñu yơh či đĭ kơyar amăng anih lŏn gơñu;
sĭt kơnung djuai ñu anŭn či tŭ gơnam bơni hiam yơh.
3Sang anŏ ñu či hơmâo mŭk dram pơdrŏng săh yơh,
laih anŭn gơnam bơni mơnuih tơpă hơnơ̆ng anŭn či dŏ nanao hlŏng lar yơh.
4Amăng mông kơnăm mơmŏt ƀing mơnuih djơ̆ tơpă yơh či jing hĭ kar hăng tơlơi bơngač
pơčrang brơi kơ ƀing mơnuih khăp pap, thâo pap laih anŭn tơpă hơnơ̆ng yơh.
5Gơnam hiam yơh či truh kơ hlơi pô čơmah laih anŭn rơngai brơi čan,
jing pô hơdip hơdơ̆ng hăng tơlơi djơ̆ găl yơh.
6Sĭt sa čô tơpă hơnơ̆ng ƀu či răm rơngiă ôh,
samơ̆ ƀing mơnuih rơnŭk pơanăp či djă̱ hơdơr kơ ñu nanao.
7Mơnuih tơpă anŭn ƀu či huĭ bra̱l ôh kơ tơlơi pơthâo sat;
tơlơi đaŏ ñu jing kơtang, laih anŭn ñu đaŏ kơnang amăng Yahweh.
8Pran jua ñu ƀu ƀlơ̆ng bơngơ̆t ôh kŏn huĭ bra̱l lơi,
tơl ñu ƀuh ƀing rŏh ayăt ñu thuơ hĭ yơh.
9Ñu čơmah pha brơi gơnam ñu kơ ƀing kơƀah kơƀap,
laih anŭn tơlơi hiam klă Ñu anŭn ăt či dŏ nanao hlŏng lar yơh;
ñu či jing mơnuih dưi mơyang arăng pơpŭ pơyom yơh.⚓
10Ƀing mơnuih sat ƀai či ƀuh tơlơi anai laih anŭn hil rơañ;
ƀing gơñu či kĕ tơgơi laih anŭn răm rơngiă hĭ;
khul tơlơi čang rơmang gơñu či jing hĭ đôč đač yơh.
112
The Blessed State of the Righteous
1Praise the Lord!
Blessed is the man who fears the Lord,
Who⚓delights greatly in His commandments.
2⚓His descendants will be mighty on earth;
The generation of the upright will be blessed.
3⚓Wealth and riches will be in his house,
And his righteousness endures forever.
4⚓Unto the upright there arises light in the darkness;
He is gracious, and full of compassion, and righteous.
5⚓A good man deals graciously and lends;
He will guide his affairs ⚓with discretion.
6Surely he will never be shaken;
⚓The righteous will be in everlasting remembrance.
7⚓He will not be afraid of evil tidings;
His heart is steadfast, trusting in the Lord.
8His ⚓heart is established;
⚓He will not be afraid,
Until he ⚓sees his desire upon his enemies.
9He has dispersed abroad,
He has given to the poor;
His righteousness endures forever;
His horn will be exalted with honor.
10The wicked will see it and be grieved;
He will gnash his teeth and melt away;
The desire of the wicked shall perish.