11
亚她利雅篡位
（代下22．10－23．15）
1亚哈谢的母亲亚她利雅见她儿子死了，就起来剿灭王室所有的后裔。
2但约兰王的女儿，亚哈谢的妹妹约示巴，将亚哈谢的儿子约阿施从被杀的王子中偷出来，把他和他的奶妈藏在卧房里，躲避了亚她利雅，没有被杀。
3亚她利雅治理这地的时候，约阿施和他的奶妈在耶和华的殿里藏了六年。
4第七年，耶何耶大派人叫迦利人和护卫兵的众百夫长来，领他们进耶和华的殿，与他们立约，使他们在耶和华殿里起誓，又把王的儿子指给他们看，
5吩咐他们说：“你们要这样做：你们当中在安息日值班的，三分之一要把守王宫，
6三分之一要在苏珥门，三分之一要在护卫兵院的后门；你们要这样轮流把守王宫。
7你们安息日所有不值班的两队人员要在耶和华的殿里护卫王；
8各人手拿兵器，四围保护王。凡擅自闯入你们行列的，要被处死。王出入的时候，你们当跟随他。”
9众百夫长就照着耶何耶大祭司一切所吩咐的去做，各带自己的人，无论安息日值班或不值班的，都到耶何耶大祭司那里。
10祭司就把耶和华殿里所藏大卫王的枪和盾牌交给百夫长。
11护卫兵手中各拿兵器，在祭坛和殿那里，从殿南到殿北，站在王的四围。
12耶何耶大领约阿施⚓出来，给他戴上冠冕，把律法书交给他，膏他作王；众人都鼓掌说：“愿王万岁！”
13亚她利雅听见护卫兵和百姓的声音，就进耶和华的殿，到百姓那里。
14她观看，看哪，王照仪式站在柱旁，百夫长和号手在王旁边，国中的众百姓欢乐吹号。亚她利雅就撕裂衣服，喊着说：“反了！反了！”
15耶何耶大祭司吩咐管军兵的百夫长，对他们说：“把她从行列之间赶出去，凡跟随她的必用刀杀死！”因为祭司说：“不可在耶和华殿里杀她。”
16他们就下手拿住她；她进入通往王宫的马门，就在那里被杀。
耶何耶大的改革
（代下23．16－21）
17耶何耶大使王和百姓与耶和华立约，作耶和华的子民，又使王与百姓立约。
18于是国中的众百姓都到巴力庙去，拆毁了庙，彻底打碎祭坛和偶像，又在坛前把巴力的祭司玛坦杀了。耶何耶大祭司派官员看守耶和华的殿，
19又率领百夫长，迦利人和护卫兵，以及国中的众百姓，请王从耶和华的殿下来，由护卫兵的门进入王宫，他就坐上王位。
20国中的众百姓都欢乐，合城也都平静。他们已将亚她利雅在王宫那里用刀杀了。
21约阿施登基的时候年方七岁。
11
Yu^ndaa Nyei Hungh Maac, Aa^taa^li^yaa
(Beiv mangc 2 Zunh Doic Douh 22:10-23:15)
1Aa^hatc^yaa nyei maa, Aa^taa^li^yaa, buatc ninh nyei dorn daic mi'aqv, ninh ziouc jiez gorn daix nzengc maaih hungh douh nyei mienh.
2Mv baac Yolam nyei sieqv, Aa^hatc^yaa nyei muoc, Ye^ho^qe^mbaa, zorqv Aa^hatc^yaa nyei dorn, Yo^aatc, yiem oix zuqc daix daic nyei hungh dorn mbu'ndongx nimc cuotv daaih. Ninh dorh Yo^aatc caux dorh Yo^aatc wuov dauh bou mingh bingx jienv zaangc Tin-Hungh nyei biauv nyei yietc qongx gen,⚓ weic biaux ndutv, maiv zuqc Aa^taa^li^yaa Hungh Maac daix.
3Yo^aatc caux dorh ninh wuov dauh bou ziouc bingx jienv yiem zaangc Ziouv nyei biauv juqv hnyangx. Aa^taa^li^yaa yaac gunv deic-bung.
4Taux da'cietv hnyangx wuov hnyangx, Ye^ho^yaa^ndaa sai mienh heuc Kaali Mienh nyei baeng-bieiv caux goux hungh diex nyei baeng daaih yaac dorh ninh mbuo bieqc zaangc Ziouv nyei biauv. Ninh caux ninh mbuo liepc ngaengc waac yaac bun ninh mbuo yiem Ziouv nyei biauv houv waac. Nqa'haav ninh dorh hungh nyei dorn daaih bun ninh mbuo mangc.
5Ninh yaac paaiv ziangx ninh mbuo, “Meih mbuo oix zuqc hnangv naaiv nor zoux. Da'faanh Dingh Gong Hnoi luonh baan zuov wuov guanh baeng nyei buo gouv nyei yietc gouv oix zuqc zuov hungh dinc,
6buo gouv nyei yietc gouv oix zuqc zuov Sux^e Gaengh, buo gouv nyei yietc gouv oix zuqc yiem zuov hungh dinc nyei baeng nqa'haav nqaang nyei gaengh.
7Ziux luonh baan maiv zuqc zuov wuov deix i guanh oix zuqc yiem zaangc Ziouv nyei biauv goux hungh diex.
8Gorqv-mienh oix zuqc nanv jienv gorqv-mienh nyei wuoqc ginc weih gormx hungh diex. Haaix dauh daaih nitv fatv meih mbuo nyei guanh oix zuqc daix daic. Hungh diex bieqc cuotv nyei ziangh hoc, meih mbuo oix zuqc caux jienv ninh mingh.”
9Zuangx baeng-bieiv ziouc ei jienv Ye^ho^yaa^ndaa sai mienh paaiv nyei waac zoux. Gorqv-mienh dorh gorqv-mienh nyei baeng, liemh ziux luonh baan hnoi zuov nyei mienh fai cuotv luonh baan hnoi nyei wuov deix, daaih taux Ye^ho^yaa^ndaa sai mienh wuov.
10Ye^ho^yaa^ndaa zorqv yiem zaangc Ziouv nyei biauv zinh ndaangc benx Ndaawitv Hungh nyei cang caux torngv-baaih bun zuangx baeng-bieiv.
11Goux hungh diex nyei baeng, gorqv-mienh nyei buoz nanv jienv wuoqc ginc yiem ziec-dorngh caux zaangc Ziouv nyei biauv zaaix bung caux mbiaauc bung weih jienv hungh diex.
12Ye^ho^yaa^ndaa sai mienh dorh hungh diex nyei dorn cuotv daaih yaac zorqv hungh ningv tengx ninh ndongx jienv. Ninh mbuo zorqv laengz ngaengc waac sou jiu bun ninh ziouc orn ninh zoux hungh, aengx longc orn mienh nyei youh dox jienv. Zuangx mienh ziouc mbaix buoz heuc jienv gorngv, “Tov bun hungh diex ziangh duqv maanc fuix.”
Aa^taa^li^yaa Hungh Maac Zuqc Daix
13Aa^taa^li^yaa muangx haiz wuov deix goux hungh diex nyei baeng caux zuangx baeqc fingx nyei qiex mbui, ninh ziouc mingh taux zaangc Ziouv nyei biauv, baeqc fingx wuov.
14Ninh mangc ziouc buatc hungh diex ei jienv leiz souv ndiouh ga'hlen. Baeng-bieiv caux biomv nzatc nyei mienh yaac souv jienv hungh diex nyei ga'hlen. Deic-bung nyei zuangx baeqc fingx⚓ njien-youh haic yaac biomv nzatc.⚓ Aa^taa^li^yaa ziouc ⟨betv ninh nyei lui⟩ yaac heuc cuotv daaih gorngv, “Beic sih aav loh! Beic sih aav loh!”
15Ye^ho^yaa^ndaa sai mienh paaiv baeng-guanh nyei baeng-bieiv, “Dorh hungh maac gan baeng weih jienv nyei dorngx cuotv daaih. Haaix dauh gan jienv oix tengx ninh yaac oix zuqc longc nzuqc ndaauv daix wuov dauh daic.” Weic zuqc sai mienh gorngv jiex, “Maiv dungx yiem zaangc Ziouv nyei biauv bun ninh zuqc daix daic.”
16Ninh mbuo ziouc zorqv hungh maac mingh taux hungh dinc, maaz bieqc nyei gaengh wuov norm dorngx, bun ninh zuqc daix daic.
Ye^ho^yaa^ndaa Tengx Zorc Deic-Bung
(Beiv mangc 2 Zunh Doic Douh 23:16-21)
17Ye^ho^yaa^ndaa bun hungh diex caux baeqc fingx caux Ziouv liepc ngaengc waac, laengz zoux Ziouv nyei baeqc fingx. Ninh aengx bun hungh diex caux baeqc fingx liepc ngaengc waac.
18Guoqv gu'nyuoz nyei zuangx baeqc fingx mingh ⟨Mbaa^an zienh⟩ nyei miuc-biauv caeqv njiec nzengc. Ninh mbuo mborqv ziec-dorngh caux miuc-fangx huv muonc nzengc yaac yiem ziec-dorngh nza'hmien maengx daix Mbaa^an zienh nyei sai mienh, Matv^taan.
Ye^ho^yaa^ndaa sai mienh yaac paaiv baeng zuov jienv zaangc Ziouv nyei biauv.
19Ninh dorh jienv zuangx baeng-bieiv caux Kaali Mienh caux goux hungh nyei baeng caux guoqv zaangc nyei yietc zungv baeqc fingx. Ninh mbuo lomh nzoih dorh hungh diex yiem zaangc Ziouv nyei biauv daaih, yangh baeng zuov hungh dinc nyei gaengh bieqc hungh dinc. Hungh diex ziouc zueiz jienv ninh nyei hungh weic.
20Guoqv zaangc nyei zuangx baeqc fingx ziouc njien-youh. Zingh gu'nyuoz taaix-baengh aqv. Weic zuqc Aa^taa^li^yaa Hungh Maac yiem hungh dinc zuqc nzuqc ndaauv daix daic mi'aqv.
21Yo^aatc faaux weic zoux hungh wuov zanc, ninh nyei hnyangx-jeiv duqv siec hnyangx.