22

Pev lug has txug rooj tshoob

(Lk. 14:15-24)

 1Yexu has dua pev lug rua puab tas, 2“Ntuj Ceeb Tsheej pev ib yaam le ib tug vaajntxwv kws npaaj rooj tshoob rua nwg tug tub, 3mas khaiv nwg cov qhev moog hu cov qhua kws caw tuaj noj tshoob, tassws puab tsw kaam tuaj. 4Nwg rov khaiv dua ib co tub qhe moog has tas, ‘Ca le has rua cov kws tub caw hov tas, Kuv tub npaaj nqaj qhau hab kuv tub tua tej nyuj hab tej mivnyuas nyuj kws fwb tav taag lawm, txhua yaam tub npaaj txhwj lawm. Mej ca le tuaj noj tshoob lauj!’ 5Tassws puab tsw quav ntsej le, ib tug moog ua laj ua teb, ib tug moog ua laag ua luam, 6dua le cov tseed ua phem rua nwg cov qhev hab muab tua pov tseg. 7Vaajntxwv npau tawg heev nwg txhad tso nwg cov tub rog moog ua kuas cov kws tua tuabneeg hov puam tsuaj hab muab puab lub moos hlawv pov tseg. 8Nwg has rua nwg cov tub qhe tas, ‘Rooj tshoob npaaj txhwj lawm, tassws cov kws caw hov tsw tswm nyog tuaj noj. 9Vem le nuav ca le tawm moog tom tej kev tshuam ntswb leejtwg kuj hu tuaj noj tshoob.’ 10Cov tub qhe hov txhad tawm moog tom tej kev hab hu txhua tug kws puab ntswb tsw has tug zoo tug phem, txhad muaj qhua puv nkaus chaav tsev ua tshoob.
  11“Thaus tug vaajntxwv hov lug saib cov qhua, nwg pum ib tug tsw naav tsoog tsho ua tshoob, 12tes txawm has rua tug hov tas, ‘Kwvluag 'e, ua caag koj tuaj ntawm nuav tsw naav tsoog tsho ua tshoob?’ Tug hov has tsw taug ib lus le. 13Vaajntxwv has rua cov tub qhe tas, ‘Ca le muab tug nuav khi teg khi taw laim rua saab nrau kws tsaus ntuj nti, qhov ntawd yuav muaj kev quaj qes nav quas qawv.’ 14Cov kws caw hu muaj coob, kuas cov kws xaiv tau muaj tsawg.”

Them se rua Xixa

(Mk. 12:13-17; Lk. 20:20-26)

 15Thaus ntawd cov Falixai moog sablaaj saib yuav nyaag Yexu tej lug le caag. 16Puab txawm khaiv puab cov thwjtim hab Helauj cov moog thom Yexu has tas, “Xwbfwb, peb paub tas koj yog ib tug ncaaj nceeg hab koj qha Vaajtswv txuj kev lawv le muaj tseeb hab tsw ua lawv le leejtwg lub sab nyam tsua qhov koj tsw saib leejtwg ntsej muag. 17Yog le nuav, thov koj qha rua peb saib koj xaav le caag. Tswm nyog them se rua Xixa los tsw them?” 18Yexu paub qhov kws puab xaav phem, nwg txhad has tas, “Cov nam tuabneeg ncauj lug zoo sab phem, mej tuaj swm kuv ua daabtsw? 19Ca le muab lub nyaj them se hov rua kuv saib.” Puab txhad muab ib lub ntenalia rua nwg. 20Yexu has rua puab tas, “Lub ntsej muag hab lub npe kws txaug nuav yog leejtwg?” 21Puab teb tas, “Yog Xixa le.” Yexu txawm has rua puab tas, “Yog le nuav yaam kws yog Xixa le ca le muab rua Xixa, yaam kws yog Vaajtswv le ca le muab rua Vaajtswv.” 22Thaus puab nov tej lug hov puab xaav tsw thoob, puab txawm ncaim Yexu moog lawm.

Qhov kws caj sawv rov lug

(Mk. 12:18-27; Lk. 20:27-40)

 23Tuab nub ntawd cov Xantukai kws qha has tas tsw muaj qhov kws sawv huv qhov tuag lug txawm tuaj cuag Yexu. Puab txhad thom Yexu 24has tas, “Xwbfwb, Mauxe tub has tas, ‘Yog leejtwg tuag lawm tsw tau muaj mivnyuas, mas nwg ib tug kwvtij yuav tsum yuav tug puj ntsuag hov txhad rhawv tau tug kws tuag le keeb kwm ca.’⚓ 25Peb cov muaj xyaa tug kwvtij. Tug hlub muaj quaspuj lawm le tuag tsw tau muaj mivnyuas, tseg tug quaspuj rua tug kwv yuav ua quaspuj. 26Mas tug ob tug peb moog txug tug xyaa kuj tuag taag ib yaam nkaus. 27Thaus kawg tug quaspuj hov kuj tuag lawm. 28Vem le nuav nub kws caj sawv rov lug, tug quaspuj hov yuav ua xyaa leej hov tug twg le quaspuj, tsua qhov nwg tub ua xyaa leej hov le quaspuj lawm?” 29Yexu teb puab tas, “Mej yuam kev lawm, mej tsw paub Vaajtswv txujlug hab tsw paub Vaajtswv tug fwjchim. 30Thaus tuabneeg caj sawv rov lug hov, tsw muaj kev sws yuav ua quaspuj quasyawg lawm, yuav zoo ib yaam le cov tubkhai ntuj xwb. 31Has txug qhov kws sawv huv qhov tuag rov lug, mej tsw tau nyeem tej kws Vaajtswv has rua mej lov? Nwg has tas, 32‘Kuv yog Aplahaa tug Vaajtswv, yog Yiha tug Vaajtswv hab yog Yakhauj tug Vaajtswv.’⚓ Vaajtswv tsw yog cov tuabneeg tuag tug Vaajtswv, nwg yog cov tuabneeg caj tug Vaajtswv.” 33Thaus cov tuabneeg hov nov, puab kuj phemfwj rua Yexu tej lug qhuab qha.

Nqai kevcai kws tseem ceeb dua ndais

(Mk. 12:28-34; Lk. 10:25-28)

 34Thaus cov Falixai nov tas Yexu ua rua cov Xantukai twg kev tsw muaj lug has lawm, puab txawm sau zog ua ke, 35mas ib tug xwbfwb kws paub cai txawm swm nug Yexu has tas, 36“Xwbfwb, txuj kevcai nqai twg tseem ceeb dua ndais?” 37Yexu has rua nwg tas, “ ‘Koj yuav tsum hlub tug Tswv kws yog koj tug Vaajtswv kawg sab kawg ntsws, hab kawg koj tug tswvyim.’⚓ 38Nqai nuav yog thawj nqais hab yog nqai kws tseem ceeb dua ndais. 39Nqai kws ob kuj ib yaam nkaus has tas, ‘Koj yuav tsum hlub kwvtij zej zog ib yaam le koj hlub koj tug kheej.’⚓ 40Mauxe txuj kevcai hab cov xwbfwb cev lug tej lug qha huvsw nyob taag nrho rua huv ob nqais nuav.”

Tug Kheto yog leejtwg

(Mk. 12:35-37; Lk. 20:41-44)

 41Thaus cov Falixai tseed nyob ua ke ntawd, Yexu txawm nug puab 42has tas, “Mej xaav le caag txug tug Kheto? Nwg yog leejtwg le tub?” Puab has rua nwg tas, “Yog Tavi le tub.” 43Yexu txhad nug puab tas, “Yog le ntawd ua caag Vaaj Ntsuj Plig kuas Tavi hu tug Kheto tas ‘tug Tswv’? hab has tas,
   44“ ‘Tug Tswv has rua kuv tug tswv tas,
  “Ca le nyob tsawg ntawm kuv saab xws,
   moog txug thaus kuv muab
   koj cov yeeb ncuab tag koj xwb taw.” ’⚓
 45Yog Tavi tub hu tug Kheto tas ‘tug Tswv,’ nwg yuav ua le caag ua tau Tavi le tub?” 46Tsw muaj ib tug twg teb tau Yexu ib lus le. Txwj nub ntawd lug tsw muaj leejtwg muaj cuabkaav nug Yexu dua le lawm.

22

喜宴的比喻

（路14．15－24）

 1耶稣又用比喻对他们说： 2“天国好比一个王为他儿子摆设娶亲的宴席。 3他打发仆人去，请那些被邀的人来赴宴，他们却不肯来。 4王又打发别的仆人，说：‘你们去告诉那被邀的人，我的宴席已经预备好了，牛和肥畜已经宰了，各样都齐备，请你们来赴宴。’ 5那些人不理就走了，一个到自己田里去，一个做买卖去。 6其余的抓住仆人，凌辱他们，把他们杀了。 7王就大怒，发兵除灭那些凶手，烧毁他们的城。 8于是王对仆人说：‘喜宴已经齐备，只是所邀的人不配。 9所以你们要往岔路口上去，凡遇见的，都邀来赴宴。’ 10那些仆人就出去，到大路上，凡遇见的，不论善恶都招聚了来，宴席上就坐满了客人。 11王进来见宾客，看到那里有一个没有穿礼服的， 12就对他说：‘朋友，你到这里来怎么不穿礼服呢？’那人无言可答。 13于是王对侍从说：‘捆起他的手脚，把他扔在外边的黑暗里；在那里他要哀哭切齿了。’ 14因为被召的人多，选上的人少。”

纳税给凯撒的问题

（可12．13－17；路20．19－26）

 15于是，法利赛人出去商议，怎样找话柄来陷害耶稣， 16就打发他们的门徒同希律党人去见耶稣，说：“老师，我们知道你是诚实的，并且诚诚实实传上帝的道，无论谁你都一视同仁，因为你不看人的面子。 17请告诉我们，你的意见如何？纳税给凯撒合不合法？” 18耶稣看出他们的恶意，就说：“假冒为善的人哪，为什么试探我？ 19拿一个纳税的钱给我看！”他们就拿一个银币来给他。 20耶稣问他们：“这像和这名号是谁的？” 21他们说：“是凯撒的。”于是耶稣说：“这样，凯撒的归凯撒；上帝的归上帝。” 22他们听了十分惊讶，就离开他走了。

复活的问题

（可12．18－27；路20．27－40）

 23那天，撒都该人来见耶稣。他们说没有复活这回事，于是问耶稣： 24“老师，摩西说：‘某人若死了，没有孩子，他弟弟该娶他的妻子，为哥哥生子立后。’ 25从前，在我们这里有兄弟七人，第一个娶了妻，死了，没有孩子，撇下妻子给弟弟。 26第二、第三，直到第七个，都是如此。 27后来，那妇人也死了。 28那么，在复活的时候，她是七个人中哪一个的妻子呢？因为他们都娶过她。” 29耶稣回答他们说：“你们错了，因为不明白圣经，也不知道上帝的大能。 30在复活的时候，人也不娶也不嫁，而是像天上的天使一样。 31论到死人复活，上帝向你们所说的话，你们没有念过吗？ 32他说：‘我是亚伯拉罕的上帝，以撒的上帝，雅各的上帝。’上帝不是死人的上帝，而是活人的上帝。” 33众人听见这话，对他的教导非常惊讶。

最大的诫命

（可12．28－34；路10．25－28）

 34法利赛人听见耶稣堵住了撒都该人的口，他们就聚集在一起。 35其中有一个人是律法师⚓，要试探耶稣，就问他： 36“老师，律法上的诫命哪一条是最大的呢？” 37耶稣对他说：“你要尽心、尽性、尽意爱主—你的上帝。 38这是最大的，且是第一条诫命。 39第二条也如此，就是要爱邻⚓如己。 40这两条诫命是一切律法和先知书的总纲。”

基督与大卫的关系

（可12．35－37；路20．41－44）

 41法利赛人聚集的时候，耶稣问他们： 42“论到基督，你们的意见如何？他是谁的后裔呢？”他们说：“是大卫的。” 43耶稣说：“这样，大卫被圣灵感动，怎么还称他为主，说：
   44‘主对我主说：
  你坐在我的右边，
  等我把你的仇敌放在你脚下？’
 45大卫既称他为主，他怎么又是大卫的后裔呢？” 46没有一个人能回答一句话，从那日以后没有人敢再问他什么。