15
Tej yam qias tsis huv uas ntws tawm hauv neeg lub cev
1Yawmsaub hais rau Mauxe thiab Aloo tias,
2“Cia li hais rau cov Yixayee tias, ‘Thaum tus txivneej twg muaj tej yam kua ntws tawm hauv nws lub cev los, tej uas ntws tawm los ntawd kuj qias tsis huv.
3No yog hais txog qhov uas nws qias tsis huv rau thaum nws lub cev muaj kua ntws los. Txawm yog nws lub cev muaj kua ntws los lossis tej kua ntawd khuab rau hauv nws lub cev lawm los xij, tej no puavleej yog qias tsis huv rau nws.
4Txhua lub txaj pw uas tus muaj tej kua ntws los ntawd pw rau lawd mas kuj qias tsis huv. Txhua qhov chaw uas nws zaum lawd kuj qias tsis huv.
5Leejtwg kov raug nws lub txaj pw mas yuav tsum ntxhua nws cev tsoos tsho thiab da dej thiab nws yuav qias tsis huv txog tsaus ntuj.
6Leejtwg zaum raug lub chaw uas tus muaj tej kua ntws los zaum ua ntej lawm mas tus ntawd yuav tsum ntxhua nws cev tsoos tsho thiab da dej thiab nws yuav qias tsis huv txog tsaus ntuj.
7Leejtwg kov raug tus uas muaj tej kua ntws los lub cev mas nws yuav tsum ntxhua nws cev tsoos tsho thiab da dej thiab nws yuav qias tsis huv txog tsaus ntuj.
8Thiab yog tus uas muaj tej kua ntws los nto qaub ncaug lo tus uas tseem huv mas tus uas raug qaub ncaug lo ntawd yuav tsum ntxhua nws cev tsoos tsho thiab da dej thiab nws yuav qias tsis huv txog tsaus ntuj.
9Lub eeb twg uas tus muaj tej kua ntws los ntawd zaum mas kuj qias tsis huv.
10Leejtwg kov raug ib yam uas tus ntawd zaum lawd mas nws kuj yuav qias tsis huv txog tsaus ntuj. Thiab leejtwg nqa tej yam ntawd mas nws yuav tsum ntxhua nws cev tsoos tsho thiab da dej thiab nws yuav qias tsis huv txog tsaus ntuj.
11Tus uas muaj tej kua ntws los ntawd txhais tes uas tsis tau ntxuav kov raug leejtwg mas tus ntawd yuav tsum ntxhua nws cev tsoos tsho thiab da dej thiab nws yuav qias tsis huv txog tsaus ntuj.
12Tej tais av uas tus uas muaj tej kua ntws los ntawd kov raug lawd mas yuav muab tsoo pov tseg. Txhua yam twj taig uas yog ntoo kuj yuav muab dej ntxuav huvsi.
13“ ‘Thaum tus uas muaj tej kua ntws los qhov mob zoo tsis ntws lawm, nws yuav suav kom puv xya hnub li ua kevcai ntxuav. Nws yuav tsum ntxhua nws cev tsoos tsho thiab da dej cag nws thiaj li huv.
14Hnub uas yim nws yuav tsum coj ob tug nquab taug lossis ob tug rhaws nquab nyeg tuaj rau ntawm Yawmsaub xubntiag ntawm lub qhov rooj tsev ntaub sib ntsib, es muab rau tus pov thawj.
15Tus pov thawj yuav muab xyeem, muab ib tug ua kevcai xyeem daws txim, muab ib tug ua kevcai hlawv huvsi xyeem, thiab tus pov thawj yuav ua kevcai ntxuav tus ntawd kev qias rau ntawm Yawmsaub xubntiag vim nws muaj tej kua ntws los.
16“ ‘Yog tus txivneej twg cov kua chaw xis ntws los mas nws yuav tsum ntxuav ib ce huvsi thiab nws yuav qias tsis huv txog tsaus ntuj.
17Txhua daim tsoos tsho thiab txhua yam tawv tsiaj uas kua chaw xis ntws los lo mas yuav tsum muab ntxuav hauv dej, thiab tej ntawd yuav qias tsis huv txog tsaus ntuj.
18Yog txivneej nrog pojniam pw es kua chaw xis los mas ob leeg yuav tsum da dej thiab yuav qias tsis huv txog tsaus ntuj.
19“ ‘Thaum tus pojniam twg coj khaub ncaws uas yog ua pojniam txhua lub hli, nws yuav qias tsis huv xya hnub. Leejtwg kov raug nws tus ntawd kuj qias tsis huv txog tsaus ntuj.
20Thaum tus pojniam ntawd tseem qias tsis huv, yog nws pw lossis zaum ib yam dabtsi, tej ntawd kuj qias tsis huv.
21Leejtwg kov raug nws lub txaj pw mas yuav tsum ntxhua nws cev tsoos tsho thiab da dej thiab nws yuav qias tsis huv txog tsaus ntuj.
22Leejtwg kov raug ib yam uas nws zaum lawd mas tus ntawd yuav tsum ntxhua nws cev tsoos tsho thiab da dej thiab nws yuav qias tsis huv txog tsaus ntuj.
23Txawm yog txaj pw lossis ib yam dabtsi uas tus pojniam ntawd zaum kuj xij, thaum leejtwg kov raug lawm mas tus ntawd yuav qias tsis huv txog tsaus ntuj.
24Yog tus txivneej twg nrog tus pojniam ntawd pw thiab nws qhov qias tsis huv yuav tsuas tus txivneej ntawd ces tus txivneej ntawd yuav qias tsis huv xya hnub, thiab txhua lub txaj uas nws mus pw yuav qias tsis huv.
25“ ‘Yog tus pojniam twg nchuav cev ntau ntau hnub uas tsis yog lub sijhawm uas nws ua pojniam txhua lub hli, lossis yog nws pheej nchuav cev dhau lub sijhawm uas nws ua pojniam, ces txhua hnub uas nws nchuav cev ntawd nws kuj qias tsis huv ib yam nkaus li lub sijhawm uas nws ua pojniam es qias tsis huv thiab.
26Thaum nws nchuav cev li ntawd mas txhua lub txaj uas nws pw thiab txhua qhov uas nws zaum kuj yuav qias tsis huv ib yam nkaus li thaum nws ua pojniam es tej ntawd qias tsis huv.
27Yog leejtwg kov raug tej yam no mas nws yuav qias tsis huv ces nws yuav tsum ntxhua nws cev tsoos tsho thiab da dej thiab nws yuav qias tsis huv txog tsaus ntuj.
28“ ‘Tiamsis yog qhov uas nws nchuav cev ntawd zoo lawm nws yuav suav kom puv xya hnub nws thiaj li huv.
29Hnub uas yim nws yuav tsum coj ob tug nquab taug lossis ob tug rhaws nquab nyeg tuaj rau tus pov thawj ntawm lub qhov rooj tsev ntaub sib ntsib.
30Tus pov thawj yuav muab xyeem, muab ib tug ua kevcai xyeem daws txim, muab ib tug ua kevcai hlawv huvsi xyeem, thiab tus pov thawj yuav ua kevcai ntxuav nws kev qias rau ntawm Yawmsaub xubntiag vim qhov uas nws nchuav cev qias tsis huv lawm.
31“ ‘Ua li no mas neb thiaj li cais tau cov Yixayee tawm ntawm tej uas ua rau lawv qias tsis huv, xwv lawv thiaj tsis tuag rau lawv tej kev qias rau thaum uas lawv ua qias puas tsuas kuv lub tsev ntaub uas nyob hauv lawv nruab nrab.’ ”
32No yog tej kevcai uas ntsig txog tej txivneej uas muaj kua ntws los thiab tej uas muaj kua chaw xis ntws los uas ua rau nws qias tsis huv,
33thiab ntsig txog tej pojniam uas ua mob pojniam. Tej no puavleej ntsig txog cov pojniam txivneej uas muaj kua ntws los thiab ntsig txog tus txivneej uas nrog tus pojniam uas qias tsis huv pw.
15
Tej yaam qas tsw huv kws ndwg tawm huv tuabneeg lub cev
1Yawmsaub has rua Mauxe hab Aloo tas,
2“Ca le has rua cov Yixayee tas, ‘Thaus tug txwvneej twg muaj tej yaam kua ndwg tawm huv nwg lub cev lug, tej kws ndwg tawm lug hov kuj qas tsw huv.
3Nuav yog has txug qhov kws nwg qas tsw huv rua thaus nwg lub cev muaj kua ndwg lug. Txawm yog nwg lub cev muaj kua ndwg lug lossws tej kua hov khuab rua huv nwg lub cev lawm los xwj, tej nuav puavleej yog qas tsw huv rua nwg.
4Txhua lub txaaj pw kws tug muaj tej kua ndwg lug hov pw rua lawd mas kuj qas tsw huv. Txhua qhov chaw kws nwg nyob quas tsawg lawd kuj qas tsw huv.
5Leejtwg kov raug nwg lub txaaj pw mas yuav tsum ntxhua nwg cev tsoog tsho hab daa dej hab nwg yuav qas tsw huv txug tsaus ntuj.
6Leejtwg nyob raug lub chaw kws tug muaj tej kua ndwg lug nyob ua ntej lawm mas tug hov yuav tsum ntxhua nwg cev tsoog tsho hab daa dej hab nwg yuav qas tsw huv txug tsaus ntuj.
7Leejtwg kov raug tug kws muaj tej kua ndwg lug lub cev mas nwg yuav tsum ntxhua nwg cev tsoog tsho hab daa dej hab nwg yuav qas tsw huv txug tsaus ntuj.
8Hab yog tug kws muaj tej kua ndwg lug ntu qub ncaug lu tug kws tseed huv mas tug kws raug qub ncaug lu hov yuav tsum ntxhua nwg cev tsoog tsho hab daa dej hab nwg yuav qas tsw huv txug tsaus ntuj.
9Lub eeb twg kws tug muaj tej kua ndwg lug hov nyob mas kuj qas tsw huv.
10Leejtwg kov raug ib yaam kws tug hov nyob quas tsawg lawd mas nwg kuj yuav qas tsw huv txug tsaus ntuj. Hab leejtwg nqaa tej yaam hov mas nwg yuav tsum ntxhua nwg cev tsoog tsho hab daa dej hab nwg yuav qas tsw huv txug tsaus ntuj.
11Tug kws muaj tej kua ndwg lug hov txhais teg kws tsw tau ntxuav kov raug leejtwg mas tug hov yuav tsum ntxhua nwg cev tsoog tsho hab daa dej hab nwg yuav qas tsw huv txug tsaus ntuj.
12Tej taig aav kws tug kws muaj tej kua ndwg lug hov kov raug lawd mas yuav muab tsoo pov tseg. Txhua yaam twj taig kws yog ntoo kuj yuav muab dej ntxuav huvsw.
13“ ‘Thaus tug kws muaj tej kua ndwg lug qhov mob zoo tsw ndwg lawm, nwg yuav suav kuas puv xyaa nub le ua kevcai ntxuav. Nwg yuav tsum ntxhua nwg cev tsoog tsho hab daa dej cag nwg txhad le huv.
14Nub kws yim nwg yuav tsum coj ob tug nquab taug lossws ob tug rhaws nquab nyeg tuaj rua ntawm Yawmsaub xubndag ntawm lub qhov rooj tsev ntaub sws ntswb, es muab rua tug pov thawj.
15Tug pov thawj yuav muab xyeem, muab ib tug ua kevcai xyeem daws txem, muab ib tug ua kevcai hlawv huvsw xyeem, hab tug pov thawj yuav ua kevcai ntxuav tug hov kev qas rua ntawm Yawmsaub xubndag vem nwg muaj tej kua ndwg lug.
16“ ‘Yog tug txwvneej twg cov kua phev ndwg lug mas nwg yuav tsum ntxuav ib ce huvsw hab nwg yuav qas tsw huv txug tsaus ntuj.
17Txhua daim tsoog tsho hab txhua yaam tawv tsaj kws kua phev ndwg lug lu mas yuav tsum muab ntxuav huv dej, hab tej ntawd yuav qas tsw huv txug tsaus ntuj.
18Yog quasyawg nrug quaspuj pw es kua phev lug mas ob leeg yuav tsum daa dej hab yuav qas tsw huv txug tsaus ntuj.
19“ ‘Thaus tug quaspuj twg coj ntxhua kws yog ua quaspuj txhua lub hli, nwg yuav qas tsw huv xyaa nub. Leejtwg kov raug nwg tug hov kuj qas tsw huv txug tsaus ntuj.
20Thaus tug puj hov tseed qas tsw huv, yog nwg pw lossws nyob quas tsawg ib yaam daabtsw, tej ntawd kuj qas tsw huv.
21Leejtwg kov raug nwg lub txaaj pw mas yuav tsum ntxhua nwg cev tsoog tsho hab daa dej hab nwg yuav qas tsw huv txug tsaus ntuj.
22Leejtwg kov raug ib yaam kws nwg nyob quas tsawg lawd mas tug hov yuav tsum ntxhua nwg cev tsoog tsho hab daa dej hab nwg yuav qas tsw huv txug tsaus ntuj.
23Txawm yog txaaj pw lossws ib yaam daabtsw kws tug puj hov nyob quas tsawg kuj xwj, thaus leejtwg kov raug lawm mas tug hov yuav qas tsw huv txug tsaus ntuj.
24Yog tug quasyawg twg nrug tug quaspuj hov pw hab nwg qhov qas tsw huv yuav tsuas tug quasyawg hov tes tug quasyawg hov yuav qas tsw huv xyaa nub, hab txhua lub txaaj kws nwg moog pw yuav qas tsw huv.
25“ ‘Yog tug quaspuj twg nchuav cev ntau ntau nub kws tsw yog lub swjhawm kws nwg ua quaspuj txhua lub hli, lossws yog nwg pheej nchuav cev dhau lub swjhawm kws nwg ua quaspuj, tes txhua nub kws nwg nchuav cev hov nwg kuj qas tsw huv ib yaam nkaus le lub swjhawm kws nwg ua quaspuj es qas tsw huv hab.
26Thaus nwg nchuav cev le ntawd mas txhua lub txaaj kws nwg pw hab txhua qhov kws nwg nyob quas tsawg kuj yuav qas tsw huv ib yaam nkaus le thaus nwg ua quaspuj es tej ntawd qas tsw huv.
27Yog leejtwg kov raug tej yaam nuav mas nwg yuav qas tsw huv tes nwg yuav tsum ntxhua nwg cev tsoog tsho hab daa dej hab nwg yuav qas tsw huv txug tsaus ntuj.
28“ ‘Tassws yog qhov kws nwg nchuav cev hov zoo lawm nwg yuav suav kuas puv xyaa nub nwg txhad le huv.
29Nub kws yim nwg yuav tsum coj ob tug nquab taug lossws ob tug rhaws nquab nyeg tuaj rua tug pov thawj ntawm lub qhov rooj tsev ntaub sws ntswb.
30Tug pov thawj yuav muab xyeem, muab ib tug ua kevcai xyeem daws txem, muab ib tug ua kevcai hlawv huvsw xyeem, hab tug pov thawj yuav ua kevcai ntxuav nwg kev qas rua ntawm Yawmsaub xubndag vem qhov kws nwg nchuav cev qas tsw huv lawm.
31“ ‘Ua le nuav mas meb txhad le cais tau cov Yixayee tawm ntawm tej kws ua rua puab qas tsw huv, sub puab txhad tsw tuag rua puab tej kev qas rua thaus kws puab ua qas puag tsuas kuv lub tsev ntaub kws nyob huv plawv puab.’ ”
32Nuav yog tej kevcai kws ntswg txug tej txwvneej kws muaj kua ndwg lug hab tej kws muaj kua phev ndwg lug kws ua rua nwg qas tsw huv,
33hab ntswg txug tej quaspuj kws ua mob quaspuj. Tej nuav puavleej ntswg txug cov quaspuj quasyawg kws muaj kua ndwg lug hab ntswg txug tug quasyawg kws nrug tug quaspuj kws qas tsw huv pw.