17

Ahithaufee tej lug kov tsw yeej Husai tej lug

¹Hab Ahithaufee has rua Axaloo tas, “Thov ca kuv xaiv ib vaam ob txheeb tug tub rog es mo nuav kuv sawv kev moog lawv Tavi. ²Kuv yuav moog lawv cuag rua thaus nwg txug sav heev hab poob sab ua rua nwg ntshai raag zum zawg, cov tuabneeg kws nrug nwg ua ke suavdawg yuav tswv taag. Kuv yuav tua kag vaajntxwv tuab leeg xwb, ³hab kuv yuav coj cov pejxeem suavdawg rov lug rua koj.⚓ Thaus kws tua tau tuab tug kws koj cheem tsum xwb, tes kuj tau cov pejxeem suavdawg rov lug lawm, hab cov pejxeem suavdawg yuav nyob kaaj sab lug.” ⁴Cov lug nuav hum Axaloo hab Yixayee cov kev txwj quas laug suavdawg lub sab.
⁵Axaloo txhad has tas, “Ca le hu Husai kws yog Akhi cum lug. Peb yuav noog saib nwg has le caag.” ⁶Thaus Husai lug cuag Axaloo, Axaloo has rua nwg tas, “Ahithaufee has le nuav lawm. Tswm nyog ua lawv le nwg qha los tsw tswm nyog ua? Yog tsw tswm nyog ua, koj ca le has.” ⁷Husai has rua Axaloo tas, “Tej kws Ahithaufee has zag nuav tsw zoo.” ⁸Husai has ntxwv tas, “Koj yeej paub tas koj txwv hab nwg cov tuabneeg yog tub rog sab tuab. Puab saamswm npau tawg heev yaam le tug maum dais tom haav zoov kws luas coj cov mivnyuas moog lawm. Dua le ntawd koj txwv yog tug kws txawj ua rog heev hab mo ntuj nwg yuav tsw nrug nwg cov tub rog pw ua ke. ⁹Swm saib, taamswm nuav nwg moog nraim rua huv lub qhov lossws nyob dua rua ib qho lawm. Thaus koj cov tub rog moog ntaus rog thawj zag es qee leej raug tuag, leejtwg nov los yuav has tas, ‘Axaloo cov tub rog raug tua tuag.’ ¹⁰Tes txawm yog cov tub rog kws sab tuab hab lub sab zoo yaam nkaus le tug tsuv ntxhuav los yuav ntshai sab yaaj taag, vem cov Yixayee suavdawg yeej paub tas koj txwv yog tug kws muaj zug heev hab nwg cov tub rog kuj sab tuab. ¹¹Kuv le lug qha koj yog le nuav, koj sau cov Yixayee suavdawg txwj ntawm lub moos Ntaaj moog txug lub moos Npe‑awsenpa ua tau tub rog coob yaam nkaus le tej xuab zeb ntawm ntug havtxwv mas koj ua tug kws kaav cov tub rog moog ntaag. ¹²Mas peb ntswb nwg hovtwg kuj xwj, peb yuav nas ntho nwg yaam nkaus lwg lug rua huv aav. Mas Tavi hab nwg cov tuabneeg yuav tsw tshuav ib tug le. ¹³Yog nwg thim moog rua huv lub moos twg, cov Yixayee suavdawg yuav coj hlua moog nqug lub moos hov rua huv haav dej, ua kuas tsw tshuav ib lub qai zeb nyob ntawm lub chaw hlo le.” ¹⁴Axaloo hab cov Yixayee suavdawg has tas, “Tej lug kws Husai kws yog Akhi cum qha zoo dua tej lug kws Ahithaufee qha.” Yawmsaub tub npaaj tseg ua kuas tej lug zoo kws Ahithaufee qha kov tsw yeej sub Yawmsaub txhad coj tau tej xwm txheej phem lug raug Axaloo.
¹⁵Husai txawm has rua Xantau hab Anpiyatha kws ua pov thawj tas, “Ahithaufee tau qha le u le nuav rua Axaloo hab Yixayee cov kev txwj quas laug, hab kuv qha le u le nuav. ¹⁶Yog le hov ca le maaj tso tuabneeg moog has rua Tavi has tas, ‘Mo nuav nwg tsw xob su ntawm lub chaw kws hlaa dej moog rua tebchaws moj saab qhua, ca le hlaa hlo moog tsaam tes vaajntxwv hab nwg cov tuabneeg suavdawg yuav raug muab nqog hlo huvsw.’ ” ¹⁷Yaunathaa hab Ahima‑a saamswm tog hov ntawm lub qhov dej Eelaukee. Muaj ib tug nkauj qhev pheej moog qha rua ob tug, tes ob tug txhad moog has rua Tavi, tsua qhov ob tug tsw kaav moog rua huv lub nroog rua leejtwg pum. ¹⁸Tassws muaj ib tug tub hluas pum ob tug tes txawm moog has rua Axaloo. Ob tug txhad maaj nroog tswv moog txug ib tug yawm lub tsev huv lub moos Npahuli. Yawm hov muaj ib lub qhov dej nyob ntawm tog tsev, ob tug txawm nqeg moog nyob huv lub qhov ntawd. ¹⁹Tug yawm hov quaspuj txawm muab ntaub lug npug lub ncauj qhov hab muab qoob lug zab rua sau, tsw muaj leejtwg paub le. ²⁰Thaus Axaloo cov tub teg tub taw tuaj txug ntawm tug quaspuj hov lub tsev, puab txawm nug tas, “Ahima‑a hab Yaunathaa nyob hovtwg?” Tug quaspuj hov teb tas, “Ob tug hlaa dej moog dhau lawm.” Thaus puab nrhav tsw pum ob tug, puab txawm rov moog rua huv lub nroog Yeluxalee.
²¹Thaus cov tuabneeg hov rov moog lawd, ob tug le tawm huv lub qhov lug hab moog qha rua vaajntxwv Tavi. Ob tug has rua Tavi tas, “Ca le sawv tseeg maaj nroog hlaa tug dej moog vem yog Ahithaufee tub qha le u le nuav txug koj.” ²²Tavi hab nwg cov tuabneeg suavdawg txawm sawv tseeg hlaa tug dej Yalatee moog. Thaus kaaj ntug tes tsw tshuav ib tug kws tsw tau hlaa tug dej Yalatee le.
²³Thaus Ahithaufee pum tas puab tsw ua lawv le tej lug kws nwg qha, nwg txawm pem eeb caij neeg luav moog rua nwg lub tsev kws nyob huv nwg lub moos lawm. Thaus nwg tu nwg lub cuab txhwj lawm nwg txawm moog dai cej daab tuag, puab txhad muab nwg log rua huv nwg txwv lub qhov ntxaa.
²⁴Tavi txawm moog txug lub moos Mahana‑i. Tes Axaloo hab cov txwvneej Yixayee suavdawg txawm hlaa tug dej Yalatee moog. ²⁵Axaloo tub tsaa Amaxa ua thawj rog nyob Yau‑a chaw. Amaxa yog ib tug Yixayee⚓ hu ua Ithala le tub. Ithala yuav Anpikaa kws yog Naha tug ntxhais hab yog Xeluya kws yog Yau‑a nam tug nam hluas. ²⁶Cov Yixayee hab Axaloo ua yeej nyob huv Kile‑a tebchaws.
²⁷Thaus Tavi tuaj txug ntawm lub moos Mahana‑i, mas Saunpi kws yog Naha tug tub kws yog tuabneeg huv lub moos Lanpa huv Aamoo tebchaws, hab Makhi kws yog Ami‑ee huv lub moos Launtenpa tug tub, hab Npaxilai kws yog tuabneeg Kile‑a nyob huv lub moos Laukeli, ²⁸puab coj tej txaaj pw tej phaaj tej laujkaub aav, hab tej mog tej qeb tej moov tej qeb kib tej taum laag taum pauv, ²⁹hab zwb ntaab hab kua mig nyeem hab tej yaaj hab tej thooj nyuj mig nkoog tuaj pub rua Tavi hab nwg cov tuabneeg noj. Puab has tas, “Cov tuabneeg ntawd tshaib hab tsaug leeg heev hab nqhes dej rua huv tebchaws moj saab qhua.”

17

Ahithaufee tej lus kov tsis yeej Husai tej lus

¹Thiab Ahithaufee hais rau Axaloo tias, “Thov cia kuv xaiv ib vam ob txhiab tus tub rog es hmo no kuv sawv kev mus caum Davi. ²Kuv yuav mus caum cuag rau thaum nws txog siav heev thiab poob siab ua rau nws ntshai ras zom zaws, cov neeg uas nrog nws ua ke sawvdaws yuav khiav tag. Kuv yuav tua kiag vajntxwv tib leeg xwb, ³thiab kuv yuav coj cov pejxeem sawvdaws rov los rau koj.⚓ Thaum uas tua tau tib tug uas koj cheem tsum xwb, ces kuj tau cov pejxeem sawvdaws rov los lawm, thiab cov pejxeem sawvdaws yuav nyob kaj siab lug.” ⁴Cov lus no hum Axaloo thiab Yixayee cov kev txwj laus sawvdaws lub siab.
⁵Axaloo thiaj hais tias, “Cia li hu Husai uas yog Akhi cum los. Peb yuav mloog saib nws hais li cas.” ⁶Thaum Husai los cuag Axaloo, Axaloo hais rau nws tias, “Ahithaufee hais li no lawm. Tsim nyog ua raws li nws qhia los tsis tsim nyog ua? Yog tsis tsim nyog ua, koj cia li hais.” ⁷Husai hais rau Axaloo tias, “Tej uas Ahithaufee hais zaum no tsis zoo.” ⁸Husai hais ntxiv tias, “Koj yeej paub tias koj txiv thiab nws cov neeg yog tub rog siab tuab. Lawv tabtom npau taws heev yam li tus maum dais tom hav zoov uas luag coj cov menyuam mus lawm. Dua li ntawd koj txiv yog tus uas txawj ua rog heev thiab hmo ntuj nws yuav tsis nrog nws cov tub rog pw ua ke. ⁹Sim saib, tamsim no nws mus nraim rau hauv lub qhov lossis nyob dua rau ib qho lawm. Thaum koj cov tub rog mus ntaus rog thawj zaug es qee leej raug tuag, leejtwg hnov los yuav hais tias, ‘Axaloo cov tub rog raug tua tuag.’ ¹⁰Ces txawm yog cov tub rog uas siab tuab thiab lub siab zoo yam nkaus li tus tsov ntxhuav los yuav ntshai siab yaj tag, vim cov Yixayee sawvdaws yeej paub tias koj txiv yog tus uas muaj zog heev thiab nws cov tub rog kuj siab tuab. ¹¹Kuv li lus qhia koj yog li no, koj sau cov Yixayee sawvdaws txij ntua lub moos Daj mus txog lub moos Npe‑awsenpa ua tau tub rog coob yam nkaus li tej xuab zeb ntawm ntug hiavtxwv mas koj ua tus uas kav cov tub rog mus ntag. ¹²Mas peb ntsib nws qhovtwg kuj xij, peb yuav nias ntho nws yam nkaus lwg los rau hauv av. Mas Davi thiab nws cov neeg yuav tsis tshuav ib tug li. ¹³Yog nws thim mus rau hauv lub moos twg, cov Yixayee sawvdaws yuav coj hlua mus rub lub moos ntawd rau hauv hav dej, ua kom tsis tshuav ib lub qe zeb nyob ntawm lub chaw kiag li.” ¹⁴Axaloo thiab cov Yixayee sawvdaws hais tias, “Tej lus uas Husai uas yog Akhi cum qhia zoo dua tej lus uas Ahithaufee qhia.” Yawmsaub twb npaj tseg ua kom tej lus zoo uas Ahithaufee qhia kov tsis yeej xwv Yawmsaub thiaj coj tau tej xwm txheej phem los raug Axaloo.
¹⁵Husai txawm hais rau Xadau thiab Anpiyatha uas ua pov thawj tias, “Ahithaufee tau qhia li ub li no rau Axaloo thiab Yixayee cov kev txwj laus, thiab kuv qhia li ub li no. ¹⁶Yog li ntawd cia li maj tso neeg mus hais rau Davi hais tias, ‘Hmo no nws tsis txhob so ntawm lub chaw uas hla dej mus rau tebchaws moj sab qhua, cia li hla kiag mus tsam ces vajntxwv thiab nws cov neeg sawvdaws yuav raug muab nqos kiag huvsi.’ ” ¹⁷Yaunathas thiab Ahima‑a tabtom tos ntawm lub qhov dej Eelaukee. Muaj ib tug nkauj qhev pheej mus qhia rau ob tug, ces ob tug thiaj mus hais rau Davi, rau qhov ob tug tsis kav mus rau hauv lub nroog rau leejtwg pom. ¹⁸Tiamsis muaj ib tug tub hluas pom ob tug ces txawm mus hais rau Axaloo. Ob tug thiaj maj nroos khiav mus txog ib tug yawg lub tsev hauv lub moos Npahuli. Yawg ntawd muaj ib lub qhov dej nyob ntawm tog tsev, ob tug txawm nqes mus nyob hauv lub qhov ntawd. ¹⁹Tus yawg ntawd pojniam txawm muab ntaub los npog lub ncauj qhov thiab muab qoob los ziab rau saud tsis muaj leejtwg paub li. ²⁰Thaum Axaloo cov tub teg tub taws tuaj txog ntawm tus pojniam ntawd lub tsev, lawv txawm nug tias, “Ahima‑a thiab Yaunathas nyob qhovtwg?” Tus pojniam ntawd teb tias, “Ob tug hla dej mus dhau lawm.” Thaum lawv nrhiav tsis pom ob tug, lawv txawm rov mus rau hauv lub nroog Yeluxalees.
²¹Thaum cov neeg ntawd rov mus lawd, ob tug li tawm hauv lub qhov los thiab mus qhia rau vajntxwv Davi. Ob tug hais rau Davi tias, “Cia li sawv tsees maj nroos hla tus dej mus vim yog Ahithaufee twb qhia li ub li no txog koj.” ²²Davi thiab nws cov neeg sawvdaws txawm sawv tsees hla tus dej Yaladee mus. Thaum kaj ntug ces tsis tshuav ib tug uas tsis tau hla tus dej Yaladee li.
²³Thaum Ahithaufee pom tias lawv tsis ua raws li tej lus uas nws qhia, nws txawm nog eeb caij nees luav mus rau nws lub tsev uas nyob hauv nws lub moos lawm. Thaum nws tu nws lub cuab txhij lawm nws txawm mus dai caj dab tuag, lawv thiaj muab nws log rau hauv nws txiv lub qhov ntxa.
²⁴Davi txawm mus txog lub moos Mahana‑i. Ces Axaloo thiab cov txivneej Yixayee sawvdaws txawm hla tus dej Yaladee mus. ²⁵Axaloo twb tsa Amaxa ua thawj rog nyob Yau‑a chaw. Amaxa yog ib tug Yixayee⚓ hu ua Ithala li tub. Ithala yuav Anpikas uas yog Naha tus ntxhais thiab yog Xeluya uas yog Yau‑a niam tus niam hluas. ²⁶Cov Yixayee thiab Axaloo ua yeej nyob hauv Kile‑a tebchaws.
²⁷Thaum Davi tuaj txog ntawm lub moos Mahana‑i, mas Saunpi uas yog Naha tus tub uas yog neeg hauv lub moos Lanpa hauv Asmoo tebchaws, thiab Makhi uas yog Ami‑ee hauv lub moos Laudenpa tus tub, thiab Npaxilai uas yog neeg Kile‑a nyob hauv lub moos Laukeli, ²⁸lawv coj tej txaj pw tej phaj tej laujkaub av, thiab tej mog tej qeb tej hmoov tej qeb kib tej taum lag taum pauv, ²⁹thiab zib ntab thiab kua mis nyeem thiab tej yaj thiab tej thooj nyuj mis nkoog khov tuaj pub rau Davi thiab nws cov neeg noj. Lawv hais tias, “Cov neeg ntawd tshaib thiab tsaug leeg heev thiab nqhis dej rau hauv tebchaws moj sab qhua.”