20

Ahaj ntaus yeej cov Alas

¹Cov Alas tus vajntxwv Npeehada sau nws cov tub rog huvsi tuaj ua ke. Muaj peb caug ob tug vajntxwv nrog nws mus thiab nws muaj nees thiab tsheb ua rog. Nws mus vij lub nroog Xamali thiab ua rog rau lub nroog ntawd. ²Nws tso tej tub tshaj xo mus rau hauv cov Yixayee tus vajntxwv Ahaj lub nroog mus hais rau vajntxwv tias, “Npeehada hais li no tias, ³‘Koj tej nyiaj tej kub yog kuv li, koj tej pojniam thiab koj tej menyuam uas zoo kawg yog kuv li.’ ” ⁴Cov Yixayee tus vajntxwv teb tias, “Vajntxwv uas yog kuv tus tswv, yeej yog li uas koj hais ntag, kuv yeej yog koj li, tej uas kuv muaj yeej yog koj li.” ⁵Cov uas tshaj xo rov qab tuaj hais tias, “Npeehada hais li no tias, ‘Kuv twb xa xov rau koj tias koj cia li xa nyiaj xa kub xa koj pojniam menyuam mus rau kuv. ⁶Mas tagkis kwvlam lub sijhawm no kuv yuav xa kuv cov tub teg tub taws tuaj cuag koj. Lawv yuav tuaj xawb koj vaj koj tsev thiab xawb koj tej nom tswv tej vaj tse, mas tej uas koj nyiam lawv yuav txeeb coj huvsi mus.’ ”
⁷Ces Yixayee tus vajntxwv txawm hu cov kev txwj laus hauv lub tebchaws tuaj mas hais tias, “Sim saib, tus yawg ntawd nrhiav kev tuaj txob plaub rau peb. Nws tso neeg tuaj yuav muab kuv tej pojniam menyuam thiab kuv tej nyiaj tej kub los kuv tsis kwv tsis tawv li.” ⁸Mas cov kev txwj laus thiab cov pejxeem sawvdaws hais rau vajntxwv tias, “Tsis txhob mloog nws tsis txhob yeem li.” ⁹Nws thiaj hais rau Npeehada tej tub tshaj xo tias, “Nej cia li hais rau vajntxwv uas yog kuv tus tswv tias, ‘Txhua yam uas thawj zaug nws kom kuv uas yog nws tus qhev muab rau nws ntawd mas kuv muab tau rau nws, tiamsis tej lus uas nws hais zaum tom qab no mas kuv ua tsis tau.’ ” Mas cov tub tshaj xo rov mus hais rau Npeehada li ntawd. ¹⁰Mas Npeehada xa xov rov tuaj dua hais tias, “Yog cov hmoov av hauv Xamali no txaus cov neeg uas nrog kuv tuaj ib leeg tsuab ib taus tes mas thov cia tej dab ntuj dab teb rau txim rau kuv hnyav dua.” ¹¹Mas cov Yixayee tus vajntxwv teb mus tias, “Cia li hais rau Npeehada tias, ‘Tus uas tseem tabtom muab cuab yeej ua rog hnav tsis txhob khav theeb yam li tus uas twb ua rog tiav es muab cuab yeej ua rog hle lawm.’ ” ¹²Npeehada hnov tej lus no rau thaum nws tabtom nrog cov vajntxwv haus cawv txiv hmab ua ke hauv lawv lub tsev ntaub, nws txawm txhib nws cov tub rog tias, “Cia li npaj kom txhij.” Mas lawv thiaj npaj txhij zog yuav ntaus lub nroog ntag.
¹³Muaj ib tug xibhwb cev Vajtswv lus tuaj cuag cov Yixayee tus vajntxwv Ahaj thiab hais tias, “Yawmsaub hais li no tias, ‘Koj pom cov tub rog coob li no los tsis pom? Saib maj, hnub no kuv yuav muab lawv rau hauv koj txhais tes, koj thiaj yuav paub tias kuv yog Yawmsaub.’ ” ¹⁴Mas Ahaj hais tias, “Leejtwg yuav mus ntaus?” Tus xibhwb hais tias, “Yawmsaub hais li no tias, ‘Cov thawj uas kav hauv txhua lub xeev li tub rog hluas yuav mus ntaus ua ntej.’ ” Ahaj hais tias, “Tog twg yuav nqes tes ua ntej?” Tus xibhwb teb tias, “Koj tog yuav nqes tes ua ntej.” ¹⁵Ahaj thiaj li txhij tau cov thawj uas kav hauv txhua lub xeev li tub rog hluas muaj ob puas peb caug ob leeg, thiab tom qab txhij tag nrho cov Yixayee li tub rog huvsi tau xya txhiab leej.
¹⁶Lawv tawm mus rau thaum tav su mas Npeehada thiab peb caug ob tug vajntxwv uas pab nws tabtom haus cawv qaug rau hauv tej tsev ntaub. ¹⁷Cov thawj hauv txhua lub xeev li tub rog hluas xub ua ntej mus. Npeehada kuj xa ib co mus tshuaj saib mas lawv rov qab los hais rau nws tias, “Muaj neeg tawm hauv Xamali tuaj lawm.” ¹⁸Nws hais tias, “Yog lawv tuaj dawb tuaj huv kuj muab lawv ntes ciaj cia. Yog lawv tuaj ua rog kuj muab lawv ntes ciaj cia thiab.”
¹⁹Mas cov thawj hauv txhua lub xeev li tub rog thiaj li tawm hauv lub nroog mus, thiab cov tub rog sawvdaws kuj tawm raws qab mus. ²⁰Ib leeg tua ib tug yeeb ncuab ces cov Alas txawm thim khiav mas cov Yixayee caum lawv mus. Cov Alas tus vajntxwv Npeehada txawm caij nees nrog cov tub rog caij nees khiav mus lawm. ²¹Cov Yixayee tus vajntxwv tawm mus ntaus yeej cov nees thiab cov tsheb ua rog thiab tua tau cov Alas tuag coob kawg li.
²²Mas tus xibhwb cev Vajtswv lus thiaj tuaj cuag cov Yixayee tus vajntxwv thiab hais rau nws tias, “Cia li rov qab mus tsev mus npaj zog thiab ntaus tswvyim zoo zoo saib yuav ua li cas, rau qhov thaum lub ntuj qhua vajntxwv Alas yuav rov qab tuaj ntaus nej dua thiab.”
²³Alas cov tub teg tub taws hais rau vajntxwv tias, “Cov Yixayee tej timtswv yog tej timtswv nruab roob lawv thiaj muaj zog dua peb. Cia peb mus ntaus lawv rau nram tiaj mas peb yuav muaj zog dua lawv tiag tiag li. ²⁴Koj cia li ua li no, muab cov vajntxwv hle huvsi es tsa cov thawj rog nyob lawv chaw. ²⁵Koj cia li sau tub rog kom tau npaum li qub, thiab sau nees thiab tsheb ua rog ntxiv rau cov uas poob tag lawm, mas peb yuav mus ntaus lawv rau nram tiaj mas peb yeej yuav muaj zog dua lawv tiag tiag li.” Npeehada kuj mloog lawv lus thiab ua raws li lawv hais ntawd.
²⁶Thaum txog lub caij ntuj qhua Npeehada thiaj li txhij cov Alas ua tub rog nce mus rau lub moos Afe yuav ua rog rau cov Yixayee. ²⁷Mas cov Yixayee kuj raug sau ua tub rog thiab npaj mov noj mus ua rog rau cov Alas. Cov Yixayee ua yeej nyob yam li ob pab nyuag tshis tsawg tsawg ncaj ntawm cov Alas xubntiag, tiamsis cov Alas mas nyob puv nkaus tej nras tiaj ntawd. ²⁸Vajtswv li ib tug neeg tuaj hais rau cov Yixayee tus vajntxwv tias, “Yawmsaub hais li no tias, ‘Cov Alas hais tias Yawmsaub yog timtswv nruab roob xwb nws tsis yog timtswv nruab tiag. Vim li no kuv yuav muab pab neeg coob coob ntawd rau hauv koj txhais tes, mas koj yuav paub tias kuv yog Yawmsaub.’ ” ²⁹Mas lawv ob tog ua yeej nyob sib ncaj tau xya hnub, mas hnub uas xya thiaj li ua rog. Cov Yixayee tua cov Alas uas ua tub rog mus kotaw tuag 100,000 leej rau hnub ntawd. ³⁰Cov uas tshuav kuj khiav mus rau hauv lub moos Afe, mas lub ntsa loog ntawd kuj pob tais tuag ob vam xya txhiab leej thiab.
Npeehada kuj khiav mus thiab nws khiav mus nyob hauv ib chav tsev hauv lub plawv moos ntawd. ³¹Mas nws cov tub teg tub taws hais rau nws tias, “Peb hnov tias Yixayee tej vajntxwv yog cov uas muaj lub siab khuvleej. Cia peb muab khaub seev tsaj los sia thiab muab ib co hlua los rig peb taubhau ces peb tawm mus cuag cov Yixayee tus vajntxwv, tej zaum nws yuav tseg koj txojsia cia.”
³²Lawv thiaj muab khaub seev tsaj los sia thiab muab hlua rig taubhau mas mus cuag cov Yixayee tus vajntxwv thiab hais tias, “Npeehada uas yog koj tus qhev hais tias, ‘Thov tseg kuv txojsia cia.’ ” Mas vajntxwv teb tias, “Nws tseem ciaj sia thiab lov? Nws yog kuv kwv kuv tij.” ³³Cov neeg ntawd tabtom tos ntsoov saib Ahaj yuav teb li cas ces lawv txawm khaws vajntxwv cov lus ntawd mas teb nplawg ntia tias, “Yog li uas koj hais tiag, Npeehada yeej yog koj kwvtij.” Mas vajntxwv hais tias, “Mus coj nws tuaj.” Ces Npeehada txawm tawm tuaj cuag Ahaj, ces Ahaj txawm kom Npeehada nce mus rau hauv nws lub tsheb ua rog. ³⁴Ces Npeehada hais rau Ahaj tias, “Tej moos uas kuv txiv txeeb tau ntawm koj txiv los ntawd kuv muab thim rov qab rau koj. Koj yuav ua tsev kiab tsev khw rau hauv lub nroog Damaxaka kuj tau ib yam li kuv txiv tau ua rau hauv lub nroog Xamali.” Mas Ahaj hais tias, “Yog koj cog lus tseg li no kuv yuav tso koj dim.” Ahaj thiaj nrog Npeehada sib cog lus thiab muab nws tso mus.
³⁵Yawmsaub hais rau ib tug xibhwb cev Vajtswv lus kom nws hais rau tib pab xibhwb ntawd ib tug hais tias, “Thov koj ntaus kuv ib teg.” Tiamsis tus yawg ntawd tsis kam ntaus nws. ³⁶Ces nws txawm hais rau tus yawg ntawd tias, “Vim koj tsis mloog Yawmsaub tej lus mas thaum koj ncaim ntawm kuv mus lawd ib tug tsov ntxhuav yuav tom koj tuag.” Thaum nws ncaim ntawm tus xibhwb ntawd mus lawd ib tug tsov ntxhuav txawm los muab nws tom tuag lawm. ³⁷Mas tus xibhwb ntawd nrhiav tau dua ib tug yawg ces nws hais tias, “Thov koj ntaus kuv ib teg.” Tus yawg ntawd txawm muab tus xibhwb ntawd ntaus ntsuab ib qho. ³⁸Tus xibhwb cev Vajtswv lus thiaj mus lawm, nws mus tos vajntxwv ntawm ntug kev. Nws muab ntaub qhwv nws lub qhov muag tsis muaj leejtwg paub nws lawm. ³⁹Thaum vajntxwv taug kev los nws txawm qw rau vajntxwv tias, “Kuv uas yog koj tus qhev mus rau hauv tshav rog mas muaj ib tug tub rog tig rov los coj ib tug txivneej los rau kuv thiab hais rau kuv tias, ‘Zov tus yawg no cia zoo zoo. Yog nws dim tau li cas mus lawd mas yuav muab koj txojsia pauv nws txoj lossis koj yuav tsum them ib tala nyiaj.⚓’ ⁴⁰Ces thaum kuv tseem tab kaum rau qhov ub qhov no nws txawm ploj lawm.” Cov Yixayee tus vajntxwv txawm hais rau nws tias, “Koj yuav raug txim yam nkaus li ntawd ntag. Rau qhov koj twb hais li ntawd lawm.” ⁴¹Ces tus xibhwb txawm daws kiag daim ntaub uas npog nws qhov muag, ces cov Yixayee tus vajntxwv thiaj cim tau tias nws yog ib tug xibhwb cev Vajtswv lus. ⁴²Ces tus xibhwb thiaj hais rau nws tias, “Yawmsaub hais li no tias, ‘Vim koj tau tso tus yawg uas nyob hauv koj txhais tes mus lawm, yog tus uas kuv tu kom muab ua puam tsuaj, mas koj txojsia yuav pauv nws txojsia, thiab koj cov neeg yuav tuag theej nws cov neeg.’ ” ⁴³Mas cov Yixayee tus vajntxwv mus rau hauv nws lub vaj lub tsev hauv Xamali nyuaj siab kawg chim ntsej muag tsaus nti.

20

Ahaj ntaus yeej cov Alaa

¹Cov Alaa tug vaajntxwv Npeehanta sau nwg cov tub rog huvsw tuaj ua ke. Muaj peb caug ob tug vaajntxwv nrug nwg moog hab nwg muaj neeg hab tsheb ua rog. Nwg moog vej lub nroog Xamali hab ua rog rua lub nroog hov. ²Nwg tso tej tub tshaaj xuv moog rua huv cov Yixayee tug vaajntxwv Ahaj lub nroog moog has rua vaajntxwv tas, “Npeehanta has le nuav tas, ³‘Koj tej nyaj tej kub yog kuv le, koj tej quaspuj hab koj tej mivnyuas kws zoo kawg yog kuv le.’ ” ⁴Cov Yixayee tug vaajntxwv teb tas, “Vaajntxwv kws yog kuv tug tswv, yeej yog le kws koj has ntaag, kuv yeej yog koj le, tej kws kuv muaj yeej yog koj le.” ⁵Cov kws tshaaj xuv rov qaab tuaj has tas, “Npeehanta has le nuav tas, ‘Kuv tub xaa xuv rua koj tas koj ca le xaa nyaj xaa kub xaa koj quaspuj mivnyuas moog rua kuv. ⁶Mas pigkig kwvlaam lub swjhawm nuav kuv yuav xaa kuv cov tub teg tub taw tuaj cuag koj. Puab yuav tuaj xawb koj vaaj koj tsev hab xawb koj tej num tswv tej vaaj tse, mas tej kws koj nyam puab yuav txeeb coj huvsw moog.’ ”
⁷Tes Yixayee tug vaajntxwv txawm hu cov kev txwj quas laug huv lub tebchaws tuaj mas has tas, “Swm saib, tug yawm hov nrhav kev tuaj txob plaub rua peb. Nwg tso tuabneeg tuaj yuav muab kuv tej quaspuj mivnyuas hab kuv tej nyaj tej kub los kuv tsw kwv tsw tawv le.” ⁸Mas cov kev txwj quas laug hab cov pejxeem suavdawg has rua vaajntxwv tas, “Tsw xob noog nwg tsw xob yeem le.” ⁹Nwg txhad has rua Npeehanta tej tub tshaaj xuv tas, “Mej ca le has rua vaajntxwv kws yog kuv tug tswv tas, ‘Txhua yaam kws thawj zag nwg kuas kuv kws yog nwg tug qhev muab rua nwg hov mas kuv muab tau rua nwg, tassws tej lug kws nwg has zag tom qaab nuav mas kuv ua tsw tau.’ ” Mas cov tub tshaaj xuv rov moog has rua Npeehanta le hov.
¹⁰Mas Npeehanta xaa xuv rov tuaj dua has tas, “Yog cov moov aav huv Xamali nuav txaus cov tuabneeg kws nrug kuv tuaj ib leeg tsuab ib taus teg mas thov ca tej daab ntuj daab teb rau txem rua kuv nyaav dua.” ¹¹Mas cov Yixayee tug vaajntxwv teb moog tas, “Ca le has rua Npeehanta tas, ‘Tug kws tseed saamswm muab cuab yeej ua rog naav tsw xob khaav theeb yaam le tug kws tub ua rog tav es muab cuab yeej ua rog hle lawm.’ ” ¹²Npeehanta nov tej lug nuav rua thaus nwg saamswm nrug cov vaajntxwv haus cawv txwv maab ua ke huv puab lub tsev ntaub, nwg txawm txhwb nwg cov tub rog tas, “Ca le npaaj kuas txhwj.” Mas puab txhad npaaj txhwj zog yuav ntaus lub nroog ntaag.
¹³Muaj ib tug xwbfwb cev Vaajtswv lug tuaj cuag cov Yixayee tug vaajntxwv Ahaj hab has tas, “Yawmsaub has le nuav tas, ‘Koj pum cov tub rog coob le nuav los tsw pum? Saib maj, nub nua kuv yuav muab puab rua huv koj txhais teg, koj txhad yuav paub tas kuv yog Yawmsaub.’ ” ¹⁴Mas Ahaj has tas, “Leejtwg yuav moog ntaus?” Tug xwbfwb has tas, “Yawmsaub has le nuav tas, ‘Cov thawj kws kaav huv txhua lub xeev le tub rog hluas yuav moog ntaus ua ntej.’ ” Ahaj has tas, “Tog twg yuav nqeg teg ua ntej?” Tug xwbfwb teb tas, “Koj tog yuav nqeg teg ua ntej.” ¹⁵Ahaj txhad le txhwj tau cov thawj kws kaav huv txhua lub xeev le tub rog hluas muaj ob puas peb caug ob leeg, hab tom qaab txhwj taag nrho cov Yixayee le tub rog huvsw tau xyaa txheeb leej.
¹⁶Puab tawm moog rua thaus taav su mas Npeehanta hab peb caug ob tug vaajntxwv kws paab nwg saamswm haus cawv qaug rua huv tej tsev ntaub. ¹⁷Cov thawj huv txhua lub xeev le tub rog hluas xub ua ntej moog. Npeehanta kuj xaa ib co moog tshuaj saib mas puab rov qaab lug has rua nwg tas, “Muaj tuabneeg tawm huv Xamali tuaj lawm.” ¹⁸Nwg has tas, “Yog puab tuaj dawb tuaj huv kuj muab puab nteg caj ca. Yog puab tuaj ua rog kuj muab puab nteg caj ca hab.”
¹⁹Mas cov thawj huv txhua lub xeev le tub rog txhad le tawm huv lub nroog moog, hab cov tub rog suavdawg kuj tawm lawv qaab moog. ²⁰Ib leeg tua ib tug yeeb ncuab tes cov Alaa txawm thim tswv mas cov Yixayee lawv puab moog. Cov Alaa tug vaajntxwv Npeehanta txawm caij neeg nrug cov tub rog caij neeg tswv moog lawm. ²¹Cov Yixayee tug vaajntxwv tawm moog ntaus yeej cov neeg hab cov tsheb ua rog hab tua tau cov Alaa tuag coob kawg le.
²²Mas tug xwbfwb cev Vaajtswv lug txhad tuaj cuag cov Yixayee tug vaajntxwv hab has rua nwg tas, “Ca le rov qaab moog tsev moog npaaj zug hab ntaus tswvyim zoo zoo saib yuav ua le caag, tsua qhov thaus lub ntuj qhua vaajntxwv Alaa yuav rov qaab tuaj ntaus mej dua hab.”
²³Alaa cov tub teg tub taw has rua vaajntxwv tas, “Cov Yixayee tej timtswv yog tej timtswv nruab roob puab txhad muaj zug dua peb. Ca peb moog ntaus puab rua nraag taj mas peb yuav muaj zug dua puab tag tag le. ²⁴Koj ca le ua le nuav, muab cov vaajntxwv hle huvsw es tsaa cov thawj rog nyob puab chaw. ²⁵Koj ca le sau tub rog kuas tau npaum le qub, hab sau neeg hab tsheb ua rog ntxwv rua cov kws poob taag lawm, mas peb yuav moog ntaus puab rua nraag taj mas peb yeej yuav muaj zug dua puab tag tag le.” Npeehanta kuj noog puab lug hab ua lawv le puab has hov.
²⁶Thaus txug lub caij ntuj qhua Npeehanta txhad le txhwj cov Alaa ua tub rog nce moog rua lub moos Afe yuav ua rog rua cov Yixayee. ²⁷Mas cov Yixayee kuj raug sau ua tub rog hab npaaj mov noj moog ua rog rua cov Alaa. Cov Yixayee ua yeej nyob yaam le ob paab nyuas tshws tsawg tsawg ncaaj ntawm cov Alaa xubndag, tassws cov Alaa mas nyob puv nkaus tej nraag taj hov. ²⁸Vaajtswv le ib tug tuabneeg tuaj has rua cov Yixayee tug vaajntxwv tas, “Yawmsaub has le nuav tas, ‘Cov Alaa has tas Yawmsaub yog timtswv nruab roob xwb nwg tsw yog timtswv nruab tag. Vem le nuav kuv yuav muab paab tuabneeg coob coob hov rua huv koj txhais teg, mas koj yuav paub tas kuv yog Yawmsaub.’ ” ²⁹Mas puab ob tog ua yeej nyob sws ncaag tau xyaa nub, mas nub kws xyaa txhad le ua rog. Cov Yixayee tua cov Alaa kws ua tub rog moog kwtaw tuag 100,000 leej rua nub hov. ³⁰Cov kws tshuav kuj tswv moog rua huv lub moos Afe, mas lub ntsaa loog hov kuj pob tais tuag ob vaam xyaa txheeb leej hab.
Npeehanta kuj tswv moog hab nwg tswv moog nyob huv ib chaav tsev huv plawv lub moos hov. ³¹Mas nwg cov tub teg tub taw has rua nwg tas, “Peb nov tas Yixayee tej vaajntxwv yog cov kws muaj lub sab khuvleej. Ca peb muab khaub seev tsaaj lug sa hab muab ib co hlua lug rwg peb taubhau tes peb tawm moog cuag cov Yixayee tug vaajntxwv, tej zag nwg yuav tseg koj txujsa ca.” ³²Puab txhad muab khaub seev tsaaj lug sa hab muab hlua rwg taubhau mas moog cuag cov Yixayee tug vaajntxwv hab has tas, “Npeehanta kws yog koj tug qhev has tas, ‘Thov tseg kuv txujsa ca.’ ” Mas vaajntxwv teb tas, “Nwg tseed caj sa hab lov? Nwg yog kuv kwv kuv tij.” ³³Cov tuabneeg hov saamswm tog ntsoov saib Ahaj yuav teb le caag tes puab txawm khaws vaajntxwv cov lug hov mas teb nplawg nta tas, “Yog le kws koj has tag, Npeehanta yeej yog koj kwvtij.” Mas vaajntxwv has tas, “Moog coj nwg tuaj.” Tes Npeehanta txawm tawm tuaj cuag Ahaj, tes Ahaj txawm kuas Npeehanta nce moog rua huv nwg lub tsheb ua rog. ³⁴Tes Npeehanta has rua Ahaj tas, “Tej moos kws kuv txwv txeeb tau ntawm koj txwv lug hov kuv muab thim rov qaab rua koj. Koj yuav ua tsev kab tsev khw rua huv lub nroog Ntamaxaka kuj tau ib yaam le kuv txwv tau ua rua huv lub nroog Xamali.” Mas Ahaj has tas, “Yog koj cog lug tseg le nuav kuv yuav tso koj dim.” Ahaj txhad nrug Npeehanta sws cog lug hab muab nwg tso moog.
³⁵Yawmsaub has rua ib tug xwbfwb cev Vaajtswv lug kuas nwg has rua tuab paab xwbfwb hov ib tug has tas, “Thov koj ntaus kuv ib teg.” Tassws tug yawm hov tsw kaam ntaus nwg. ³⁶Tes nwg txawm has rua tug yawm hov tas, “Vem koj tsw noog Yawmsaub tej lug mas thaus koj ncaim ntawm kuv moog lawd ib tug tsuv ntxhuav yuav tum koj tuag.” Thaus nwg ncaim ntawm tug xwbfwb hov moog lawd ib tug tsuv ntxhuav txawm lug muab nwg tum tuag lawm. ³⁷Mas tug xwbfwb hov nrhav tau dua ib tug yawm tes nwg has tas, “Thov koj ntaus kuv ib teg.” Tug yawm hov txawm muab tug xwbfwb hov ntaus ntsuab ib qho. ³⁸Tug xwbfwb cev Vaajtswv lug txhad moog lawm, nwg moog tog vaajntxwv ntawm ntug kev. Nwg muab ntaub qhwv nwg lub qhov muag tsw muaj leejtwg paub nwg lawm. ³⁹Thaus vaajntxwv taug kev lug nwg txawm qw rua vaajntxwv tas, “Kuv kws yog koj tug qhev moog rua huv tshaav rog mas muaj ib tug tub rog tig rov lug coj ib tug txwvneej lug rua kuv hab has rua kuv tas, ‘Zuv tug yawm nuav ca zoo zoo. Yog nwg dim tau le caag moog lawd mas yuav muab koj txujsa pauv nwg txuj lossws koj yuav tsum them ib talaa nyaj.’⚓ ⁴⁰Tes thaus kuv tseed taab kaum rua qhov nuav qhov u nwg txawm pluj lawm.” Cov Yixayee tug vaajntxwv txawm has rua nwg tas, “Koj yuav raug txem yaam nkaus le hov ntaag. Tsua qhov koj tub has le hov lawm.” ⁴¹Tes tug xwbfwb txawm daws kag daim ntaub kws npug nwg qhov muag, tes cov Yixayee tug vaajntxwv txhad cim tau tas nwg yog ib tug xwbfwb cev Vaajtswv lug. ⁴²Tes tug xwbfwb txhad has rua nwg tas, “Yawmsaub has le nuav tas, ‘Vem koj tau tso tug yawm kws nyob huv koj txhais teg moog lawm, yog tug kws kuv tu kuas muab ua puam tsuaj, mas koj txujsa yuav pauv nwg txujsa, hab koj cov tuabneeg yuav tuag theej nwg cov tuabneeg.’ ” ⁴³Mas cov Yixayee tug vaajntxwv moog rua huv nwg lub vaaj lub tsev huv Xamali nyuaj sab kawg chim ntsej muag tsaus nti.