17
Eliya hab ntuj qhuav
1Eliya kws yog tuabneeg Thinpi nyob huv lub moos Thinpi huv Kile‑a tebchaws has rua Ahaj tas, “Muaj cov Yixayee tug Vaajtswv Yawmsaub kws kuv ua koom rua muaj txujsa nyob pum, ob peb xyoos tom ntej nuav yeej yuav tsw muaj lwg tsw muaj naag lug le tsuas yog kuv has kuas muaj tes txhad muaj xwb.”
2Tes Yawmsaub has lug tuaj rua Eliya tas,
3“Ca le tawm ntawm nuav moog rua saab nub tuaj, moog nraim cev rua ntawm ntug dej Kheli kws nyob ntawm tug dej Yalatee saab nub tuaj.
4Koj yuav haus tug dej hov hab kuv tub has kuas cov uab voj tuaj yug koj hov ntawd.”
5Tes Eliya txawm moog hab ua lawv le Yawmsaub has. Nwg moog nyob ntawm ntug dej Kheli kws nyob ntawm tug dej Yalatee saab nub tuaj.
6Tes thaus taagkig hab thaus tsaus ntuj uab voj txawm kwv ncuav hab nqaj tuaj rua nwg noj, hab nwg haus tug dej ntawd.
7Tes tsw ntev tug dej hov txawm qhuav vem yog naag tsw lug rua huv lub tebchaws le.
Eliya hab tug puj ntsuag huv Xalefa
8Mas Yawmsaub has lug tuaj rua Eliya tas,
9“Ca le sawv tseeg moog rua lub moos Xalefa kws zwm rua lub moos Xaintoo hab nyob hov ntawd. Kuv tub has kuas ib tug puj ntsuag kws nyob hov ntawd yug koj lawm.”
10Nwg txawm sawv tseeg moog rua lub moos Xalefa. Thaus nwg moog txug ntawm rooj loog na cav ib tug puj ntsuag saamswm khaws tawg. Nwg txawm has rua tug puj hov tas, “Thov koj nqaa ib taig dej tuaj rua kuv, kuv txhad le tau haus.”
11Thaus tug puj hov yuav moog nqaa dej tuaj, nwg txawm hu tug puj hov tas, “Thov coj ib qho ncuav huv txhais teg tuaj rua kuv hab.”
12Tug puj hov teb tas, “Muaj Yawmsaub kws yog koj tug Vaajtswv muaj txujsa nyob pum, kuv tsw muaj ib lub ncuav daabtsw kws cub lawm, tsuas muaj ib taus teg moov huv lub taig hab mivntswv roj huv lub laam fwj xwb. Nwgnuav kuv saamswm khaws mivntswv tawg nuav coj moog npaaj rua kuv hab kuv tug tub ib noj taag es yuav tuag.”
13Eliya txawm has rua nwg tas, “Koj tsw xob ntshai, ca le moog ua lawv le koj has. Tassws koj ca le ua ib lub nyuas ncuav miv miv coj tuaj rua kuv tsaiv, le maav ua rua koj hab koj tug tub.
14Tsua qhov Yawmsaub kws yog cov Yixayee tug Vaajtswv has le nuav tas, ‘Cov moov huv lub taig yuav tsw taag, cov roj huv lub laam fwj yuav tsw tu moog txug nub kws Yawmsaub tso naag lug rua huv lub tebchaws.’ ”
15Tug puj hov txawm moog ua lawv le Eliya has. Mas Eliya hab tug puj hov hab nwg tsev tuabneeg kuj noj tau ntau nub.
16Cov moov huv lub taig kuj tsw taag, cov roj huv lub laam fwj kuj tsw tu, lawv le Yawmsaub tej lug kws nwg has rua Eliya.
17Dhau ntawd lug tug puj kws yog tswv tsev hov tug tub txawm mob mas mob nyaav heev tsw muaj sa lawm.
18Nwg txawm has rua Eliya tas, “Au Vaajtswv tug tuabneeg, kuv thaab txug koj daabtsw? Koj tuaj rua ntawm kuv ua kuas ncu txug kuv tej kev txhum es ua rua kuv tug tub tuag.”
19Eliya has rua nwg tas, “Muab koj tug tub lug rua kuv.” Nwg txawm muab tug tub hov huv tug puj xubndag puag nkaus nce moog rua txheej tsev sau huv lub txaaj kws nwg nyob, hab muab tso pw rua sau nwg lub txaaj.
20Eliya thov hu Yawmsaub has tas, “Au Yawmsaub kws yog kuv tug Vaajtswv, koj coj tej xwm txheej phem lug raug tug puj ntsuag kws kuv nrug nwg nyob nuav es muab nwg tug tub tua pov tseg lov?”
21Tes nwg txawm pw tsuam tug mivnyuas hov peb zag, hab quaj thov Yawmsaub tas, “Au Yawmsaub kws yog kuv tug Vaajtswv, thov tug mivnyuas nuav tug ntsuj plig rov lug rua huv nwg.”
22Yawmsaub noog Eliya tej lug thov, mas tug mivnyuas tug ntsug plig txhad rov lug rua huv nwg, nwg txhad rov caj sa.
23Tes Eliya txawm puag tug mivnyuas nqeg txheej sau lug rua huv lub tsev hab muab tug mivnyuas rua leej nam. Eliya has tas, “Saib nawj, koj tug tub tseed muaj txujsa nyob.”
24Tug puj hov has rua Eliya tas, “Nwgnuav kuv paub tseeb tas koj yog Vaajtswv tug tuabneeg, hab Yawmsaub tej lug kws nyob huv koj lub qhov ncauj muaj tseeb.”
17
Eliya thiab ntuj qhuav
1Eliya uas yog neeg Thinpi nyob hauv lub moos Thinpi hauv Kile‑a tebchaws hais rau Ahaj tias, “Muaj cov Yixayee tus Vajtswv Yawmsaub uas kuv ua koom tu muaj txojsia nyob pom, ob peb xyoos tom ntej no yeej yuav tsis muaj lwg tsis muaj nag los li tsuas yog kuv hais kom muaj ces thiaj muaj xwb.”
2Ces Yawmsaub hais lus tuaj rau Eliya tias,
3“Cia li tawm ntawm no mus rau sab hnub tuaj, mus nraim cev rau ntawm ntug dej Kheli uas nyob ntawm tus dej Yaladee sab hnub tuaj.
4Koj yuav haus tus dej ntawd thiab kuv twb hais kom cov uab lag tuaj yug koj qhov ntawd.”
5Ces Eliya txawm mus thiab ua raws li Yawmsaub hais. Nws mus nyob ntawm ntug dej Kheli uas nyob ntawm tus dej Yaladee sab hnub tuaj.
6Ces thaum tagkis thiab thaum tsaus ntuj uab lag txawm kwv ncuav thiab nqaij tuaj rau nws noj, thiab nws haus tus dej ntawd.
7Ces tsis ntev tus dej ntawd txawm qhuav vim yog nag tsis los rau hauv lub tebchaws li.
Eliya thiab tus poj ntsuam hauv Xalefa
8Mas Yawmsaub hais lus tuaj rau Eliya tias,
9“Cia li sawv tsees mus rau lub moos Xalefa uas zwm rau lub moos Xaidoo thiab nyob qhov ntawd. Kuv twb hais kom ib tug poj ntsuam uas nyob qhov ntawd yug koj lawm.”
10Nws txawm sawv tsees mus rau lub moos Xalefa. Thaum nws mus txog ntawm rooj loog ua ciav ib tug poj ntsuam tabtom khaws taws. Nws txawm hais rau tus pojniam ntawd tias, “Thov koj nqa ib tais dej tuaj rau kuv, kuv thiaj li tau haus.”
11Thaum tus pojniam ntawd yuav mus nqa dej tuaj, nws txawm hu tus pojniam ntawd tias, “Thov coj ib qho ncuav hauv txhais tes tuaj rau kuv thiab.”
12Tus pojniam ntawd teb tias, “Muaj Yawmsaub uas yog koj tus Vajtswv muaj txojsia nyob pom, kuv tsis muaj ib lub ncuav dabtsi uas cub lawm, tsuas muaj ib taus tes hmoov hauv lub tais thiab mentsis roj hauv lub lam hwj xwb. Nimno kuv tabtom khaws mentsis taws no coj mus npaj rau kuv thiab kuv tus tub wb noj tag es yuav tuag.”
13Eliya txawm hais rau nws tias, “Koj tsis txhob ntshai, cia li mus ua raws li koj hais. Tiamsis koj cia li ua ib lub nyuag ncuav me me coj tuaj rau kuv tso, mam li ua rau koj thiab koj tus tub.
14Rau qhov Yawmsaub uas yog cov Yixayee tus Vajtswv hais li no tias, ‘Cov hmoov hauv lub tais yuav tsis tag, cov roj hauv lub lam hwj yuav tsis tu mus txog hnub uas Yawmsaub tso nag los rau hauv lub tebchaws.’ ”
15Tus pojniam ntawd txawm mus ua raws li Eliya hais. Mas Eliya thiab tus pojniam ntawd thiab nws tsev neeg kuj noj tau ntau hnub.
16Cov hmoov hauv lub tais kuj tsis tag, cov roj hauv lub lam hwj kuj tsis tu, raws li Yawmsaub tej lus uas nws hais rau Eliya.
17Dhau ntawd los tus pojniam uas yog tswv tsev ntawd tus tub txawm mob mas mob hnyav heev tsis muaj sia lawm.
18Nws txawm hais rau Eliya tias, “Au Vajtswv tus neeg, kuv thab txog koj dabtsi? Koj tuaj rau ntawm kuv ua kom nco txog kuv tej kev txhaum es ua rau kuv tus tub tuag.”
19Eliya hais rau nws tias, “Muab koj tus tub los rau kuv.” Nws txawm muab tus tub ntawd hauv tus pojniam xubntiag puag nkaus nce mus rau txheej tsev saud hauv lub txaj uas nws nyob, thiab muab tso pw rau saum nws lub txaj.
20Eliya thov hu Yawmsaub hais tias, “Au Yawmsaub uas yog kuv tus Vajtswv, koj coj tej xwm txheej phem los raug tus poj ntsuam uas kuv nrog nws nyob no es muab nws tus tub tua pov tseg lov?”
21Ces nws txawm pw tsuam tus menyuam ntawd peb zaug, thiab quaj thov Yawmsaub tias, “Au Yawmsaub uas yog kuv tus Vajtswv, thov tus menyuam no tus ntsuj plig rov los rau hauv nws.”
22Yawmsaub mloog Eliya tej lus thov, mas tus menyuam tus ntsug plig thiaj rov los rau hauv nws, nws thiaj rov ciaj sia.
23Ces Eliya txawm puag tus menyuam nqes txheej saud los rau hauv lub tsev thiab muab tus menyuam rau leej niam. Eliya hais tias, “Saib nawj, koj tus tub tseem muaj txojsia nyob.”
24Tus pojniam ntawd hais rau Eliya tias, “Nimno kuv paub tseeb tias koj yog Vajtswv tus neeg, thiab Yawmsaub tej lus uas nyob hauv koj lub qhov ncauj muaj tseeb.”