14

Xwbfwb Ahiya has Yelaunpau‑aa lub txem

¹Lub swjhawm ntawd Yelaunpau‑aa tug tub Anpiya mob, ²mas Yelaunpau‑aa txawm has rua nwg tug quaspuj tas, “Koj ca le hloov tsoog tsho xob kheev luas paub tas koj yog puj Yelaunpau‑aa, es moog rua lub moos Silau tsua qhov Ahiya kws ua xwbfwb cev Vaajtswv lug nyob hov ntawd. Nwg yog tug kws has rua kuv tas kuv yuav ua vaajntxwv kaav cov tuabneeg nuav. ³Koj ca le coj kaum lub ncuav hab ib txha ncuav qaab zwb hab ib nyuas miv hub zwb ntaab moog cuag nwg. Nwg yuav qha rua koj paub tas tug tub yuav zoo le caag.”
⁴Yelaunpau‑aa tug quaspuj kuj ua lawv le hov. Nwg sawv tseeg moog rua Silau moog txug Ahiya lub tsev. Ahiya tsw pum kev tsua qhov nwg laug laug, nwg qhov muag pum tsw meej lawm. ⁵Yawmsaub has rua Ahiya tas, “Saib maj, Yelaunpau‑aa quaspuj saamswm tuaj yuav nug koj txug nwg tug tub, vem nwg tug tub mob. Koj ca le has le nuav rua nwg.”
Thaus Yelaunpau‑aa quaspuj moog txug, nwg ua txuj yaam le nwg yog lwm tug le quaspuj. ⁶Tassws thaus Ahiya nov nwg xwb taw nrov tuaj txug ntawm qhov rooj Ahiya txawm has tas, “Puj Yelaunpau‑aa, ca le lug tsev. Ua caag koj yuav ua txuj yaam le yog lwm tug? Tsua qhov kuv tau lu lug kws yuav has tej xuv poob sab rua koj. ⁷Ca le moog has rua Yelaunpau‑aa tas, Yawmsaub kws yog cov Yixayee tug Vaajtswv has le nuav tas, ‘Kuv tub tsaa koj sawv huv cov pejxeem lug hab pub koj ua thawj kaav kuv cov tuabneeg Yixayee. ⁸Kuv tau dua lub tebchaws ntawm Tavi caaj ceg lug pub rua koj. Txawm le hov los koj tsw zoo le kuv tug qhev Tavi kws tuav rawv kuv tej lug nkaw hab ua lawv le kuv has kawg sab kawg ntsws, hab tsuas ua tej kws kuv pum raug cai xwb. ⁹Tassws koj tau ua phem heev dua lwm tug kws nyob ua koj ntej. Koj tau ua tej txoov daab hab nchuav tej txoov daab, ua rua kuv chim kawg le, muab kuv laim hlo rua tom koj qub qaab. ¹⁰Vem le nuav kuv yuav coj tej xwm txheej phem lug rua sau Yelaunpau‑aa caaj ceg, kuv yuav rhuav tshem txhua tug txwvneej ntawm Yelaunpau‑aa huvsw pov tseg tsw has qhev hab tej pejxeem huv cov Yixayee, hab yuav ntxuav kuas Yelaunpau‑aa caaj ceg tu noob nrho ib yaam le luas hlawv tej quav tsaj txhu kub nyab taag huvsw. ¹¹Yelaunpau‑aa cov tuabneeg kws tuag rua huv lub moos mas dev yuav noj. Cov kws tuag rua tom xub tsuag mas tej laj daav sau nruab ntug yuav noj, tsua qhov Yawmsaub has ca le nuav lawm.’ ¹²Koj ca le sawv rov qaab moog tsev. Thaus koj moog txug ncua huv koj lub moos mas tug tub yuav tu sav nrho. ¹³Mas cov Yixayee suavdawg yuav quaj ntsuag nwg hab muab nwg log. Tsua qhov Yelaunpau‑aa cov tuabneeg mas nwg tuab leeg txhad tuag muaj ntxaa xwb, tsua qhov huv Yelaunpau‑aa caaj ceg nwg tuab leeg ua tau tej yaam kws hum Yawmsaub kws yog cov Yixayee tug Vaajtswv lub sab. ¹⁴Yawmsaub tseed yuav tsaa ib tug vaajntxwv kaav cov Yixayee kws yuav rhuav tshem Yelaunpau‑aa caaj ceg nub nua ntaag, nub nua ntaag lauj.⚓
¹⁵“Yawmsaub yuav ntaus cov Yixayee, mas puab yuav zoo yaam nkaus le tej lojkov ua zug quas kais ntawm ntug dej. Nwg yuav muab cov Yixayee dob hlo tawm huv lub tebchaws zoo nuav kws nwg tub muab pub rua puab tej laug lawm, hab muab puab lawv tswv ua saab ua sua dhau plhawv moog rua saab dej Yufeti nub tuaj, tsua qhov puab tau ua tej ncej daab Asela txhad ua rua Yawmsaub chim. ¹⁶Nwg yuav muab cov Yixayee tso tseg tsua qhov Yelaunpau‑aa ua txhum hab coj cov Yixayee ua txhum.”
¹⁷Tes Yelaunpau‑aa quaspuj txawm sawv rov hlo moog mas lug txug lub moos Thilaxa. Thaus nwg lug txug ncua nwg lub paws rooj tes tug mivtub txawm tu sav nrho. ¹⁸Cov Yixayee suavdawg muab nwg log hab quaj ntsuag nwg, lawv le Yawmsaub cov lug kws nwg kuas nwg tug qhev Ahiya kws ua xwbfwb cev Vaajtswv lug has lawd.
¹⁹Lwm yaam num kws Yelaunpau‑aa ua, tej kws nwg moog ua rog hab tej kws nwg kaav tebchaws mas tub muab sau ca rua huv phoo ntawv kws has txug cov Yixayee tej vaajntxwv le keeb kwm. ²⁰Yelaunpau‑aa kaav tebchaws tau neeg nkaum ob xyoos, mas nwg le tuag moog nrug nwg tej laug nyob. Nwg tug tub Nanta sawv nwg chaw ua vaajntxwv kaav.

Lehaunpau‑aa ua vaajntxwv kaav Yuta

(2VKk. 12:9-16)

²¹Lehaunpau‑aa kws yog Xalaumoo tug tub ua vaajntxwv kaav Yuta. Thaus Lehaunpau‑aa chiv ua vaajntxwv kaav tebchaws hov nwg noob nyoog muaj plaub caug ib xyoos. Nwg nyob huv Yeluxalee kaav tau kaum xyaa xyoo, yog lub nroog kws Yawmsaub xaiv huv txhua xeem Yixayee lug ca ua lub chaw rua nwg lub npe nyob. Lehaunpau‑aa nam npe hu ua Na‑ama kws yog tuabneeg Aamoo. ²²Cov Yuta ua tej kws Yawmsaub pum tas phem, puab tau ua txhum ntau dua tej kev txhum kws puab tej laug ua zwg rua Yawmsaub khib. ²³Tsua qhov puab ua tej chaw sab teev daab hab ua tej ncej daab hab ua tej ncej daab Asela rua sau txhua lub pov roob hab ua rua huv qaab txhua tug ntoo ntsuab. ²⁴Hab muaj cov quasyawg muag cev ntawm tej tsev daab thoob lub tebchaws. Puab ua kev qas vuab tsuab yaam le lwm haiv tuabneeg kws Yawmsaub tub lawv tawm ntawm cov Yixayee hauv ntej moog lawm.
²⁵Thaus Lehaunpau‑aa ua vaajntxwv tau tswb xyoos mas Sisab kws ua vaajntxwv huv Iyi tebchaws txawm tuaj ua rog rua lub nroog Yeluxalee. ²⁶Nwg muab tej nyaj txag hov txhua chaw huv Yawmsaub lub tuam tsev hab huv vaajntxwv lub tsev lws huvsw coj moog. Nwg kuj coj tej daim phaj kub thaiv kws Xalaumoo ua huvsw moog. ²⁷Mas vaajntxwv Lehaunpau‑aa tsua muab tooj lab ua tej daim phaj lug swv nyob chaw hab muab cov daim phaj hov cob rua cov thawj rog kws zuv vaajntxwv lub qhov rooj. ²⁸Txhua zag kws vaajntxwv moog rua huv Yawmsaub lub tuam tsev cov tub rog kuj tuav cov daim phaj hov tawm tuaj hab coj rov qaab moog khaws ca rua huv lub tsev kws cov tub rog zuv khuav nyob.
²⁹Lwm yaam num kws Lehaunpau‑aa ua, txhua yaam kws nwg ua mas tub muab sau ca rua huv phoo ntawv kws has txug cov Yuta tej vaajntxwv le keeb kwm. ³⁰Lehaunpau‑aa hab Yelaunpau‑aa pheej sws ua rog tsw tu le. ³¹Lehaunpau‑aa tuag moog nrug nwg tej laug nyob. Puab muab nwg log nrug nwg tej laug ua ke rua huv Tavi lub nroog. Nwg nam npe hu ua Na‑ama kws yog tuabneeg Aamoo. Mas nwg tug tub Anpiyaa sawv nwg chaw ua vaajntxwv kaav.

14

Yelaunpau-as Tus Tub Tuag

¹Thaum lub sijhawm uas Vajntxwv Yelaunpau-as tus tub Anpiyas mob hnyav heev lawm. ²Yelaunpau-as hais rau nws tus pojniam hais tias, “Koj cia li tu cev kom tsis txhob muaj leejtwg paub koj thiab mus rau pem lub nroog Silaus uas yog tus cev Vajtswv lus Ahiyas nyob; nws yog tus uas thaum ub hais tias, kuv yuav tau ua vajntxwv kav tebchaws Yixalayees. ³Koj nqa kaum lub ncuav ib co ncuav phom thiab ib lamhwj zib ntab mus rau nws. Nug nws saib yuav muaj dabtsi tshwmsim rau wb tus tub, ces nws yuav qhia rau koj.”
⁴Yog li ntawd, nws thiaj mus cuag Ahiyas rau pem lub nroog Silaus, thaum uas Ahiyas twb laus heev thiab qhovmuag tsis pom kev lawm. ⁵Tus TSWV hais rau Ahiyas hais tias, “Yelaunpau-as tus pojniam tabtom sawv kev tuaj cuag koj, nug txog nws tus tub, vim nws tus tub mob hnyav heev. Koj teb li no rau nws.”
Thaum Yelaunpau-as tus pojniam tuaj txog ntua, nws ua txuj ua li nws tsis yog Yelaunpau-as tus pojniam. ⁶Tiamsis thaum Ahiyas hnov nws tuaj txog ntawm taw rooj, Ahiyas txawm hu hais tias, “Los tsev, kuv twb paub koj lawm, koj yog Yelaunpau-as tus pojniam. Vim li cas koj ua txuj ua li uas koj yog lwm tus? Kuv muaj xov tsis zoo yuav qhia rau koj paub. ⁷Cia li rov qab mus qhia rau Yelaunpau-as hais tias tus TSWV uas yog cov Yixalayees tus Vajtswv hais li no: ‘Nyob hauv haivneeg Yixalayees mas kuv yeej xaiv koj thiab tsa koj los ua tus kav kuv haivneeg Yixalayees. ⁸Kuv twb tshem lub tebchaws ntawm Daviv cov xeebntxwv los thiab muab cob rau koj lawm. Tiamsis koj tsis ua koj lub neej zoo li kuv tus tubtxib Daviv, tus uas hwm kuv, mloog kuv lus thiab ua raws li tej uas kuv kom nws ua. ⁹Koj tseem ua txhaum loj tshaj cov neeg uas ua nom kav ua ntej koj lawm thiab. Koj tso kuv tseg mus puab mlom thiab nchuav tej mlom tooj los pe ua rau kuv chim. ¹⁰Vim li no, kuv yuav tso sub tawg sub ntsha los rau koj tsevneeg, thiab kuv yuav muab cov txivneej uas yog koj cajces tua kom tuag tas, kuv yuav ua rau cov laus thiab cov hluas ib yam nkaus. Kuv yuav muab koj tsevneeg ua kom tu noob nrho; luag yuav tuaj muab lawv cheb mus povtseg ib yam li cheb tej plua tshauv. ¹¹Koj tsevneeg txhua tus uas tuag rau hauv nroog, dev yuav tuaj muab noj kom tas huv tibsi, thiab txhua tus uas tuag rau tom tej nras los dav npoj yuav los muab noj kom tas. Kuv uas yog tus TSWV yog tus uas hais tej lus no ntag.’ ”
¹²Ahiyas hais rau Yelaunpau-as tus pojniam hais tias, “Koj cia li rov qab mus tsev tamsim no. Thaum koj mus txog ntua hauv lub nroog, koj tus tub yuav tu siav nrho. ¹³Cov Yixalayees yuav tuaj quaj nyiav nws thiab muab nws coj mus faus. Yelaunpau-as tsevneeg tsuas yog nws tus tub tib leeg thiaj li muab faus muaj ntxa, rau qhov tus TSWV uas yog cov Yixalayees tus Vajtswv txaus siab rau nws nkaus xwb. ¹⁴Tus TSWV yuav tsa dua ib tug vajntxwv los kav haivneeg Yixalayees, nws yuav muab Yelaunpau-as tsevneeg tua kom tuag tu noob nrho. ¹⁵Tus TSWV yuav rau txim rau cov Yixalayees, thiab lawv yuav tshee ua zog koog ib yam li tej tauj uas nyob hauv hav dej. Nws yuav muab cov Yixalayees ntiab tawm hauv lub tebchaws zoo tshaj plaws uas nws muab rau lawv cov yawgkoob mus, thiab nws yuav muab lawv raws kom khiav dhau plaws tus dej Efalates mus rau sab tim ub, vim lawv tau puab tej mlom pojniam Aselas los pe ua rau tus TSWV chim heev. ¹⁶Vim Yelaunpau-as tau ua txhaum thiab nws coj cov Yixalayees mus ua kev txhaum, tus TSWV thiaj muab cov Yixalayees tso povtseg lawm.”
¹⁷Ces Yelaunpau-as tus pojniam txawm rov qab los rau hauv lub nroog Tilexas. Thaum nws los txog ntua hauv tsev, nws tus tub tu siav nrho. ¹⁸Cov Yixalayees thiaj tuaj quaj nyiav thiab muab nws coj mus faus raws li tus TSWV tau hais rau nws tus tubtxib Ahiyas uas yog tus cev Vajtswv lus lawm.

Yelaunpau-as Tuag

¹⁹Dua li lwm yam uas Vajntxwv Yelaunpau-as ua tas los, nws tej kev ntaus rog thiab tej kev tswjhwm puavleej muab sau cia rau hauv Phau Ntawv Keebkwm uas teev cov Yixalayees cov Vajntxwv lub neej lawm. ²⁰Yelaunpau-as ua vajntxwv kav tebchaws Yixalayees tau nees nkaum xyoo. Nws tuag thiab luag coj nws mus faus, thiab nws tus tub Nadas ua vajntxwv hloov nws chaw.

Cov Yudas tus Vajntxwv Lehaunpau-as

(2 Xwmtxheej Vajntxwv 11.5–12.15)

²¹Thaum Xalumoos tus tub Lehaunpau-as ua vajntxwv kav tebchaws Yudas, nws hnubnyoog muaj plaub caug ib xyoos. Nws ua vajntxwv tau kaum xya xyoo nyob hauv lub nroog Yeluxalees uas tus TSWV xaiv hauv tebchaws Yixalayees los ua qhov chaw rau sawvdaws tuaj pehawm tus TSWV. Lehaunpau-as niam hu ua Na-amas thiab yog neeg Amoos.
²²Cov Yudas tau ua txhaum ntau yam rau tus TSWV thiab ua rau nws chim heev tshaj li thaum ub lawv cov yawgkoob tau ua los lawm. ²³Lawv ua tej chaw teev dab, txhos ncej zeb thiab puab mlom Aselas rau lawv pe saum tej ncov roob thiab hauv tej qab ntoo. ²⁴Tsis tas li ntawd xwb, tseem muaj cov txivneej thiab cov pojniam uas pheej mus ua niamntiav thiab txivntiav hauv tej tsev teev dab ntawd. Cov Yudas tau ua tej kev phem kev qias li cov neeg thaum ub uas tus TSWV muab ntiab tawm hauv lub tebchaws mus ua ntej cov Yixalayees los nyob.
²⁵Thaum Lehaunpau-as ua vajntxwv tau tsib xyoos lawm, Vajntxwv Sisaj uas kav tebchaws Iziv txawm tuaj tua lub nroog Yeluxalees. ²⁶Nws coj tagnrho tej nyiaj uas muab tso rau hauv lub Tuamtsev thiab hauv lub loog thiab tej thaiv hniav ntaj uas Xalumoos muab kub nchuav ua huv tibsi mus lawm. ²⁷Vajntxwv Lehaunpau-as mam li nchuav dua ib co thaiv hniav ntaj tooj los hloov cov ntawd chaw, thiab muab rau cov tub fajxwm uas zov tej roojvag tau siv. ²⁸Txhua zaus uas vajntxwv mus hauv lub Tuamtsev, cov tub fajxwm yeej nqa rawv cov thaiv hniav ntaj tooj ntawd nrog nws mus thiab coj rov los cia rau hauv cov tub fajxwm tej chaw.
²⁹Dua li lwm yam uas Vajntxwv Lehaunpau-as ua tas los, puavleej muab sau cia rau hauv Phau Ntawv Keebkwm uas teev cov Yudas cov Vajntxwv lub neej lawm. ³⁰Txij thaum ntawd los Lehaunpau-as thiab Yelaunpau-as nkawd ib tug pheej ua rog rau ib tug tas nkawd tiam neej li. ³¹Lehaunpau-as tuag thiab luag muab nws coj mus faus rau ntawm cov vajntxwv lub toj ntxas hauv Daviv lub nroog (nws niam hu ua Na-amas thiab yog neeg Amoos), thiab nws tus tub Anpiyas ua vajntxwv hloov nws chaw.