22
Npalaj txib neeg mus hu Npala‑as
1Cov Yixayee txawm tshais chaw mus tsuam chaw nyob hauv lub tiaj Mau‑a ntawm ntug dej Yaladee sab hnub tuaj uas ncaj lub moos Yelikhau.
2Npalaj uas yog Xipau tus tub kuj pom txhua yam uas cov Yixayee tau ua rau cov Amaulai.
3Cov Mau‑a ntshai haiv neeg ntawd heev kawg rau qhov lawv coob heev, cov Mau‑a ntshai cov Yixayee heev ua tshee hnyo.
4Cov Mau‑a thiaj hais rau Midee cov thawj tias, “Nimno pab niag neeg coob no yuav noj txhua yam ib ncig peb tag yam nkaus li nyuj noj zaub hauv teb.” Yog li no, Npalaj uas yog Xipau tus tub uas ua vajntxwv hauv Mau‑a tebchaws rau lub sijhawm ntawd,
5thiaj txib neeg mus hu Npala‑as uas yog Npe‑au tus tub ntawm lub moos Pethau uas nyob ze tus dej Yufeti hauv lub tebchaws uas yug nws hais tias, “Saib maj, ib haiv neeg tawm hauv Iyi tebchaws los, nkag puv nkaus lub ntiajteb lawm. Lawv tuaj nyob ti nkaus ntawm kuv lawm.
6Thov koj tuaj pab kuv tsawm foom haiv neeg ntawd, rau qhov lawv muaj zog heev dhau kuv. Tej zaum kuv yuav ntaus yeej lawv thiab ntiab tau lawv tawm hauv lub tebchaws mus. Kuv yeej paub tias koj foom koob hmoov rau tus twg tus ntawd yuav tau koob hmoov, thiab koj tsawm foom tus twg tus ntawd yuav raug tej lus foom tsis zoo ntawd.”
7Mau‑a cov thawj thiab Midee cov thawj thiaj coj ib co nqe ntiav tsawm foom mus. Lawv tuaj txog Npala‑as thiab hais Npalaj tej lus rau Npala‑as.
8Npala‑as hais rau lawv tias, “Hmo no nej pw ntawm no, mas Yawmsaub hais li cas rau kuv, kuv li coj tej lus ntawd los qhia rau nej.” Mau‑a cov thawj thiaj li nrog Npala‑as nyob ntawd.
9Mas Vajtswv los hais rau Npala‑as tias, “Cov neeg uas nrog koj nyob yog leejtwg?”
10Npala‑as teb Vajtswv tias, “Mau‑a tus vajntxwv Npalaj uas yog Xipau tus tubtxib lawv tuaj hais rau kuv tias,
11‘Saib maj, ib haiv neeg tawm hauv Iyi tebchaws los, nkag puv nkaus lub ntiajteb lawm. Thov koj tuaj pab kuv tsawm foom haiv neeg ntawd. Tej zaum kuv yuav ntaus yeej lawv thiab ntiab tau lawv tawm hauv lub tebchaws mus.’ ”
12Vajtswv hais rau Npala‑as tias, “Koj tsis txhob nrog lawv mus. Tsis txhob tsawm foom cov neeg ntawd rau qhov kuv twb foom koob hmoov rau lawv lawm.”
13Tagkis sawv ntxov Npala‑as kuj sawv los hais rau Npalaj cov tim xyoob tias, “Nej cia li rov qab mus rau nej teb nej chaw, rau qhov Yawmsaub tsis kheev kuv nrog nej mus.”
14Yog li ntawd Mau‑a cov thawj thiaj sawv tsees rov mus cuag Npalaj thiab hais tias, “Npala‑as tsis kam nrog peb tuaj.”
15Npalaj thiaj txib dua ib co tim xyoob coob dua thiab muaj meej mom loj dua thawj pab rov qab mus.
16Lawv tuaj txog Npala‑as thiab hais rau nws tias, “Npalaj uas yog Xipau tus tub hais li no tias, ‘Tsis txhob cia muaj ib yam dabtsi tab kaum qhov uas koj tuaj cuag kuv.
17Kuv yeej yuav muab koj saib hlob, koj xav kom kuv ua dabtsi kuv yeej yuav ua li ntawd. Thov koj tuaj pab kuv tsawm foom haiv neeg ntawd.’ ”
18Tiamsis Npala‑as teb Npalaj cov tim xyoob tias, “Txawm yog Npalaj yuav muab nws lub tsev uas muaj nyiaj muaj kub puv nkaus rau kuv los kuv yuav ua tsis tau ib yam dabtsi dhau tej uas Yawmsaub uas yog kuv tus Vajtswv kom kuv ua, tsis hais loj los me.
19Thov nej pw ib hmos ntawm no tso xwv kuv thiaj li paub tias Yawmsaub hais dabtsi tsav ntxiv rau kuv.”
20Mas Vajtswv los hais rau Npala‑as hmo ntawd tias, “Yog cov neeg ntawd tuaj hu koj, koj cia li sawv tsees nrog lawv mus, tiamsis koj yuav tsum ua raws li uas kuv hais rau koj xwb.”
Tubtxib saum ntuj thiab Npala‑as tus nees luav
21Tagkis sawv ntxov Npala‑as thiaj sawv nog eeb rau nws tus nees luav nrog Mau‑a cov thawj mus.
22Tiamsis Vajtswv npau taws rau qhov uas Npala‑as mus, mas Yawmsaub tus tubtxib saum ntuj thiaj los sawv tav Npala‑as kev tawm tsam nws. Npala‑as caij nees luav thiab muaj ob tug tub qhe nrog nws mus.
23Thaum tus nees luav pom Yawmsaub tus tubtxib saum ntuj tuav rawv ntaj sawv hauv txojkev, nees luav txawm lug kiag rau tom ntug kev mus rau tom daim teb. Mas Npala‑as nplawm tus nees luav rov qab los taug txojkev.
24Ces Yawmsaub tus tubtxib saum ntuj txawm mus sawv rau ntu kev nqaim uas muaj ob sab ntsa loog xov tej vaj txiv hmab thaiv ob sab kev.
25Thaum tus nees luav pom Yawmsaub tus tubtxib saum ntuj, ces txawm zam mus ti nkaus ntsa loog tais Npala‑as txhais kotaw rau ntawm ntsa loog. Npala‑as kuj rov nplawm tus nees luav dua.
26Mas Yawmsaub tus tubtxib ho mus sawv rau tom hauv ntej uas kev nqaim heev tsis tau chaw zam rau sab xis los sab laug li.
27Thaum tus nees luav pom Yawmsaub tus tubtxib saum ntuj ces txawm txhos caug ntua, Npala‑as tseem caij sau nrob qaum. Npala‑as npau taws heev thiaj xuas nws tus pas nrig nplawm tus nees luav.
28Mas Yawmsaub qheb nees luav qhov ncauj, nees luav thiaj hais rau Npala‑as tias, “Kuv ua li cas rau koj es koj ntaus kuv peb zaug li no?”
29Npala‑as hais rau nees luav tias, “Vim koj txhob txwm zes kuv. Yog muaj ntaj nyob hauv kuv txhais tes nimno ces kuv twb muab koj tua kiag lawm.”
30Tus nees luav hais rau Npala‑as tias, “Kuv tsis yog koj tus nees luav uas koj niaj hnub caij tag koj sim neej los txog niaj hnub nimno lov? Kuv txeev ua li no rau koj lov?” Npala‑as teb tias, “Tsis txeev ua.”
31Ces tamsim ntawd Yawmsaub qheb Npala‑as lub qhov muag, nws thiaj pom Yawmsaub tus tubtxib saum ntuj tuav rawv ntaj sawv hauv txojkev. Npala‑as txawm nyo hau khwb nkaus hauv av.
32Yawmsaub tus tubtxib saum ntuj hais rau Npala‑as tias, “Ua cas koj ntaus koj tus nees luav peb zaug li no? Twb yog kuv tuaj tav koj vim koj tawv nyom kuv, taug txojkev no.
33Tus nees luav pom kuv mas lug kuv peb zaug. Yog nws tsis lug ntawm kuv ces puam tab kuv twb muab koj tua lawm es cia tus nees luav dim.”
34Ces Npala‑as txawm hais rau Yawmsaub tus tubtxib saum ntuj tias, “Kuv tau ua txhaum muaj txim lawm rau qhov kuv tsis paub tias koj sawv hauv txojkev tav kuv. Yog li ntawd, nimno yog koj tsis pom zoo ces kuv yuav rov qab mus.”
35Yawmsaub tus tubtxib saum ntuj hais rau Npala‑as tias, “Cia li nrog cov txivneej ntawd mus, tiamsis koj yuav tsum hais tej lus uas kuv kom koj hais xwb.” Npala‑as thiaj nrog Npalaj cov tim xyoob mus.
36Thaum Npalaj hnov tias Npala‑as tuaj lawm nws txawm mus tos Npala‑as rau ntawm Mau‑a lub moos uas ti nkaus ciam teb uas muaj tus dej Anoo ua ciam teb.
37Npalaj hais rau Npala‑as tias, “Kuv twb tso neeg tuaj hu koj los tsis yog? Ua cas koj tsis tuaj cuag kuv? Kuv tsis muaj peevxwm muab koj saib hlob lov?”
38Npala‑as hais rau Npalaj tias, “Kuv twb tuaj txog koj lawm nev. Nimno kuv yuav hais tau dabtsi? Kuv yuav tsum hais tej lus uas Vajtswv muab tso rau hauv kuv lub qhov ncauj xwb.”
39Ces Npala‑as txawm nrog Npalaj mus txog lub moos Khiliya Huxau.
40Ces Npalaj txawm muab nyuj thiab yaj tua xyeem thiab muab ib txhia rau Npala‑as thiab cov tim xyoob uas nrog nws ua ke.
41Hnub tom qab Npalaj kuj coj Npala‑as nce mus rau pem lub roob Npamau Npa‑as, nyob qhov chaw ntawd nws saib pom cov Yixayee ib txhia.
22
Npalaj khaiv tuabneeg moog hu Npala‑aa
1Cov Yixayee txawm tshais chaw moog tsuam chaw nyob huv lub taj Mau‑a ntawm ntug dej Yalatee saab nub tuaj kws ncaaj lub moos Yelikhau.
2Npalaj kws yog Xipau tug tub kuj pum txhua yaam kws cov Yixayee tau ua rua cov Amaulai.
3Cov Mau‑a ntshai haiv tuabneeg hov heev kawg tsua qhov puab coob heev, cov Mau‑a ntshai cov Yixayee heev ua tshee quas nyo.
4Cov Mau‑a txhad has rua Mintee cov thawj tas, “Nwgnuav paab nam tuabneeg coob nuav yuav noj txhua yaam ib ncig peb taag yaam nkaus le nyuj noj zaub huv teb.” Yog le nuav, Npalaj kws yog Xipau tug tub kws ua vaajntxwv huv Mau‑a tebchaws rua lub swjhawm hov,
5txhad khaiv tuabneeg moog hu Npala‑aa kws yog Npe‑au tug tub ntawm lub moos Pethau kws nyob ze tug dej Yufeti huv lub tebchaws kws yug nwg has tas, “Saib maj, ib haiv tuabneeg tawm huv Iyi tebchaws lug, nkaag puv nkaus lub nplajteb lawm. Puab tuaj nyob ti nkaus ntawm kuv lawm.
6Thov koj tuaj paab kuv tsawm foom haiv tuabneeg hov, tsua qhov puab muaj zug heev dhau kuv. Tej zag kuv yuav ntaus yeej puab hab lawv tau puab tawm huv lub tebchaws moog. Kuv yeej paub tas koj foom koob moov rua tug twg tug hov yuav tau koob moov, hab koj tsawm foom tug twg tug hov yuav raug tej lug foom tsw zoo hov.”
7Mau‑a cov thawj hab Mintee cov thawj txhad coj ib co nqe ndav tsawm foom moog. Puab tuaj txug Npala‑aa hab has Npalaj tej lug rua Npala‑aa.
8Npala‑aa has rua puab tas, “Mo nuav mej pw ntawm nuav, mas Yawmsaub has le caag rua kuv, kuv le coj tej lug hov lug qha rua mej.” Mau‑a cov thawj txhad le nrug Npala‑aa nyob ntawd.
9Mas Vaajtswv lug has rua Npala‑aa tas, “Cov tuabneeg kws nrug koj nyob yog leejtwg?”
10Npala‑aa teb Vaajtswv tas, “Mau‑a tug vaajntxwv Npalaj kws yog Xipau tug tub khaiv puab tuaj has rua kuv tas,
11‘Saib maj, ib haiv tuabneeg tawm huv Iyi tebchaws lug, nkaag puv nkaus lub nplajteb lawm. Thov koj tuaj paab kuv tsawm foom haiv tuabneeg hov. Tej zag kuv yuav ntaus yeej puab hab lawv tau puab tawm huv lub tebchaws moog.’ ”
12Vaajtswv has rua Npala‑aa tas, “Koj tsw xob nrug puab moog. Tsw xob tsawm foom cov tuabneeg hov tsua qhov kuv tub foom koob moov rua puab lawm.”
13Taagkig sawv ntxuv Npala‑aa kuj sawv lug has rua Npalaj cov tim xyoob tas, “Mej ca le rov qaab moog rua mej teb mej chaw, tsua qhov Yawmsaub tsw kheev kuv nrug mej moog.”
14Yog le hov Mau‑a cov thawj txhad sawv tseeg rov moog cuag Npalaj hab has tas, “Npala‑aa tsw kaam nrug peb tuaj.”
15Npalaj txhad khaiv dua ib co tim xyoob coob dua hab muaj meej mom luj dua thawj paab rov qaab moog.
16Puab tuaj txug Npala‑aa hab has rua nwg tas, “Npalaj kws yog Xipau tug tub has le nuav tas, ‘Tsw xob ca muaj ib yaam daabtsw taab kaum qhov kws koj tuaj cuag kuv.
17Kuv yeej yuav muab koj saib hlub, koj xaav kuas kuv ua daabtsw kuv yeej yuav ua le ntawd. Thov koj tuaj paab kuv tsawm foom haiv tuabneeg ntawd.’ ”
18Tassws Npala‑aa teb Npalaj cov tim xyoob tas, “Txawm yog Npalaj yuav muab nwg lub tsev kws muaj nyaj muaj kub puv nkaus rua kuv los kuv yuav ua tsw tau ib yaam daabtsw dhau tej kws Yawmsaub kws yog kuv tug Vaajtswv kuas kuv ua, tsw has luj los miv.
19Thov mej pw ib mos ntawm nuav tsaiv sub kuv txhad le paub tas Yawmsaub has daabtsw tsaav ntxwv rua kuv.”
20Mas Vaajtswv lug has rua Npala‑aa mo ntawd tas, “Yog cov tuabneeg hov tuaj hu koj, koj ca le sawv tseeg nrug puab moog, tassws koj yuav tsum ua lawv le kws kuv has rua koj xwb.”
Tubkhai ntuj hab Npala‑aa tug neeg luav
21Taagkig sawv ntxuv Npala‑aa txhad sawv pem eeb rua nwg tug neeg luav nrug Mau‑a cov thawj moog.
22Tassws Vaajtswv npau tawg tsua qhov kws Npala‑aa moog, mas Yawmsaub tug tubkhai ntuj txhad lug sawv taav Npala‑aa kev tawm tsaam nwg. Npala‑aa caij neeg luav hab muaj ob tug tub qhe nrug nwg moog.
23Thaus tug neeg luav pum Yawmsaub tug tubkhai ntuj tuav rawv ntaaj sawv huv txujkev, neeg luav txawm zos hlo rua tom ntug kev moog rua tom daim teb. Mas Npala‑aa nplawm tug neeg luav rov qaab lug taug txujkev.
24Tes Yawmsaub tug tubkhai ntuj txawm moog sawv rua ntu kev nqaim kws muaj ob saab ntsaa loog xov tej vaaj txwv maab thaiv ob saab kev.
25Thaus tug neeg luav pum Yawmsaub tug tubkhai ntuj, tes txawm zaam moog ti nkaus ntsaa loog tais Npala‑aa txhais kwtaw rua ntawm ntsaa loog. Npala‑aa kuj rov nplawm tug neeg luav dua.
26Mas Yawmsaub tug tubkhai tsua moog sawv rua tom hauv ntej kws kev nqaim heev tsw tau chaw zaam rua saab xws los saab phem le.
27Thaus tug neeg luav pum Yawmsaub tug tubkhai ntuj tes txawm txhus caug ndua, Npala‑aa tseed caij sau nraus qaum. Npala‑aa npau tawg heev txhad xuas nwg tug paas nreg nplawm tug neeg luav.
28Mas Yawmsaub qheb neeg luav qhov ncauj, neeg luav txhad has rua Npala‑aa tas, “Kuv ua le caag rua koj es koj ntaus kuv peb zag le nuav?”
29Npala‑aa has rua neeg luav tas, “Vem koj txhob txwm zwg kuv. Yog muaj ntaaj nyob huv kuv txhais teg nwgnuav tes kuv tub muab koj tua kag lawm.”
30Tug neeg luav has rua Npala‑aa tas, “Kuv tsw yog koj tug neeg luav kws koj naj nub caij taag koj swm neej lug txug naj nub nwgnuav lov? Kuv txeev ua le nuav rua koj lov?” Npala‑aa teb tas, “Tsw txeev ua.”
31Tes taamswm ntawd Yawmsaub qheb Npala‑aa lub qhov muag, nwg txhad pum Yawmsaub tug tubkhai ntuj tuav rawv ntaaj sawv huv txujkev. Npala‑aa txawm nyo hau khwb nkaus huv aav.
32Yawmsaub tug tubkhai ntuj has rua Npala‑aa tas, “Ua caag koj ntaus koj tug neeg luav peb zag le nuav? Tub yog kuv tuaj taav koj vem koj kwv tawv kuv, taug txujkev nuav.
33Tug neeg luav pum kuv mas zos kuv peb zag. Yog nwg tsw zos ntawm kuv tes puam taab kuv tub muab koj tua lawm es ca tug neeg luav dim.”
34Tes Npala‑aa txawm has rua Yawmsaub tug tubkhai ntuj tas, “Kuv tau ua txhum muaj txem lawm tsua qhov kuv tsw paub tas koj sawv huv txujkev taav kuv. Yog le ntawd, nwgnuav yog koj tsw pum zoo tes kuv yuav rov qaab moog.”
35Yawmsaub tug tubkhai ntuj has rua Npala‑aa tas, “Ca le nrug cov txwvneej hov moog, tassws koj yuav tsum has tej lug kws kuv kuas koj has xwb.” Npala‑aa txhad nrug Npalaj cov tim xyoob moog.
36Thaus Npalaj nov tas Npala‑aa tuaj lawm nwg txawm moog tog Npala‑aa rua ntawm Mau‑a lub moos kws ti nkaus nrwm teb kws muaj tug dej Anoo ua nrwm teb.
37Npalaj has rua Npala‑aa tas, “Kuv tub tso tuabneeg tuaj hu koj los tsw yog? Ua caag koj tsw tuaj cuag kuv? Kuv tsw muaj peevxwm muab koj saib hlub lov?”
38Npala‑aa has rua Npalaj tas, “Kuv tub tuaj txug koj lawm nev. Nwgnuav kuv yuav has tau daabtsw? Kuv yuav tsum has tej lug kws Vaajtswv muab tso rua huv kuv lub qhov ncauj xwb.”
39Tes Npala‑aa txawm nrug Npalaj moog txug lub moos Khiliya Huxau.
40Tes Npalaj txawm muab nyuj hab yaaj tua xyeem hab muab ib txha rua Npala‑aa hab cov tim xyoob kws nrug nwg ua ke.
41Nub tom qaab Npalaj kuj coj Npala‑aa nce moog rua peg lub roob Npamau Npa‑aa, nyob qhov chaw ntawd nwg saib pum cov Yixayee ib txha.